செஷல்ஸ் நாட்டிற்கான பிரதமரின் அரசுமுறைப் பயணத்தால் ஏற்பட்ட பலன்களின் பட்டியல்

எண்

தலைப்பு

சுருக்கமான விளக்கம்

1

செஷல்ஸ் குடியரசின் சுஷ்மா ஸ்வராஜ் வெளிநாட்டு சேவை நிறுவனத்திற்கும் (SSIFS) வெளியுறவு மற்றும் புலம்பெயர்ந்தோர் அமைச்சகத்திற்கும்  இடையே புரிந்துணர்வு ஒப்பந்தம்

இந்தப் புரிந்துணர்வு ஒப்பந்தம், பரிமாற்றங்கள், பயிற்சித் திட்டங்கள் மற்றும் திறன் மேம்பாடு ஆகியவற்றின் மூலம் நிறுவன ரீதியான ஒத்துழைப்பைச் சாத்தியமாக்குகிறது.

2

இந்திய தேசிய பரிவர்த்தனைக் கழகம் (NPCI) சர்வதேச பரிவர்த்தனை நிறுவனம் மற்றும்  செஷல்ஸ் சென்ட்ரல் வங்கி ஆகியவற்றுக்கு இடையே புரிந்துணர்வு ஒப்பந்தம்

இந்தப் புரிந்துணர்வு ஒப்பந்தம், செஷில்ஸில் யுபிஐ டிஜிட்டல் பணப்பரிவர்த்தனை உள்கட்டமைப்பை நிறுவுவதற்கு வழிவகுப்பதுடன், பணப்பரிவர்த்தனைச் சூழலமைப்பில் பரந்த ஒத்துழைப்பிற்கான வழிகளையும் கண்டறியும்.

3

மக்கள் மருந்தகத்  திட்டத்தின் கீழ், ஹெச்.எல்.எல் லைஃப்கேர் லிமிடெட் மற்றும் செஷல்ஸ் குடியரசின் சுகாதார அமைச்சகம் இடையே ஒப்பந்தம்

இந்த ஒப்பந்தம், மக்கள் மருந்தகத் திட்டத்தின் கீழ், இந்தியாவிலிருந்து செஷல்ஸுக்கு மலிவு விலை ஜெனரிக் மருந்துகள் மற்றும் மருத்துவப் பொருட்களை ஏற்றுமதி செய்வதற்கு வழிவகுக்கும்.

4

இந்திய வேளாண் ஆராய்ச்சிக் கழகத்திற்கும் (ஐசிஏஆர்) செஷல்ஸ் மீன்வளம், வேளாண்மை மற்றும் கடல்சார் பொருளாதார அமைச்சகத்தின் வேளாண்மைத் துறைக்கும் இடையேயான வேளாண் ஆராய்ச்சி மற்றும் கல்வி ஒத்துழைப்புக்கான புரிந்துணர்வு ஒப்பந்தம் மற்றும் 2026-2031 ஆம் ஆண்டுக்கான செயல் திட்டம்.

இந்தப் புரிந்துணர்வு ஒப்பந்தமும் செயல் திட்டமும், கூட்டு ஆராய்ச்சி, பயிற்சி மற்றும் தொழில்நுட்ப ஆய்வு ஆகிய துறைகளில் ஐசிஏஆர்-க்கும் செஷல்ஸ் வேளாண் துறைக்கும் இடையே நெருங்கிய ஒத்துழைப்பை வளர்ப்பதையும், ஊக்குவிப்பதையும், விரைவுபடுத்துவதையும் நோக்கமாகக் கொண்டுள்ளன.

5

இந்திய அரசிற்கும் செஷல்ஸ் அரசிற்கும் இடையே ஒப்படைப்பு ஒப்பந்தம்

இந்த ஒப்பந்தம், நாடுகடந்த குற்றங்களை எதிர்த்துப் போராடுவதில் இருதரப்பு ஒத்துழைப்பை வலுப்படுத்துவதையும், இரு நாடுகளுக்கும் இடையில் தப்பியோடியவர்களை ஒப்படைப்பதற்கான சட்டக் கட்டமைப்பை மேம்படுத்துவதையும் நோக்கமாகக் கொண்டுள்ளது.

6

செஷல்ஸ் நாட்டின் போக்குவரத்து, துறைமுகங்கள் மற்றும் சிவில் விமானப் போக்குவரத்து அமைச்சகத்திற்கும், மத்திய துறைமுகங்கள், கப்பல் போக்குவரத்து மற்றும் நீர்வழிகள் அமைச்சகத்திற்கும் இடையே, செஷல்ஸ் கொடியிடப்பட்ட கப்பல்களில் பணியாற்றுவதற்காக மாலுமிகளின் பயிற்சி மற்றும் சான்றளிப்பை அங்கீகரிப்பது தொடர்பான புரிந்துணர்வு ஒப்பந்தம்.

இந்தப் புரிந்துணர்வு ஒப்பந்தம், செஷல்ஸ் கொடி ஏற்றப்பட்ட கப்பல்களில் பணியாற்றுவதற்காக இந்திய மாலுமிகளின் பயிற்சி மற்றும் சான்றிதழ்களை அங்கீகரிப்பதற்கு வழிவகுக்கிறது.

7

செஷல்ஸ் அரசிற்கும் இந்திய ஏற்றுமதி-இறக்குமதி வங்கிக்கும் இடையிலான ஒற்றைக் கடன் வசதி ஒப்பந்தம்

2026 பிப்ரவரியில் அதிபர் திரு ஹெர்மினியின் பயணத்தின் போது அறிவிக்கப்பட்ட, செஷல்ஸில் முன்னுரிமை உள்கட்டமைப்பு மற்றும் மேம்பாட்டு முன்முயற்சிகளை முன்னெடுத்துச் செல்லும் சிறப்புப் பொருளாதாரத் தொகுப்பின் (SEP) கீழ் உள்ள திட்டங்களைச் செயல்படுத்துவதற்கு ஆதரவளிப்பதை இந்த ஒப்பந்தம் நோக்கமாகக் கொண்டுள்ளது.

8

அமைதியான நோக்கங்களுக்காக விண்வெளியை ஆராய்வதிலும் பயன்படுத்துவதிலும் ஒத்துழைப்பது தொடர்பாக இந்திய  அரசிற்கும் செஷல்ஸ்  அரசிற்கும் இடையே புரிந்துணர்வு ஒப்பந்தம்.

இந்தப் புரிந்துணர்வு ஒப்பந்தம், செயற்கைக்கோள் பயன்பாடுகள், விண்வெளி தொழில்நுட்பம் மற்றும் திறன் மேம்பாடு ஆகியவற்றில் ஒத்துழைப்பை வலுப்படுத்துவதை நோக்கமாகக் கொண்டுள்ளது.

9

புதிய செஷல்ஸ் தேசிய மருத்துவமனைக்கான பூர்வாங்கத் தயாரிப்புகள் தொடர்பாக இந்திய அரசிற்கும் செஷல்ஸ்  அரசிற்கும் இடையே புரிந்துணர்வு ஒப்பந்தம்

இந்தப் புரிந்துணர்வு ஒப்பந்தம், புதிய செஷல்ஸ் தேசிய மருத்துவமனையின் மேம்பாட்டிற்கான இருதரப்பு ஒத்துழைப்பிற்கான ஒரு கட்டமைப்பை நிறுவுகிறது.