Ha ka:
06 NOV 2026 10:08AM by PIB Shillong
U la sam ruh ïa kawei lynnong na ka Sanskrit Subhashitam ha kane ka sngi lehkmen kaba kyrpang
U Myntri Rangbah Duh ka Ri, u Narendra Modi, u la phah ïa ki khubor ai khublei sha baroh ki nongshong shnong jong ka ri India ha ka sngi ba rakhe ïa ka Dhanteras.
Ka Dhanteras ka dei ka sngi kaba la rakhe ban pdiang ïa ka spah, ka koit ka khiah, ka jingroi jingpar bad ka jingkyrkhu jong ka jingdonbok, kaba long ruh ka sngi sdang ba pura jong ka jinglehkmen Diwali kaba san sngi.
U Modi u la duwai ba ki jingkyrkhu blei jong u Blei Dhanvantari kin pynshai ïa ka jingim jong baroh da ka jingkmen, ka jingsuk bad ka koit ka khiah.
U la pynpaw ruh ïa ka jingkyrmen ba man kawei pa kawei ka ïing ka sem kan ioh ïa ka jingkmen bad ka mynsiem lehkmen kaba neh junom.
U Modi u la ainguh bad duwai ruh ha u Blei Dhanvantari, uba la ñiew kum u Blei jong ka jingsumar bad ka jingpynkhiah, da kaba kyrpad ïa ki jingkyrkhu jong u na ka bynta ka jingkoit jingkhiah bad ka bha ka miat jong baroh.
Ha kane ka sngi, u Modi u la sam ruh ïa kawei ka lynnong na ka Sanskrit Subhashitam kaba batai ia ka jingdonkam ka jinglong babha, ki kamram ha ka imlang sahlang bad ka jinglong jong u briew ban tei ia ka imlang sahlang ba bha lyngba ka rynsan X.
*******