কোভিদ-১৯ শন্দোরকপা অসিদা লৌমীশিংনা নিংথম মহৈ-মরোংশিং খাওবা, য়ৈবা অমসুং লীদুনা থম্নবা অমসুং য়োনবগী মতাংদা ইন্দিয়ান কাউন্সিল ওফ এগ্রিকচরেল রিছাসনা চেকশিনৱা পীরি :

         মহৈ-মরোংশিং খাওবা অমসুং য়ৈবা

     লৌউ-শিংউগী থবকশিং অসি অকক্নবা মতম অমগী মনুংদা পাংথোক্কদবা ওইবনা নিংথম মহৈ-মরোংশিং খাওবা, য়ৈবা অমসুং লীদুনা থম্নবা অমসুং য়োনবা অসি তঙাইফদনা তৌদবা য়াদ্রবা অমনি । অদুবু লৌমীশিংনা লাইচৎ অসি শন্দোরকপা থিংনবা অকনবা চেকশিন থৌরাং লৌখৎকদবনি । লৌমীশিংনা লৌবুক্ত থবক শুবা মতমদা অমগা অমগা লাপ্না লৈনগদবনি অমসুং চেকশিন থৌরাংগী থবকশিং ইনগদবনি ।

• অৱাং থংবা রাজ্যশিংদা হৌজিক গেহু লোকপা মতম য়ৌরক্লে । গেহু লোকপগী থবক তৌগদৌরবা লৌমীশিং অমসুং রাজ্যশিংগী মরক্ত মেছিনশিং থবক শুবগী অয়াবা পীরে অমসুং অকনবা চেকশিন-থৌরাং লৌখৎকদবনি ।
• হঙ্গাম অসি অনিশুবা খ্বাইদগী মরুওইবা নিংথম মহৈ-মরোংনি , খুৎনা লোকপা হৌরে অমসুং লেমহৌরিবশিং য়ৈবা হৌরে ।
• লেন্তিল, চুজাক অমসুং মোরোক লৌকপা হৌরে অমসুং চানা লোকপা মতম য়ৌরক্লে ।
• চু য়ানবা মতম য়ৌরে অমসুং খুৎনা চু থাবা মতমসু য়ৌরে ।
• মহৈ-মরোংশিং, উহৈশিং, মনা-মশিং , য়েরুম অমসুং ঙাগী থবকশিং পাংথোকপা মতমদা মীয়ামদগী লাপ্না লৈগদবনি অমসুং লু-নান্না থবক তৌগদবনি ।
• লৌবুক্ত লৌমীশিং অমসুং শিন্মীশিং থবক শুবা মতমদা ফিত ৪-৫ লাপ্না লৈনগদবনি ।
• থবক শুরিবা মীওই খুদিংমক মাক্স উপকদবনি অমসুং সাপোন্না মরক মরক্ত খুৎ হামগদবনি ।
• পোথাবা, চাক চাবা মতম, পোৎ হাপ্পা অমসুং থাবদা ফিত ৩-৪ থাপ্না লৈনগদবনি ।
• নোংমদা মী মশিং য়াম্না থবক শুনবা নেক্লোইদবনি ।
• য়ারিবমখি মশক খঙবা মীওইশিং খক নেক্কদবনি অমসুং চিংনবা মীওইশিং মরম চানা হংগদবনি ।
• মেছিন শীজিন্নবা মতমদা চংদ্রবা য়াদবা মীওইশিং খক শীজিন্নগদবনি।
• মেছিনশিং, গারিশিং অমসুং বোরা খাউশিং সেনিতাইজ তৌগদবনি।
• পোৎথোক মপৈ থম্বদা ফিত ৩-৪ লাপ্নগদবনি অমসুং মপৈ অমদা মীওই ১-২ থবক শুহনগদবনি ।
• চুজাক অমসুং লৈবাক হৱাই লোকপা মতমদা থ্রেসরশিং ফজনা শেংদোক্কদবনি ।

