ইন্তর-মিনিস্ত্রিএল গ্রুপনা কেবিনেৎ-দেলিগেতেদ অলতর্নেতিব মেকানিজমনা অয়াবা পীনবা লুপা করোর ১,১০০ হেনবগী এসেৎ মোনিতাইজেসন প্রপোজেলশিং রিকম্মেন্দ তৌখ্রে;

দিপার্তমেন্ত ওফ পব্লিক এন্তর্প্রাইজ (দি.পি.ই.) গী সেক্রেতরীনা চেয়র তৌবা অমসুং দিপার্তমেন্ত ওফ তেলিকম্ম্যুনিকেসন (দি.ও.তি.) গী সেক্রেতরীনা কো-চেয়র তৌবা ইন্তর-মিনিস্ত্রিএল গ্রুপ (আই.এম.জি.) না এলতর্নেতিব মেকানিজম (এ.এম.)না খন্ননবা অমসুং অয়াবা ফংনবা লুপা করোর ১,১০০ হেনবগী এসেত মোনিতাইজেসন প্রপোজেলশিং রিকম্মেন্দ তৌখ্রে।

প্রপোজেলশিং অসি মরু ওইনা মোনিতাইজেসনগীদমক মশক খঙদোক্লবা সেন্ত্রেল পব্লিক সেক্তর এন্তর্প্রাইজ (সি.পি.এস.ই.)শিংগী অহেনবা লম অমসুং বিল‌দিং এসেৎশিংগা মরী লৈনৈ। রিকম্মেন্দেসনশিং অসিনা ভারত সরকারনা অহেনবা অমসুং শীজিন্নবা ঙমদনা লৈরিবা পব্লিক এসেৎশিংদগী ভেল্যু ফংহন্নবা অমসুং মখোয়গী প্রদক্তিব য়ুতিলাইজেসনবু লায়থোকহন্নবা হোৎনরিবা অসিদা মরুওইবা মাইলস্তোন অমা ওইরি।

রিকম্মেন্দেসনশিং অসিনা সি.পি.এস.ই.শিং অমসুং অতৈ সরকারগী এন্তিতীশিংদা সিস্তেমেতিক এসেসমেন্ত, প্রোফেস্নেল ত্রাঞ্জেক্সন শেম-শাবা অমসুং কম্পিতিতিব প্রাইস থিদোক্তুনা অহেনবা এসেৎশিংগী শেন্মিৎলোনগী ওইথোকপা য়াবশিং খঙদোকপা ঙমহন্নবা হোৎনরিবা সরকারগী এসেৎ মোনিতাইজেসন প্রোগ্রামগী হেনগৎলক্লিবা খোঙজেল অদু উৎলি।

রিকম্মেন্দ তৌরবা প্রপোজেলশিং অসি কেবিনেৎ-দেলিগেতেদ অলতর্নেতিব মেকানিজমদা খন্ন-নৈনবা অমসুং অয়াবা পীনবগীদমক থমগনি। মথৌ তাবা অয়াবা লৌরবা মতুংদা, অপিবা থৌওংশিং অদুগী মতুং ইন্না মখা তানা মোনিতাইজেসনগী থবক-থৌরমশিং পায়খৎকনি।

অহেনবা লম অমসুং অতৈ নন-কোর এসেৎশিং মোনিতাইজেসন তৌনবগীদমক সরকারগী অখন্নবা ইন্সতিত্যুসন অমা ওইনা, এন.এল.এম.সি.না এসেৎ এসেসমেন্ত, দ্যু দিলিজেন্স, ভেল্যুএসন, ত্রাঞ্জেক্সন স্ত্রকচরিং অমসুং মার্কেত ফেসিং মোনিতাইজেসনগী থৌওংশিংবু লাইথোকহনবদা মরুওইবা থৌদাং লৌরি, মসিনা মরী লৈনবা মন্ত্রালয়শিং, দিপার্তমেন্তশিং অমসুং এসেৎশিং লৈবা এন্তিতীশিংগা নক্না থবক তৌমিন্নরি।

খোঙথাং অসিনা ভারত সরকারনা ইফিসেন্ত পব্লিক এসেৎ মেনেজমেন্ত, ত্রান্সপরেন্ত অমসুং ভেল্যু-মেক্সিমাইজিং মোনিতাইজেসন, অমসুং ইনভেস্তমেন্ত অমসুং ইকোনোমিক দিবেলপমেন্তদা মতেং পাংনবা সরপ্লস এসেৎশিংবু প্রদক্তিব ওইনা শীজিন্ননবা অচেৎপা ৱাফম অদু মপাঙ্গল কনখৎহল্লি।

এন.এল.এম.সি.গী মরমদা

নেস্নেল লেন্দ মোনিতাইজেসন কোর্পোরেসন (এন.এল.এম.সি.) অসি শেল-থুম মন্ত্রালয়গী দিপার্তমেন্ত ওফ পব্লিক এন্তর্প্রাইজেসকী এদমিনিস্ত্রেতিব কন্ত্রোলগী মখাদা লৈবা ভারত সরকারগী মপুংফানা মপু ওইবা কম্পেনী অমনি। ২০২১-২২গী কেন্দ্রগী বজেৎকী লাউথোকপগী মতুং ইন্না লিংখৎখিবা এন.এল.এম.সি.না প্রোফেস্নেল ত্রাঞ্জেক্সন এদভাইজরী, দ্যু দিলিজেন্স, ভেল্যুএসন অমসুং ত্রান্সপরেন্ত, কম্পিতিতিব মোনিতাইজেসন প্রোসেসকী খুত্থাংদা সি.পি.এস.ই.শিং অমসুং সরকারগী এন্তিতীশিংগী অহেনবা লম অমসুং অতৈ নন-কোর এসেৎশিং মোনিতাইজেসন তৌবদা মতেং পাংই।

ৱেবসাইৎ: https://nlmc.dpe.gov.in

***