गोंय, 21 नोव्हेंबर 2026
भारताच्या दक्षिणेकडल्या प्रदेशांसावन पुर्वोत्तर मेरेन, भारतीय चित्रपटांक कथा, संस्कृती आनी सर्जनशील अभिव्यक्तींच्या विवीधतायेतल्यान तांक फावो जाता. पूण प्रादेशिक वळख आनी चित्रपटांच्या शैलींच्या मुखार वचून समान मानवी भावना ह्या कथांक देशभरांतल्या प्रेक्षकां कडेन जोडटात. ह्या विविधतेचें प्रतिबिंब दाखोवपी ‘इंडियन पॅनोरमा 2026’ प्रायोगीक चित्रपट परीक्षक मंडळाचे अध्यक्ष आनी चित्रपट निर्माते मधुर भांडारकर हांणी, गोयांत आयोजीत 57व्या भारतीय आंतरराष्ट्रीय चित्रपट महोत्सवाच्या (इफ्फी) पत्रकार परिषदेंत 404 प्रवेशिकातल्यान 25 चित्रपटांची निवड करतानाचो आपलो अनुभव सांगलो.

चित्रपट निवड प्रक्रियेविशीं उलयताना,परीक्षक मंडळान वेगवेगळ्या प्रकारच्या आनी शैलींचे चित्रपट पळोवन एकमतान निर्णय घेतला, अशें मधुर भांडारकर हांणी नमुद केलें. हो अनुभव समृद्ध करपी आशिल्लो, अशें सांगून चित्रपट महोत्सवांतल्यान शिकपाक आनी नवे दृष्टिकोन मेळोवपाक संदी मेळटा, अशें लेगीत तांणी मुखार सांगलें. निमण्या निवडीविशीं विश्वास उक्तायतना, परीक्षक मंडळान निवडिल्ल्या चित्रपटांविशीं तांणी धादोसकाय उक्तायली. कांय मराठी, लडाखी आनी मल्याळम चित्रपटांचो खासा उल्लेख करतना, ह्या मंत्रमुग्ध करपी चित्रपटांचो परीक्षक मंडळाचेर खर प्रभाव पडलो, अशें तांणी सांगलें.
_20261121152524_cb8583.jpeg)
मौलिकता आनी प्रतिनिधित्वाच्या म्हत्वाचेर भर दिताना, देशाच्या वेगवेगळ्या भागांतले दृष्टिकोन एकठांय हाडताना आपली मुळावी संकल्पना तिगोवन दवरपी चित्रपटांचो मंडळान सोद घेतलो, अशें म्हालगडी स्तंभलेखिका आनी परीक्षक मंडळ वांगडी भारती प्रधान हांणी सांगलें. वेंचिल्ल्या चित्रपटांत अखिल भारतीय प्रतिनिधित्व मेळ्ळयल्लेविशीं तांणी समाधान उक्तायलें. मुख्य प्रवाहांतल्या चित्रपट विभागांत निवडीचे निकश आनी ‘इंडियन पॅनोरमा’ प्रायोगीक चित्रपट विभागांत निवडपाचे निकश वेगवेगळे आशिल्ले, अशे तांणी नमूद केले.
_20261121152423_00e022.jpeg)
अभिनेत्री आनी परीक्षक मंडळाची सदस्य बिंदू चंद्रमौली हांच्या मतान, देशाच्या वेगवेगळ्या भागांतले चित्रपट पळोवप म्हळ्यार आंतरराष्ट्रीय सिनेमाचो अणभव घेवपासारकोच आशिल्लो. भाशा, शैली आनी चित्रपटांच्या प्रकारांत फरक आसलो तरी लेगीत, सगळी फिल्मा समान भावनेच्या दोरयेन विणिल्लीं, अशें तांणी सांगलें. पळोवप्यांक भाशांच्या पसंती मुखार वचून चित्रपटांचो अणभव घेवपाचो संदेश दितना, तेलगू पळोवप्यांक तरेकवार भाशेंतले चित्रपट पळोवन तरेकवार काणयो सांगपाच्या पद्धतींची तोखणाय करपाचो उलो मारलो.
पळोवप्यांक चित्रपटांतल्यान भारताचो आभासी प्रवास घडुन, देशाची विविधतायेतलो एकचार ह्या चित्रपटांतल्यान दिसून येता, अशें छायाचित्रण दिग्दर्शक आनी परीक्षक मंडळाचे सदस्य एम. एस. प्रभू हांणी सांगलें. वेगवेगळ्या प्रदेशांतले चित्रपट पळयताना तांची कथा आनी भावनांमदलो परस्पर संबंध परिक्षकांक अधिक स्पश्टपणान जाणवलो. नव्या दिग्दर्शकांच्या कामाचीय तुस्त करतना, चित्रपट निवडपाची प्रक्रिया एक मोलादीक शिकवण दिवपी अणभव आशिल्लो, अशें तांणी नमूद केलें.
_20261121152455_9f2ea5.jpeg)
निवडिल्ल्या चित्रपटांविशीं आपलो अणभव सांगतना, छायाचित्रण दिग्दर्शक आनी परीक्षक मंडळाचे सदस्य के. एस. शिवरामन हांणी दक्षिण भारतीय प्रेक्षकां खातीर कांय चित्रपटांचें रूपांतर करपाचीय कल्पना सुचली, इतक्यो कांय चित्रपटांनी व्यक्त केल्ल्यो भावना प्रभावी आशिल्ल्यो, अशें सांगलें. परीक्षक मंडळाचे सदस्य सोहम पी. शाह हांणी चित्रपटांतल्यान दिल्ल्या संदेशाक चित्रपट निवड प्रक्रियेंतलो एक म्हत्वाचो निकष म्हूण भर दिलो.
परीक्षक मंडळान मुख्य प्रवाहांतल्या सिनेमाच्या विभागांत निवडिल्ल्या पांच चित्रपटांविशींय चर्चा केली. चित्रपटांची तांक, संकल्पना आनी तातूंत मांडिल्ल्या कल्पनांच्या आदाराचेर एकमतान हो निर्णय घेतला, अशी म्हायती भंडारकर हांणी दिली. पत्रकार परिषदेचें सूत्रसंचालन श्री राजित चंद्रन हांणी केलें.

