ಹೊರೈಜನ್ ಯುರೋಪ್ ಕಾರ್ಯಕ್ರಮಕ್ಕೆ ಸೇರಲು ಭಾರತ ಮತ್ತು ಯುರೋಪಿಯನ್ ಒಕ್ಕೂಟ ಮಾತುಕತೆಗಳನ್ನು ಮುಕ್ತಾಯಗೊಳಿಸಿವೆ

ಯುರೋಪಿಯನ್ ಒಕ್ಕೂಟದ (ಇಯು) ಪ್ರಮುಖ ಸಂಶೋಧನೆ ಮತ್ತು ನಾವೀನ್ಯತೆ ಕಾರ್ಯಕ್ರಮವಾದ “ಹೊರೈಜನ್ ಯುರೋಪ್” ನೊಂದಿಗೆ ಭಾರತದ ಸಹಯೋಗಕ್ಕಾಗಿ ಭಾರತ ಮತ್ತು ಯುರೋಪಿಯನ್ ಒಕ್ಕೂಟ (ಇಯು) ನಡುವೆ ಪರಸ್ಪರ ಮಾತುಕತೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಲಾಯಿತು. ಈ ಕಾರ್ಯಕ್ರಮದೊಂದಿಗಿನ ಭಾರತದ ಸಹಯೋಗವು ಎರಡೂ ಕಡೆಯ ನಡುವಿನ ಸಂಶೋಧನಾ ಸಹಕಾರದ ದೀರ್ಘಕಾಲೀನ ಸಾಂಸ್ಥಿಕ ಚೌಕಟ್ಟಿನೊಳಗೆ ಒಂದು ಕಾರ್ಯತಂತ್ರದ ನಡೆಯನ್ನು ಗುರುತಿಸುತ್ತದೆ. ಇದು ವಿಜ್ಞಾನ ಮತ್ತು ತಂತ್ರಜ್ಞಾನ ಸಹಕಾರದ ಕುರಿತಾದ ಭಾರತ-ಯುರೋಪಿಯನ್ ಒಕ್ಕೂಟ (ಇಯು) ಒಪ್ಪಂದ ಮತ್ತು ಭಾರತ-ಯುರೋಪಿಯನ್ ಒಕ್ಕೂಟ (ಇಯು) ವ್ಯಾಪಾರ ಮತ್ತು ತಂತ್ರಜ್ಞಾನ ಮಂಡಳಿಯ ಅಡಿಯಲ್ಲಿ ಅಸ್ತಿತ್ವದಲ್ಲಿರುವ ಆರ್&ಡಿ ಯೋಜನೆಗಳು ಮತ್ತು ಸಹಕಾರವನ್ನು ನಿರ್ಮಿಸುತ್ತದೆ.

ಸಹಯೋಗವು ಭಾರತೀಯ ಸಂಶೋಧಕರು, ಸಂಸ್ಥೆಗಳು ಮತ್ತು ಉದ್ಯಮವು ಕಾರ್ಯಕ್ರಮದ ಅಡಿಯಲ್ಲಿ ನಿಧಿಗಾಗಿ ಕರೆಗಳಲ್ಲಿ ಸಹಯೋಗದ ಸಂಶೋಧನಾ ಯೋಜನೆಗಳ ಮೂಲಕ ಭಾಗವಹಿಸಲು ಮತ್ತು ಯುರೋಪಿಯನ್ ಒಕ್ಕೂಟ ಮತ್ತು ಅತ್ಯಾಧುನಿಕ ಸಂಶೋಧನಾ ಮೂಲಸೌಕರ್ಯಕ್ಕೆ ಪ್ರವೇಶವನ್ನು ಹೊಂದಲು ಅನುಕೂಲ ಮಾಡಿಕೊಡುತ್ತದೆ. ಇದು ಪ್ರತಿಭೆಗಳ ಚಲನಶೀಲತೆಯನ್ನು ಆಳಗೊಳಿಸುತ್ತದೆ ಮತ್ತು ನಿರ್ಣಾಯಕ ತಂತ್ರಜ್ಞಾನಗಳು, ಮಾನದಂಡಗಳು ಮತ್ತು ಪರಿಹಾರಗಳ ಸಹ-ಅಭಿವೃದ್ಧಿಗೆ ಕಾರಣವಾಗುತ್ತದೆ.

ಆರೋಗ್ಯ, ಡಿಜಿಟಲ್ ತಂತ್ರಜ್ಞಾನಗಳು, ಉದ್ಯಮ ಮತ್ತು ಬಾಹ್ಯಾಕಾಶ, ಹವಾಮಾನ, ಶಕ್ತಿ ಮತ್ತು ಚಲನಶೀಲತೆ, ಆಹಾರ ಮತ್ತು ಜೈವಿಕ ಆರ್ಥಿಕತೆಯನ್ನು ಒಳಗೊಂಡಿರುವ ಹೊರೈಜನ್ ಯುರೋಪ್ ನ ಪಿಲ್ಲರ್ II ರ ವಿಷಯಾಧಾರಿತ ಸಮೂಹಗಳು ಭಾರತದ ಸಂಶೋಧನಾ ಆದ್ಯತೆಗಳೊಂದಿಗೆ ನಿಕಟವಾಗಿ ಹೊಂದಿಕೊಳ್ಳುತ್ತವೆ ಮತ್ತು ಅದರ ವೈಜ್ಞಾನಿಕ ಸಾಮರ್ಥ್ಯಗಳ ಮೇಲೆ ನಿರ್ಮಿಸಬಹುದು. 2047ರ ವಿಕಸಿತ ಭಾರತದ ಕಡೆಗೆ ಸಾಗುತ್ತಿರುವಾಗ ಈ ಸಹಯೋಗವು ದೇಶದ ನಾವೀನ್ಯತೆ ಪರಿಸರ ವ್ಯವಸ್ಥೆಗೆ ಗಮನಾರ್ಹ ಮೌಲ್ಯವನ್ನು ಸೇರಿಸುತ್ತದೆ.

ಜನವರಿ 27, 2026 ರಂದು ನಡೆದ ಐತಿಹಾಸಿಕ ಭಾರತ-ಯುರೋಪಿಯನ್ ಒಕ್ಕೂಟದ ಶೃಂಗಸಭೆಯ ನಂತರ ಸಂಭಾವ್ಯ ಸಹಯೋಗಗಳ ನೂತನ ಅವಕಾಶಗಳ ಅನ್ವೇಷಣೆಯನ್ನು ಪ್ರಾರಂಭಿಸಲಾಯಿತು ಮತ್ತು ಜುಲೈ 15, 2026 ರಂದು ಬ್ರಸೆಲ್ಸ್ ನಲ್ಲಿ ನಡೆದ ವ್ಯಾಪಾರ ಮತ್ತು ತಂತ್ರಜ್ಞಾನ ಮಂಡಳಿಯ ಸಚಿವರ ಸಭೆಯ ಪರಿಣಾಮವಾಗಿ ಔಪಚಾರಿಕ ಮಾತುಕತೆಗಳನ್ನು ಪ್ರಾರಂಭಿಸಲಾಯಿತು.

*****