57-ാമത് ഇന്ത്യ അന്താരാഷ്ട്ര ചലച്ചിത്ര മേളയിൽ 25 ഫീച്ചര്‍ സിനിമകളും 20 നോണ്‍-ഫീച്ചര്‍ സിനിമകളും പ്രദർശിപ്പിക്കാനൊരുങ്ങി ഇന്ത്യൻ പനോരമ

ഇന്ത്യ അന്താരാഷ്ട്ര ചലച്ചിത്ര മേളയുടെ സുപ്രധാന വിഭാഗമായ 'ഇന്ത്യൻ പനോരമ'യിൽ ഈ വര്‍ഷം മുഖ്യധാരാ സിനിമാ വിഭാഗത്തിലെ അഞ്ച് ചിത്രങ്ങളടക്കം 25 ഫീച്ചര്‍ സിനിമകളും 20 നോണ്‍-ഫീച്ചര്‍ സിനിമകളും പ്രദർശിപ്പിക്കും. ആദിത്യ ധർ സംവിധാനം ചെയ്ത 'ധുരന്ധർ' (ഹിന്ദി) ഇന്ത്യൻ പനോരമ 2026-ലെ ഉദ്ഘാടന ഫീച്ചര്‍ ചിത്രമായും ശ്രീമതി ലീന യാദവ് സംവിധാനം ചെയ്ത 'ബിക്കമിങ്' (ലഡാക്കി) ഉദ്ഘാടന നോണ്‍ -ഫീച്ചര്‍ ചിത്രമായും തിരഞ്ഞെടുക്കപ്പെട്ടു.

സമകാലിക ഇന്ത്യൻ ഫീച്ചര്‍ ചലച്ചിത്ര വിഭാഗത്തിൽ ലഭിച്ച 404 ചിത്രങ്ങളില്‍നിന്നാണ് 25 ചിത്രങ്ങൾ തിരഞ്ഞെടുത്തത്. 358 ചിത്രങ്ങളില്‍നിന്നാണ് 20 നോണ്‍-ഫീച്ചര്‍ ചിത്രങ്ങൾ തിരഞ്ഞെടുത്തത്. ഇരുവിഭാഗങ്ങളിലുമായി വിവിധ ഭാഷകളിലെ സമകാലിക ഇന്ത്യൻ ചലച്ചിത്ര ലോകത്തെ വൈവിധ്യമാർന്ന നിരയാണ് മേളയിലെത്തുന്നത്. ചലച്ചിത്ര കലയുടെ പ്രോത്സാഹനത്തിന് ചലച്ചിത്രപരവും പ്രമേയപരവും സൗന്ദര്യാത്മകവുമായ മികവ് പുലർത്തുന്ന ഫീച്ചര്‍, നോണ്‍-ഫീച്ചര്‍ ചിത്രങ്ങള്‍ തിരഞ്ഞെടുക്കുക എന്നതാണ് ഇന്ത്യൻ പനോരമ ലക്ഷ്യമിടുന്നത്. അതത് അധ്യക്ഷന്മാരുടെ നേതൃത്വത്തിൽ ഫീച്ചര്‍, നോണ്‍-ഫീച്ചര്‍ ചിത്രങ്ങൾക്കായി  രൂപീകരിച്ച പ്രത്യേക ജൂറികളാണ് ചിത്രങ്ങള്‍ തിരഞ്ഞെടുത്തത്.  

ഇന്ത്യൻ സിനിമയിലെ നൂതന കാഴ്ചപ്പാടുകളെയും നവീന ആവിഷ്കാര രീതികളെയും പുതിയ പ്രതിഭകളെയും പ്രോത്സാഹിപ്പിക്കുന്നതിനാണ് 'മികച്ച നവാഗത ഇന്ത്യൻ ഫീച്ചര്‍ സംവിധായകനുള്ള പുരസ്കാരം' നൽകുന്നത്.

ഇന്ത്യൻ പനോരമ 2026-ലേക്ക് തിരഞ്ഞെടുക്കപ്പെട്ട 25 ഫീച്ചര്‍ സിനിമകള്‍‌

ദേശീയ ചലച്ചിത്ര പുരസ്കാര ജേതാവും സംവിധായകനും നിർമ്മാതാവുമായ ശ്രീ മധുർ ഭണ്ഡാർക്കർ അധ്യക്ഷനായ 12 അംഗ ജൂറിയാണ് ഫീച്ചര്‍ ചിത്രങ്ങള്‍ തിരഞ്ഞെടുത്തത്. ഇന്ത്യൻ പനോരമ ഫീച്ചര്‍ വിഭാഗത്തിലെ 20 ചിത്രങ്ങളും മുഖ്യധാരാ സിനിമാ വിഭാഗത്തിലെ അഞ്ച് ചിത്രങ്ങളുമാണ് ഫീച്ചര്‍ വിഭാഗത്തില്‍ തിരഞ്ഞെടുത്തത്.  

