প্রধানমন্ত্রীগী লোইশঙ
azadi ka amrit mahotsav

পি.এম.না নবেম্বর ১৯দা এফ.আই.সি.সি.আই.গী এন্যুএল জেনরেল মীতিং অমসুং এন্যুএল কনভেন্সন হৌদোক্কনি


এফ.আই.সি.সি.গী চহি চামা শুবগী কনভেন্সন অসিনা “ভারত ২০৪৭” হায়বা থিমদা মীৎয়েং থমগনি

থাগৎখিবা: 18 NOV 2026 4:01PM by PIB Imphal

প্রধান মন্ত্রী শ্রী নরেন্দ্র মোদীনা ২০২৬কী নবেম্বর ১৯গী অয়ুক পুং ১১ তাবা মতমদা নই দিল্লীগী ভারত মন্দপমদা ফেদরেসন ওফ ইন্দিয়ন চেম্বর্স ওফ কম্মর্স এন্দ ইন্দস্ত্রী (এফ.আই.সি.সি.আই.)গী এন্যুএল জেনরেল মীতিং অমসুং এন্যুএল কনভেন্সন হৌদোক্কনি। থৌরম অদুদা মহাক্না মীয়ামদা ৱা ঙাংগনি।

“ভারত ২০৪৭” হায়বা থিমদা পাংথোক্কদৌরিবা কনভেন্সন অসিদা ইন্দস্ত্রীগী লুচিংবশিং, সি.ই.ও.শিং, এম্বেসেদরশিং, দিপ্লোমেৎশিং অমসুং পোলিসী মেকরশিং য়াওনা দেলিগেৎ ২৫০০ হেন্না পুনগনি। ২০২৬-২৭ অসি এফ.আই.সি.সি.আই.গী চহি ১০০শুবা চহি ওইরি, ২০২৭গী এপ্রিল ৭দা ওর্গনাইজেসন অসিনা লিংখৎখিবা চহি ১০০ মপুং ফারগনি।

১৯২৭তা লিংখৎখিবা, এফ.আই.সি.সি.আই. অসি ইকোনোমিক পোলিসী মেকিংদা ভারতকী ইন্তর্প্রাইজেসকী মীহুৎ মশিং য়াম্না লৈত্রিঙৈ মতম অমদা লিংখৎখিবনি। নীংতম্বা ফংলবা মতুংদগী, এফ.আই.সি.সি.আই. অসি ভারতকী শেন্মিৎলোনগী অহোংবা পুরকপগা লোয়ননা মালেমগী শেন্মিৎলোনগা লোয়ননা হেন্না হেন্না পুনশিন্নবগী থৌওংগা মরী লৈনরক্লি।  

ঙসিদি, এফ.আই.সি.সি.আই.না পব্লিক, প্রাইবেৎ অমসুং মল্তিনেস্নেল সেক্তরগী কম্পেনী লাখ ২.৫ হেন্না হকথেংননা অমসুং এফিলিয়েতেদ রিজনেল অমসুং স্তেৎ লেবেল ইন্দস্ত্রী এসোসিয়েসন ৩০০ হেনবগী খুত্থাংদা রিপ্রজেন্ত তৌরি। লৈবাক ১০০ হেনবদা লৈবা নেস্নেল বিজিনেস এসোসিয়েসন ২৫০গা লোয়ননা পার্তনরশিপ এগ্রীমেন্তশিং লৈ।

****


(রিলিজ আই.দি.: 2338269) ভিজিতর কাউন্তর : 5