থাগৎখিবা:
02 NOV 2026 3:58PM by PIB Imphal
প্রধান মন্ত্রী শ্রী নরেন্দ্র মোদীনা ২০২৬কি নবেম্বর ৩দা নুংথিল পূং ১২:৩০দা ভিদিও কনফরেন্সিংগী খুত্থাংদা চাওরাক্না লুপা করোর ২১,৮০০ চঙনা পুনে মেত্রো প্রোজেক্তশিং শঙ্গাগদৌরি অমসুং উরেপ উয়ুং তমগদৌরি । মহাক্না থৌরম অদুদা তিল্লিবা মীয়ামদা ৱা ঙাংগনি।
প্রধান মন্ত্রীনা লুপা করোর ৮,৩০০ হেন্না চঙনা শাবা পিঙ্ক লাইন হায়না খঙনবা পুনে মেত্রো লাইন ৩ শঙ্গাগদৌরি। প্রোজেক্ত অসিনা তেক্নোলোজিগী ইনোবেসন অমসুং মোদর্ন ত্রান্সপোর্তেসন সোলুসনশিংগী খুত্থাংদা পুনেগী অরবান মোবিলিতি ইনফ্রাস্তরকচর মপাঙ্গল কনখৎহন্নবা মরুওইবা খোঙথাং অমা রিপ্রজেন্ত তৌরি।
চাওরাক্না কিলোমিতর ২৩ শাঙবা পিঙ্ক্ লাইন অসিনা মান অসি দিস্ত্রিক্ত কোর্ত মেত্রো স্তেসনগা শম্নহল্লি। কোরিদোর অসিনা হিঞ্জেৱারি আই.তি.গী হব অমসুং শিবাজিনগরগী মরক্তা মেত্রো কনেক্তিবিতি ফংহল্লগনি, পুনেগী অচৌবা ইমপ্লোয়মেন্ত সেন্তরশিংগী মনুংদা অমদা চৎপগী খুদোংচাবা হেনগৎহল্লগনি অমসুং আই.তি. কোরিদোর অসিনা হৌজিক লৈরিবা মেত্রো নেতৱার্ক অসিগা পুনশিন্নদুনা পুনেগী তোঙান তোঙানবা মফমশিংদা অপনবা লৈতবা কনেক্তিবিতি ফংহল্লগনি। মসিনা লনাইগী গাড়ীশিংদা তাংবা হন্থহনবদা মতেং পাংগনি, ত্রাফিক চিনবা অমসুং ভেহিকল ইমিসন হন্থহনগনি, অমসুং অচৌবা কম্মর্সিএল অমসুং রেসিদেন্সিএল এরিয়াশিংদা চৎপগী খুদোংচাবা ফগৎহনগনি।
পিঙ্ক্ লাইনগী থোইদাোকপা মশক অমদি মসিনা নুপিশিংবু শক্তি পিবা অমসুং জেন্দর-ইনক্লুশিব পব্লিক ত্রান্সপোর্তেসন্দা অকনবা মিত্য়েং থম্বা অসিনি। লাইন অসি মপুঙ ফানা নুপি ত্রেন ওপরেতরশিংনা চলাইগনি, মসিনা মখল অসিগী অহানবা থৌরাং অমা ওইরগনি। প্রোজেক্ত অসিনা অকোয়বগী ফিভম শোকহন্দবদসু অকনবা ৱাফম থম্লি, মসিগী অপুনবা মৈগী মথৌ তাবশিংগী চাওরাক্না ৩০%দি সোলর পাৱরগী খুত্থাংদা ফংহন্নবা থৌরাং তৌরি।
প্রধান মন্ত্রীনা চাওরাক্না লুপা করোর ১৩,৫০০ চঙনা সেমগৎকনি হায়না পানরিবা পুনে মেত্রোগী ফেজ-II উরেপ-উয়ুং তমগনি। ফেজ-II অসি পুনে মেত্রো লাইন ২এ., ২বি., ৪ অমসুং ৪এ. য়াওরি, মসিনা শহর অসিগী মেত্রো নেতৱার্ক অসি চাওনা পাকথোক চাওথোকহনগনি অমসুং মরুওইবা রেসিদেন্সিএল, কম্মর্সিএল অমসুং আই.তি. হবকি কনেক্তিবিতি হেনগৎহনগনি৷
ফেজ-IIগী মখাদা লাইন ২এ. অমসুং ২বি.না অপুনবা লম্বি অসি চাওরাক্না কিলোমিতর ১২.৭৫ শাংগনি। লাইন ২এনা ৱানাজবু চন্দানি চৌক্কা শম্নহনগনি, অদুগা লাইন ২বিনা রামৱাদিবু ভিত্তালৱাদিগা শম্নহন্দুনা হৌজিক লৈরিবা ইস্ত-ৱেস্ত মেত্রো নেতৱারক অসি শাংদোক্লগনি। চাওরাক্না কিলোমিতর ২৫.৫২ শাঙবা লাইন ৪ অসিনা খারাদি অমসুং খাদকৱাশলাগা শম্নহনগনি। কিলোমিতর ৬.১২ শাঙবা লাইন ৪এনা নাল স্তোপপু মানিক বাওগগা শম্নহনগনি।
অনৌবা মেত্রো কোরিদোরশিং অসিনা খারাদি, মগরপত্তা, হাদপসর, স্বরগেৎ, মানিক বৌগ, নান্দেদ সিতি, পুনে কেন্তোন্মেন্ত অমসুং ৱার্জে য়াওনা মরুওইবা মফম কয়া শম্নহল্লগনি। রামৱাদিদগী বিথলৱাদি ফাওবগী ইস্তর্ন এক্সতেন্সন অসিনা খারাদি অমসুং ৱাঘোলি অসি য়াম্না থুনা চাওখৎলক্লিবা রেসিদেন্সিএল, কম্মর্সিএল অমসুং আই.তি. হবশিং অসি কোরিদোরশিং অসিনা স্বরগেৎ, নাল স্তোপ অমসুং খারাদি বাইপাসতা ইন্তরচেঞ্জ ফেসিলিতিশিংগী খুত্থাংদা ইন্তরসিতি বশ সর্ভিসশিং অমসুং হৌজিক লৈরিবা পুনে মেত্রো নেতৱার্ককা পুনশিন্নদুনা শহর অসিগী তোঙান তোঙানবা মফমশিংদা অরাবা লৈতবা কনেক্তিবিতিগী খুদোংচাবা ফংহল্লগনি।
প্রোজেক্তশিং অসিনা পুনেগী পব্লিক ত্রান্সপোর্তেসনগী ইনফ্রাস্তরকচর মপাঙ্গল কনখৎহনগনি, শহর শিনবা থুংনা কনেক্তিবিতি ফগৎহনগনি অমসুং চত্থোক-চৎশিন তৌরিবা মিওইশিংদা ইফিসিয়েন্ত অমসুং ইন্তিগ্রেতেদ অরবান মোবিলিতি নেতৱার্ক অমা ফংহল্লগনি।
***