മുഖ്യധാരാ ചലച്ചിത്ര വിഭാഗം 

മികച്ച നവാഗത ഇന്ത്യൻ ഫീച്ചര്‍ സംവിധായക പുരസ്കാര നാമനിർദേശങ്ങൾ 

മികച്ച നവാഗത ഇന്ത്യൻ ഫീച്ചര്‍ സംവിധായകനുള്ള പുരസ്കാരത്തിന് താഴെ പറയുന്ന അഞ്ച് ചിത്രങ്ങളെ ജൂറി നാമനിർദേശം ചെയ്തിട്ടുണ്ട്: 

ഇന്ത്യൻ പനോരമ 2026-ലേക്ക് തിരഞ്ഞെടുക്കപ്പെട്ട 20 നോണ്‍-ഫീച്ചര്‍ ചിത്രങ്ങൾ

പ്രശസ്ത ചലച്ചിത്ര സംവിധായകനും വിദ്യാഭ്യാസ വിചക്ഷണനുമായ ശ്രീ ഹിമാൻഷു ശേഖർ ഖടുവ അധ്യക്ഷനായ ആറംഗ ജൂറിയാണ് നോണ്‍-ഫീച്ചര്‍ ചിത്രങ്ങൾ തിരഞ്ഞെടുത്തത്. സമകാലിക ഇന്ത്യൻ നോണ്‍-ഫീച്ചര്‍ വിഭാഗത്തിൽ ലഭിച്ച 358 ചിത്രങ്ങളില്‍നിന്നാണ് 20 ചിത്രങ്ങള്‍ തിരഞ്ഞെടുത്തിരിക്കുന്നത്. സമകാലിക ഇന്ത്യൻ മൂല്യങ്ങളെ രേഖപ്പെടുത്താനും അന്വേഷിക്കാനും വിനോദത്തിലൂടെ അവതരിപ്പിക്കാനും അവയുമായി സംവദിക്കാനുമുള്ള വളർന്നുവരുന്ന പ്രഗത്ഭ ചലച്ചിത്ര പ്രവർത്തകരുടെ കഴിവിനെ ഈ ചിത്രങ്ങളുടെ നിര പ്രതിഫലിപ്പിക്കുന്നു.

1978-ൽ ഇന്ത്യ അന്താരാഷ്ട്ര ചലച്ചിത്രമേളയുടെ കീഴിൽ ആരംഭിച്ച 'ഇന്ത്യൻ പനോരമ' ചലച്ചിത്ര കലയിലൂടെ ഇന്ത്യൻ സിനിമകളെയും രാജ്യത്തിന്റെ സമ്പന്ന സംസ്കാരത്തെയും പൈതൃകത്തെയും പ്രോത്സാഹിപ്പിക്കുന്നു. ലാഭേച്ഛയില്ലാത്ത പ്രദർശനങ്ങളിലൂടെ അതത് വർഷത്തെ മികച്ച ഇന്ത്യൻ സിനിമകൾ വേദിയിലെത്തിക്കാനും ചലച്ചിത്ര കലയെ പരിപോഷിപ്പിക്കാനുമാണ് ഇത് ലക്ഷ്യമിടുന്നത്. ഇന്ത്യ അന്താരാഷ്ട്ര ചലച്ചിത്രമേളയിലെ പ്രദർശനത്തിന് പുറമെ ഇന്ത്യയിലെയും വിദേശത്തെയും അന്താരാഷ്ട്ര ചലച്ചിത്ര മേളകൾ, ഉഭയകക്ഷി സാംസ്കാരിക വിനിമയ പരിപാടികൾക്ക് കീഴിൽ നടക്കുന്ന ഇന്ത്യൻ ചലച്ചിത്ര വാരങ്ങള്‍, സാംസ്കാരിക വിനിമയ പ്രോട്ടോക്കോളുകൾക്ക് പുറത്തുള്ള പ്രത്യേക ഇന്ത്യൻ ചലച്ചിത്ര മേളകൾ, ഇന്ത്യയില്‍ നടക്കുന്ന പ്രത്യേക ഇന്ത്യൻ പനോരമ മേളകൾ എന്നിവയിലും തിരഞ്ഞെടുക്കപ്പെട്ട ചിത്രങ്ങൾ പ്രദർശിപ്പിച്ചേക്കാം.

***