نئی دہلی،23؍اکتوبر،وزیراعظم نریندر مودی  کی صدارت میں مرکزی کابینہ نے   کویت میں کھاتہداری،فائنانساورآڈٹسےمتعلقعلم میں صلاحیت سازی  اور  اسے مستحکم کرنے  کےلئےمفاہمتنامےکومنظوریدے دی ہے۔

فوائد:

مفاہمت نامے میں بھارت اور کویت کی دو اکائیوں کو شامل کیا ہے۔

1. انسٹی ٹیوٹ آف چارٹرڈ اکاؤنٹنٹس آف انڈیا (آئی سی اے آئی) اور  کویت اکاؤنٹنٹس اینڈ آڈیٹرس ایسوسی ایشن (کے اے اے اے)  دونوں اداروں کے ارکان  کے  فائدے  اور  ان کی  پیشہ  وارانہ مہارت  کو فروغ دینے کی خاطر  مل کر  کویت میں تکنیکی  اجلاس  ، سیمینار اور کانفرنسوں کا انعقاد کریں گے۔اس سلسلے میں آنے والے اخراجات  دونوں فریقوں کے ذریعے تحریری طور پر  متفقہ تناسب میں برداشت کئے جائیں گے۔
2. آئی سی اے آئی اور  کے اے اے اے کارپوریٹ حکمرانی ، تکنیکی ریسرچ اور صلاح ومشورہ  ، معیار  کی یقین دہانی ، فورنسک اکاؤنٹنگ ، چھوٹے اور اوسط درجے کی پریکٹس سے متعلق معاملات ، اسلامی فائنانس ، مسلسل جاری پیشہ ورانہ  ترقی  اور  باہمی مفاد کے دیگر  موضوعات  میں  مل کر  امکانی تعاون قائم کریں گے۔ آئی سی اے آئی کا  اور کے اے اے اے دونوں تعاون اکاؤنٹنگ کے علم میں اضافے  ، پیشہ وارانہ ترقی کے لئے اشتراک ، تکنیکی اجلاس ، سیمینار اور کانفرنسوں میں تعاون کے لئے مفاہمت نامے کے  ضابطوں کو نافذ کریں گے۔ کے اے اے اے اس طرح کے اجلاس  کے انعقاد کے لئے  جگہ  فراہم کرے گا اور اپنے طلباء اور فیکلٹی کے ارکان  کو ان میں شرکت کی ہمت افزائی کرے گا۔
3. مفاہمت نامے  کے مجوزہ ضابطوں کے تحت آئی سی اے آئی  اور کے اے اے اے  باہمی اشتراک  کے شعبے میں مستقبل کے فروغ کے امکانات پر تبادلہ خیال کریں گے۔ پہلے  یہ تبادلہ خیال  تعاون اور ڈھانچے  کو سمجھنے ، بیرونی ضابطوں اور  اندرونی ضابطوں کے فریم ورک  مرتب کرنے اور دونوں اداروں کے ارکان  اور ان کے پیشوں کے لئے ضابطوں پر تبادلہ خیال کیا جائے گا۔ یہ  ان دونوں اداروں کے  مؤثر ہونے اور ان کی حکمرانی کے مفاد میں ہوگا۔
4. کے اے اے اے اور آئی سی اے آئی  اکاؤنٹنگ ، فائنانس اور آڈٹ کے موضوع پر  کویت میں مختصر مدت کے پیشہ وارانہ کورس  شروع کرنے میں اشتراک کریں گے جس سے کویت کے شہریوں کو فائدہ حاصل ہوگا۔
5. آئی سی اے آئی  اور کے اےا ے اے باہمی مفاد کے مخصوص شعبوں میں امکانی تعاون کے قیام کے لئے مل کر کام کرنے  کی خاطر  مناسب اقدامات کریں گے۔ آئی سی اے آئی  اور کے اے اے اے کے اشتراک سے کویتی حکومت  ؍ وزارتوں ؍ کے اے اے اے کے ارکان  اور  کویتی باشندوں کے لئے  تکنیکی پروگرام  پیش کرے گا۔
6. کویت میں  بھارت کے چارٹرڈ اکاؤنٹنٹس مقامی  کاروباریوں اور  دیگر فریقوں کو  فائنانشیل رپورٹنگ کے معاملات  میں مدد کررہی ہے اور  وہاں اس کی بہت عزت وتکریم ہے۔ مجوزہ مفاہمت نامے سے امید ہے کہ کویت میں بھارت کے چارٹرڈ اکاؤنٹنٹس کی مثبت شبیہ  میں مزید اضافہ ہوگا اور ان پر اعتماد  کو پختہ کرنے میں مدد ملے گی۔

۔۔۔۔۔۔۔۔۔۔۔۔۔۔۔

U-4739