প্ৰধানমন্ত্রী শ্রী নৰেন্দ্ৰ মোদীৰ অধ্যক্ষতাত আজি অনুষ্ঠিত কেন্দ্রীয় কেবিনেটৰ বৈঠকত ১৯৪৭ চনত জম্মু-কাশ্মীৰৰ পৰা বিতাৰিত ৫,৩০০টা পৰিয়ালৰ ভিতৰত যিসকলক প্ৰথমে ৰাজ্যৰ বাহিৰত থকাৰ সন্মতি দিয়া হৈছিল আৰু পৰৱর্তী সময়ত পুনৰ জম্মু-কাশ্মীৰলৈ ঘুৰি আহিছিল, তেওঁলোকক ২০১৬ চনৰ পাকিস্তান অধিকৃত জম্মু-কাশ্মীৰৰ পৰা বিতাৰিত পৰিয়ালৰ বাবে পুনৰ সংস্থাপন পেকেজ আৰু ছাম্ব এলেকাৰ বিতাৰিত পৰিয়ালসমূহক ২০১৫ চনৰ জম্মু-কাশ্মীৰৰ বাবে প্ৰধানমন্ত্রীৰ উন্নয়ন পেকেজৰ আওতালৈ অনাৰ ক্ষেত্ৰত অনুমোদন জনোৱা হয়।

লাভঃ

এই সিদ্ধান্তৰ ফলত বর্তমানৰ কর্মসূচীৰ অধীনত এই পৰিয়ালসমূহে এককালীন ৫.৫০ লাখ টকাকৈ আর্থিক সাহায্য লাভ কৰিব৷

উল্লেখ্য যে ১৯৪৭ চনত জম্মু-কাশ্মীৰত পাকিস্তানৰ আগ্রাসনৰ ফলত পাকিস্তান অধিকৃত জম্মু-কাশ্মীৰ এলেকাৰ পৰা ৩১,৬১৯টা পৰিয়ালে জম্মু-কাশ্মীৰলৈ আহিছিল৷ এওঁলোকৰ ভিতৰত ২৬,৩১৯টা পৰিয়ালে জম্মু-কাশ্মীৰত বসবাস কৰিবলৈ লয়৷ ৫,৩০০টা পৰিয়ালে প্ৰথমে দেশৰ বিভিন্ন স্থানত বসবাস কৰাৰ বাবে সম্মত হয়৷ ১৯৬৫ আৰু ১৯৭১ চনত ভাৰত-পাক যুদ্ধৰ সময়ত ছাম্ব নিয়াবাত এলেকাৰ ১০,০৬৫টা পৰিয়াল বিতাৰিত হয়৷ এওলোকৰ ভিতৰত ১৯৬৫ৰ যুদ্ধত ৩,৫০০ পৰিয়াল আৰু ১৯৭১ৰ যুদ্ধত ৬,৫৬৫টা পৰিয়াল জম্মু-কাশ্মীৰলৈ আহে৷ ২০১৬ চনৰ ৩০নৱেম্বৰত কেন্দ্রীয় কেবিনেটে পাকিস্তান অধিকৃত জম্মু-কাশ্মীৰ আৰু ছাম্ব নিয়াবাত এলেকাৰ পৰা বিতাৰিত ৩৬,৩৮৪টা পৰিয়ালৰ বাবে এক পেকেজত অনুমোদন জনায়। পাকিস্তান অধিকৃত জম্মু-কাশ্মীৰৰ পৰা যি ৫,৩০০ বিতাৰিত পৰিয়ালে জম্মু-কাশ্মীৰৰ বাহিৰত বসবাসৰ সিদ্ধান্ত লৈছিল, তেওঁলোক এই পেকেজৰ আওতায় নাছিল৷ এই ৫,৩০০ পৰিয়ালৰ ভিতৰত যিসকল পৰৱর্তী সময়ত জম্মু-কাশ্মীৰলৈ ঘুৰি আহিছিল তেওঁলোকক এই পেকেজৰ আওতায় অন্তর্ভুক্ত কৰা হৈছে।

****

VRRK/SH/PK/DB