প্ৰধানমন্ত্ৰীৰ কাৰ্যালয়
ন্যায়াধীশ ৰঞ্জন গগৈ ভাৰতৰ পৰৱৰ্তী মুখ্য ন্যায়াধীশ নিযুক্ত
Posted On:
13 SEP 2018 7:18PM by PIB Guwahati
ন্যায়াধীশ ৰঞ্জন গগৈক আজি ৰাষ্ট্ৰপতিয়ে দেশৰ মুখ্য ন্যায়াধীশ হিচাপে নিযুক্ত কৰিছে৷ বৰ্তমানৰ মুখ্য ন্যায়াধীশ দীপক মিশ্ৰৰ অৱসৰৰ পাছত ২০১৮ৰ ৩ অক্টোবৰত তেওঁ কাৰ্যভাৰ গ্ৰহণ কৰিব৷
১৯৫৪ চনৰ ১৮ নৱেম্বৰত জন্ম গ্ৰহণ কৰা ন্যায়াধীশ গগৈয়ে ১৯৭৮ত এগৰাকী অধিবক্তা হিচাপে কৰ্মজীৱন আৰম্ভ কৰিছিল৷ গুৱাহাটী উচ্চ ন্যায়ালয়ত তেওঁ সাংবিধানিক, কৰাৰোপন আৰু কোম্পানী সম্পৰ্কীয় দিশত প্ৰেক্টিচ কৰিছিল৷ ২০০১ৰ ২৮ ফেব্ৰুৱাৰীত তেওঁ গুৱাহাটী উচ্চ ন্যায়ালয়ৰ স্থায়ী বিচাৰপতি নিযুক্ত হয়৷ ২০১০ৰ ৯ ছেপ্তেম্বৰত তেওঁ পঞ্জাব আৰু হাৰিয়ানা উচ্চ ন্যায়ালয়লৈ বদলি হৈছিল৷ ২০১১ৰ ১২ ফেব্ৰুৱাৰীত গগৈয়ে পঞ্জাব আৰু হাৰিয়ানা উচ্চ ন্যায়ালয়ৰ মুখ্য ন্যায়াধীশৰ দায়িত্ব লাভ কৰে৷ ২০১২ৰ ২৩ এপ্ৰিলত তেওঁ ভাৰতৰ উচ্চতম ন্যায়ালয়ৰ এগৰাকী বিচাৰক হিচাপে নিযুক্ত হয়৷
****
AKT/SH/SK/MS
(Release ID: 1546278)
Visitor Counter : 73