        পোৎথোকশিং লিবা অমসুং য়োনবা

• কংহনবা, য়ৈবা, খপ্পা, অমোৎপা খন্দোকপা অমসুং হাঞ্জিনবা মতমদা মাক্স উপকদবনি অমসুং উফুল চংদনবা হোৎনগদবনি ।
• মহৈ-মরোশিং লিবা মতমদা মমাং চহিগী বোরা শীজিন্নরোইদবনি অমসুং চাদা ৫গী নিম মহিদা তিংলবা বোরা কংহল্লবা মতুংদা শীজিন্নগদবনি ।
• মহৈ-মরোংশিং লিবা মতমদা মাংজৌন্না অকনবা চেকশিন-থৌরাং লৌখৎকদবনি অমসুং দরকার লৈরবদি মমল খঙদোক্নবা হোৎনগদবনি ।
• কৈথেলদা য়োন্নবা পোৎ হাপ্পা অমসুং থাবা মতমদা য়াওরিবা মীওইশিং চেকশিন-থৌরাং মতিক চানা লৌখৎকদবনি ।
• মরু পুথোক্লিবা লৌমীশিংনা মরি লৈনব চে-চাং য়াওরগা মরু লৈগদবা কম্পেনি ফাওবা পুথোক-পুশিন তৌবগী অয়াবা পীরে অমসুং শেন লৌনবদা মতমদা চেকশিনগদবনি ।
• কাংলেন লৌরোক্কী ওইনবা মরু পুথোক্লিবা রাজ্য অমদগী মরু লৈরিবা রাজ্য অমদা পুবা অসি দরকার ওই । খুদম ওইনা অৱাংলোমদা এপ্রিলদা হুল্লিবা ষনগী মচিঞ্জাক ওইনবা নাপী মরু অসি খা ভারতকী রাজ্যশিংদগী পুরকপনি ।
• লৌবুক্তগী মনা-মশিং হকথেংন্না য়োনবদা চেকশিন-থৌরাংশিং লৌখৎকদবনি।

লৌবুক্ত হৌরিবা মহৈ-মরোংশিং

• গেহু হৌরিবা মফমশিংদা ইংবগী চাং চাংচৎতা লৈরিবা মরম্না লৌমীশিংনা এপ্রিল ২০ ফাওবা থেংথনা গেহু লৌকপা য়াগনি ।
• খা থংবা রাজ্যশিংদা হৌজিক নিংথম থাগী ফৌশিংদা নেক ব্লাস্ত তারিবা অসি লৌমীশিংনা চুনবা হিদাক কাপকদবনি ।
• করিগুম্বা ফৌ লোকপা মতমদা মতম চানা নোং চুরবদি মতোল থোকপগী কন্নবা চাদা ৫গী থুমহি কাপকদবনি ।
• হৌজিক হৈনৌ মহৈ য়ানবা মতমনি অমসুং নিউত্রিয়েন্ত মহিশিং কাপ্পা মতমদা চেকশিন-থৌরাং লৌখৎকদবনি।
• ফৌগী মতুংদা কালেনগী হাৱায় মখলশিং থাবা মতমদা য়েল্লো মোজাইক ভাইরস ঙাকথোক্নবা থবক পায়খৎকদবনি ।

ভারত সরকারগী কাংলোন মতুংইন্না মখাগী থবকশিং অসি কোভিদ-১৯গী অথিংবদগী কোমথোক্লে :

• i. ভেতেরিনারি হোস্পিতালশিং
• ii. মহৈ-মরোং লৈরিবা এজেন্সিশিং

3. এ পি এম সিগী মখাদা লৈবা মান্দিশিং
4. লৌবুক্ত থবক শুরিবা লৌমীশিং অমসুং শিন্মীশিং
5. ফার্ম মেছিনগী কস্তম হাইয়ারিং সেন্তরশিং
6. হার, তিলহাৎ হিদাকশিং অমসুং মরু পুথোকপা অমসুং পেকেজ তৌবা ফার্মশিং
7. লৌ য়ৈনবা মেছিনশিং অমসুং খুৎলায়শিং রাজ্যশিংগী মরক্ত চৎথোক-চৎশিন তৌনবা ।