মাই ভারতকি ‘বিকসিত ভারত য়ুবা সংৱাদ: নহাক্কী ভোৎ খঙবিয়ু’ কেম্পেন অসি লোয়শিনখ্রে, রাজ্য/য়ু.তি.৩১ শিংদা প্রোগ্রাম ৫৩৬কি খুত্থাংদা নহা লাখ ১ হেনবদা য়ৌহনখ্রে

য়ুথ এফেয়রস অমসুং স্পোর্তস মন্ত্রালয়না মেরা য়ুবা ভারত (মাই ভারত)কি খুত্থাংদা পাংথোকপা লৈবাক শিনবা থুংনা ‘বিকসিত ভারত য়ুব সংৱাদ: নো ইয়োর ভোৎ’ কেম্পেন অসি রাজ্য অমসুং য়ুনিয়ন তেরিতোরি ৩১দা য়ুবা সংৱাদ ৫৩৬ পাঙথোকখিবগা লোয়ননা ঙরাং লোয়শিনখ্রে, মসিদা নহা ১০০,৪৯৩ দা য়ৌখি অমসুং নহা আইকোন ৫৩৬ শরুক য়াখি। কেম্পেন অসিনা লৈবাক শিনবা থুংনা লৈরিবা কোলেজশিং অমসুং এজুকেস্নেল ইন্সতিত্যুসনশিংদা ইলেক্তোরেল এৱেয়রনেশকি মতাঙদা খন্ন-নৈনখি, মসিনা নহা ওইরিবা মিওইশিং, মরুওইনা অহানবা ওইনা ভোৎ থাদরিবা মিওইশিংদা মখোয়গী ভোৎ থাদবগী হকশিং অমসুং মিখলগী থৌওংশিং খঙনবা অমসুং গনতন্ত্রদা থৌদাং লৌদুনা শরুক য়ানবা পুক্নিং থৌগৎখি।

২৬.১০.২০২৬দগী ০৫.১১.২০২৬ ফাওবা পাংথোকখিবা কেম্পেন অসিনা লৈবাক শিনবা থুংনা লৈরিবা য়ুনিভর্সিতি, কোলেজ অমসুং ইন্সতিত্যুসন ৫০০দা য়ৌহন্নবা পান্দম থম্লি। লোয়শিল্লকপা নুমিত্তা রাজ্য/য়ু.তি ২৮গী মনুংদা য়ুবা সংৱাদ ১২৩ পাংথোকখি, মসিদা নহা ২২,৫৮৮ অমসুং নহা ওইরিবা আইকোন ১২৩না শরুক য়াখি।

কেম্পেন অসিদা রাজ্যপালশিং, কেন্দ্রগী মন্ত্রিশিং, রাজ্য মন্ত্রীশিং, সাংসদকি মীহুৎশিং অমসুং অতৈ মিয়ামগী মিহুৎশিংনা শরুক য়াখি। পঞ্জাবকি গবরনর অমসুং চান্দিগরগী এদমিনিস্ত্রতর শ্রী গুলাব চন্দ কতারিয়া অমসুং নাগালেন্দগী গবরনর শ্রী নন্দ কিশোর য়াদবনা মথংশিৎনা চন্দিগর অমসুং দিমাপুরদা পাংথোকপা প্রোগ্রামশিংদা শরুক য়াখি। দিল্লীদা কেন্দ্রগী রাজ্য মন্ত্রি (ইন্দিপেন্দেন্ত চার্জ) শ্রী অর্জুন রাম মেঘৱাল অমসুং লেফতেনেন্ত গবরনর শ্রী তরঞ্জিৎ সিংহ সন্ধুনা মহৈরোয়শিংগা ৱারি শানখি। শ্রী চৌধরি ধরম্বির সিংহ, শ্রী প্রধান বরুৱা, শ্রী রঞ্জিৎ দত্ত, শ্রীমতি. রুপকুমারি চৌধরি অমসুং শ্রী মহেশ কশ্যপসু তোঙান তোঙানবা রাজ্যশিংগী থৌরমশিংদা শরুক য়াখি।

শান্ন-খোৎনবগী পর্সোনেলিতিশিং অমসুং শান্ন-খোৎনবগী কম্যুনিতিদগী নহা ওইরিবা আইকোনশিংনসু রাজ্য কয়াগী প্রোগ্রামশিংদা শরুক য়াখি, মখোয়গী এক্সপরিয়েন্সশিং সেয়র তৌখি অমসুং নহাশিংবু শান্ন-খোৎনবশিংদা শরুক য়ানবা পুক্নিং থৌগৎখি। পঞ্জাবতা ইন্তর্নেস্নেল রগবি প্লেয়র শ্রীমতি অমনদিপ কৌরনা মহাক্কী শান্ন-খোৎনবগী খোঙচৎ অমসুং দিসিপ্লিন অমদি থাজবা হেনগৎহনবদা শান্ন-খোৎনবগী থৌদাংগী মতাঙদা ৱা ঙাংখি, অদুগা রোৱিং স্পোর্তসকি আইকোন শ্রী কুলৱিন্দর সিংহনা মোগাদা মহৈরোয়শিংগা ৱারি শানখি। রাজস্থানদা স্পোর্তস আইকোন শ্রীমতি ভুমিকা সুক্লানা জয়পুরদা নহা ওইরিবা শরুক য়ারিবশিংগা ৱারি শানখি, অদুগা উত্তর প্রদেশকি প্রোগ্রামশিংদা সাইক্লিং অমসুং খেলো ইন্দিয়াগুম্বা ইনিসিয়েতিবশিংগী মতাঙদা ফোঙদোকখি।

য়ুবা সংৱাদশিংনা নহা ওইরিবা শরুক য়ারিবশিংদা মিখলগী থৌওংশিংদা ময়েক শেঙনা তাক্নবা, ভোৎ থাদবগী হকশিং অমসুং সিভিক রেসপোন্সিবিলিতিশিংগী মতাঙদা খন্ননবা, অমসুং মিয়ামগী মিহুৎশিং অমসুং য়ুথ আইকোনশিংগা হকথেংননা ৱারি শানবগী খুদোংচাবা পিখি। সেসনশিং অসিনা অচুম্বা সোর্সশিংগী খুত্থাংদা ইন্ফোর্মেসন ভেরিফাই তৌবা অমসুং মরুওইবা ৱারেপ লৌবদসু অকনবা ৱাফম থমখি। ক্বিজ, ৱাহং-পাওখুম, লোকতন্ত্রিক ৱাশক অমসুং মাই ভারত পোর্তেলদা রেজিস্ত্রেসন তৌবা অসি কেম্পেনগী থবক থৌরমশিংগী শরুক অমা ওইখি।

***