57th International Film Festival of India 2026
20 – 28 Nov 2026

भावनांच्या वैश्विक भाशेंतल्यान सिनेमा मानवतेक एकठांय बांदता : कार्ला सोफिया गॅस्कॉन


इफ्फीत आयोजीत 'स्टेजेस अक्रॉस बॉर्डर्स' (शीमेपलीकडचे रंगमंच) ह्या मास्टरक्लासांतल्यान कार्ला सोफिया गॅस्कॉन ह्या नामनेच्या अभिनेत्रीन अभिनय कलेचे पैलू उक्ताडायले

पोस्ट केल्लें: 22 NOV 2026 3:01PMby PIB Mumbaiउजवाडणी आयडी: 2340065Views: 7

गोंय, 22 नोव्हेंबर 2026

 

सिनेमा भौगोलिक आनी सांस्कृतिक शिमो हुपून मानवी भावनांच्या वैश्विक भाशेच्या माध्यमांतल्यान लोकांक एकामेकां कडेन जोडटा, अशें नामनेच्यो अभिनेत्री कार्ला सोफिया गॅस्कॉन हांणी आयज गोंयांत 57व्या भारतीय आंतरराष्ट्रीय चित्रपट महोत्सवांत (IFFI) आयोजीत ‘स्टेजेस अक्रॉस बॉर्डर्स’ (शीमेपलीकडचे रंगमंच) ह्या खासा मास्टरक्लासाच्या वेळार सांगलें.

आवड आनी समर्पणाच्या म्हत्वाचेर भर दितना गॅस्कॉन हांणी उदयोन्मुख कलाकारांक स्वताचेर विस्वास दवरपाचें, आपलें खाशेलेपण आपणावपाचें आनी आपल्या कलेविशीं सदांच निष्ठावान रावपाचें आवाहन केलें. आपल्या वेवसायाविशीं मनापासून मोग आसप, प्रभावी आनी अस्सल अभिनयाखातीर खूब म्हत्वाचें आसा, असें तांणी नमूद केलें.

अभिनया विशींचो आपलो दृष्टिकोनय तांणी ह्या वेळार मांडलो. पडद्याचेर अस्सलपणा हाडपा खातीर खोल भावनिक गुंतवणुकेच्या आदारान आपूण दर एके भूमिकेंत पुरायपणान समरस जावन वता, अशें तांणी सांगलें. पारंपरिक चौकटी भायल्या आनी आव्हानात्मक भूमिका साकारपाक आपली पसंती आशिल्ल्याचे सांगतना, स्वताच्या अणभवां परस पुरायपणान वेगळ्यो भूमिका साकारिल्ल्यान सर्जनशील शोध, कलात्मक उदरगत आनी आत्मपरिक्षणाच्यो संदी मेळटात, अशें तांणी नमूद केलें.

अभिनय हो आव्हानां आनी नव्या सोदांचो एक सेगीत चालू रावपी प्रवास आशिल्ल्याचें गॅस्कॉन हांणी सांगलें. दर एक भूमिका ही एका नव्या दृष्टिकोनाची आनी वेगळ्या पद्दतीची मागणी करता, ही बाब तांणी अधोरेखित केली. सिनेमा म्हळ्यार भौगोलिक वा सांस्कृतिक फाटभुंयेचो विचार करनासतना, सामायिक मानवी भावनांच्या माध्यमांतल्यान प्रेक्षकांक एकठांय हाडपी वैश्विक भास आसा, अशें तांणी म्हळें.

फिल्म निर्मितीच्या सामुहिक स्वरूपाचेर भर दितना, तांणी क्रिएटिव्ह टीमच्या दर एका वांगड्याच्या योगदानाची तोखणाय केली. खंयचोय चित्रपट हो निमाणें त्या चित्रपटकर्मींच्या सामुहिक दृष्टिकोनांतल्यान आनी यत्नांतल्यानच आकार घेता, अशें तांणी अधोरेखित केलें.

ह्या मास्टरक्लासांतल्यान नवोदित कलाकारांक, फिल्म निर्मात्यांक आनी सिनेमा मोग्यांक सर्जनशील प्रक्रिया,अभिनयाच्यो बारकायो आनी फिल्म निर्मितीच्या सामुहिक कले विशीं जाणून घेवपाक मेळ्ळें.

Read IFFILOID here: https://www.pib.gov.in/iffi/57/iffiLoid.aspx?yr=2026&lang=1&reg=48

 

* * *

पीआयबी मुंबई | मनाली प्रभूगांवकर/मोनाली प्रभू/दर्शना राणे


Great films resonate through passionate voices. Share your love for cinema with #IFFI2026 and #StoriesWithoutBorders. Tag us @pibindia on Instagram and @PIB_India on X, and we will help amplify your festival moments!

For accredited journalists, critics, bloggers, and vloggers seeking 1-on-1 interviews with filmmakers and festival juries, write to us at:
iffi.mediadesk@pib.gov.in with the subject line: Take One with PIB.


Official Release ID: 2340065
•
Media Centre: Goa
•
Festival Dates: Nov 20 – 28, 2026