निवडिल्ल्या प्रायोगीक चित्रपट पॅकेजींत ‘इंडियन पॅनोरमा’ प्रायोगीक चित्रपट विभागांत 20 आनी मुख्य प्रवाहांतल्या चित्रपट विभागांत पांच चित्रपटांचो आस्पाव आसा. आदित्य धर दिग्दर्शित हिंदी चित्रपट ‘धुरंधर’ हाची ‘इंडियन पॅनोरमा 2026’ च्या उक्तावण प्रायोगीक चित्रपट म्हूण निवड जाल्या. ‘इंडियन पॅनोरमा’च्या एकंदरीत निवडींत 20 बिगरप्रायोगीक चित्रपटांचोय आस्पाव आसा.
परीक्षक मंडळाच्या ह्या निरीक्षणांनी भारतीय चित्रपट निर्मितीचो व्यापक वाठार दिसून येता, हातूंत वेगवेगळ्यो प्रादेशिक वळखी आनी चित्रपट शैली, प्रेक्षकांच्या काळजाक भिडपी कथांच्या माध्यमांतल्यान एकठांय येतात. इफ्फीत ‘इंडियन पॅनोरमा’ हो भारतीय सिनेमाची प्रायोगीक चित्रपटांची विविधता उजवाडांत हाडपाचें काम चालू दवरता तशेंच वेगवेगळ्यो भाशा आनी संस्कृतींतल्या समकालीन भारतीय चित्रपटांचो अणभव घेवपाक आनी तांचो आस्वाद घेवपाक हो विभाग एक महत्वाची माची उपलब्ध करून दिता.

Read IFFILOID here: https://www.pib.gov.in/iffi/57/iffiLoid.aspx?yr=2026&lang=1®=48
* * *
पीआयबी मुंबई | मनाली प्रभूगांवकर/प्रियंका वेलिंगकर/दर्शना राणे