ಸಂಪುಟ
ಅಪರಾಧ ವಿಷಯಗಳಲ್ಲಿ ಭಾರತ ಮತ್ತು ಮೊರೊಕ್ಕೊ ನಡುವೆ ಪರಸ್ಪರ ಕಾನೂನು ಸಹಕಾರ ಒಪ್ಪಂದಕ್ಕೆ ಸಂಪುಟ ಅಸ್ತು
Posted On:
01 NOV 2018 12:18PM by PIB Bengaluru
ಅಪರಾಧ ವಿಷಯಗಳಲ್ಲಿ ಭಾರತ ಮತ್ತು ಮೊರೊಕ್ಕೊ ನಡುವೆ ಪರಸ್ಪರ ಕಾನೂನು ಸಹಕಾರ ಒಪ್ಪಂದಕ್ಕೆ ಸಂಪುಟ ಅಸ್ತು
ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಂಪುಟ ಸಭೆಯು ಅಪರಾಧ ವಿಷಯಗಳಲ್ಲಿ ಭಾರತ ಮತ್ತು ಮೊರೊಕ್ಕೊ ನಡುವೆ ಪರಸ್ಪರ ಕಾನೂನು ಸಹಕಾರ ಒಪ್ಪಂದಕ್ಕೆ ಅನುಮೋದನೆ ನೀಡಿದೆ.
ಪ್ರಯೋಜನಗಳು :
ಅಪರಾಧಗಳ ತನಿಖೆ ಮತ್ತು ಕಾನೂನು ಕ್ರಮಕೈಗೊಳ್ಳಲು, ಸುಳಿವು ಪತ್ತೆಹಚ್ಚಲು, ಅಪರಾಧಗಳನ್ನು ನಿಗ್ರಹಿಸಲು, ಅಪರಾಧದ ಉಪಕರಣಗಳ ಮುಟ್ಟುಗೋಲು ಹಾಕುವ, ವಶಪಡಿಸಿಕೊಳ್ಳುವ ಹಾಗೂ ಸೂಕ್ತ ಕ್ರಮಕೈಗೊಳ್ಳುವ ವಿಷಯದಲ್ಲಿ ಭಾರತ ಮತ್ತು ಮೊರೊಕ್ಕೊ ನಡುವೆ ದ್ವಿಪಕ್ಷೀಯ ಸಹಕಾರಕ್ಕೆ ವಿಸ್ತ್ರತ ಕಾನೂನು ಚೌಕಟ್ಟನ್ನು ಈ ಒಪ್ಪಂದ ನೀಡಲಿದೆ.
ಅಪರಾಧದ ತನಿಖೆ ಮತ್ತು ಕಾನೂನು ಕ್ರಮದಲ್ಲಿ ಪರಿಣಾಮಕಾರಿತ್ವವನ್ನು ಹೆಚ್ಚಿಸುವ ಉದ್ದೇಶ ಈ ಒಪ್ಪಂದದ್ದಾಗಿದೆ. ಸಮಾಜದ ಅಭಿವೃದ್ಧಿಗೆ ಅಗತ್ಯವಾದ ಶಾಂತಿಯುತ ವಾತಾವರಣವನ್ನು ಒದಗಿಸುವಲ್ಲಿ ಈ ಒಪ್ಪಂದ ನೆರವಾಗಲಿದೆ. ಸಂಘಟಿತ ಅಪರಾಧಿಗಳು ಮತ್ತು ಭಯೋತ್ಪಾದಕರ ಕಾರ್ಯಾಚರಣೆಗಳ ಮಾಹಿತಿ ಮತ್ತು ಒಳನೋಟಗಳನ್ನು ಪಡೆಯುವಲ್ಲಿ ಈ ಒಪ್ಪಂದ ಕಾರ್ಯನಿರ್ವಹಿಸಲಿದೆ.
ಆಂತರಿಕ ಭದ್ರತಾ ಕ್ಷೇತ್ರದಲ್ಲಿದಲ್ಲಿ ನೀತಿ ನಿರ್ಣಯಗಳನ್ನು ಇನ್ನಷ್ಟು ಪರಿಣಾಮಕಾರಿಯಾಗಿಸಲು ಈ ಒಪ್ಪಂದ ಸಹಕರಿಸಲಿದೆ.
(Release ID: 1551667)
Visitor Counter : 136