প্রধানমন্ত্রীগী লোইশঙ
azadi ka amrit mahotsav

এন.দি.তি.ভি. ৱর্ল্দ সম্মিৎতা থমখিবা পি.এম.গী ৱারোলগী মনিপুরী ৱাহন্থোক

থাগৎখিবা: 22 OCT 2026 9:32PM by PIB Imphal

পুম্নমকপু খুরুমজরি! হৌজিক অসি হরাও-কুহ্মৈগী পন্থানি; জাতি অসি নুংঙাই ফোংদোকপা, হরাও তয়াম্বা অমসুং ইনর্জীনা থল্লি। মসিগী নুংঙাইবা অমসুং হরাওবা ফোংদোকপগী ফীভমদা ঐহাক্না মালেম পুম্বদগী লাকপা মরুপ পুম্নমকপু তরাম্না ওকপচরি অমসুং খুরুমজরি।

মরুপশিং,

এন.দি.তি.ভি. সম্মিৎ অসি মরু ওইবা ৱাফমশিং খন্নবগীদমক্তনি। হৌজিক মতম অসিদা মীপুম খুদিংমক্না অনৌবা ৱর্ল্দ ওর্দর অমগী মরমদা ঙাংনরি। মরমদি মসিনা মহৌশাগী পুন্সিদা অকাইবা পীরি, অসিগুম্বা ৱর্ল্দ সম্মিৎশিং হেনগৎলকপা অসিনসু হেন্না মরু ওই।

মরুপশিং

‘ৱর্ল্দ বিৎৱিন ওর্দরস’কী মরমদা ৱারী শাবা মতমদা ঐখোয়না ৱাফম অনি খঙবা মথৌ তাই। অহানবদা করিগীদমক ৱর্ল্দ ওর্দর হোংলক্লিবনো? করিগীদমক অরিবা গ্লোবেল ওর্দরনা ঙসিগী শীংনবশিংগী সোল্যুসনশিং পীবা ঙমদ্রিবনো? অমসুং অনিশুবদা, হোংলক্লিবা মালেম অসিদা ভারতকী থৌদাং অসি করিনো?

মরুপশিং,

করিগুম্বা ঐহাক্না অহানবা ৱাফম অসিদা শন্দোক্না হায়রবদি, মসিগী অহোংবা অসি মহৌশানি অমসুং মথন্তা লাকচবনি। অনিশুবা মালেমগী লাঞ্জাওনা অচৌবা পরা অমা তম্বীখি। মালেমনা খঙখি মদুদি গ্লোবেল ওর্দর অসি শুপ্নগী শক্তি অমসুং ইশাগী অপাম্বদা খক্তা মথৌ তৌবা য়াদে। দাইলোগ অসি তঙাই ফদে, তেংবাং পীনবা মথৌ তাই, অমসুং য়েৎনবশিং কোকহনবা চপ মান্ননা মরু ওই। মসিগী ৱাখল্লোন অসিনা য়ুনাইতেদ নেসন্স, নত্ত্রগা য়ু.এন.গী য়ুম্ফম ওইখি। চহি তরাগী খুজিং কয়া য়ু.এন.না গ্লোবেল কোওপরেসন অমসুং শান্তি প্রমোৎ তৌবদা মরু ওইবা থৌদাং অমা লৌখি। অদুবু মতমগা ইরোইননা মালেমদি লেপ্তনা হোংলক্লি। অনৌবা এস্পিরেসনশিং থোরকখি। অনৌবা ইকনোমীশিং অমসুং অনৌবা পাৱরশিং থোরকখি। মালেমনা থেংনরিবা শীংনবশিং অসিসু হেন্না হেন্না মমাংঙৈদগী হেন্না কমপ্লেক্স ওইরকখি। তেক্নোলোজীনা খুন্নাই, ইকনোমী, অমসুং পাৱরগী মওংদা অওনবা পুরকখি। অমসুং গ্লোবেল ওর্দর অসি শেম্বা মতমদা তেবলদা য়াওরমদবা লৈবাকশিং অদুনা মখোয়গী মশাগী মশক থোকপা থৌদাংশিংগা লোয়ননা মাংদা থোরকখি। মতম অদুদা থোরকখিবা ৱাহং অদুদি: গ্লোবেল ওর্দর অসি চপ মান্নবা খোংজেলদা হোংব্রা? মদুগী পাউখুমদি নত্তে। ৱর্ল্দ ওর্দর হোংদোকদে, নত্ত্রগা গ্লোবেল ইন্সতিত্যুসনশিংনা চপ মান্নবা খোংজেলদা মখোয় মশাবু এদাপ্ত তৌবা ঙমদব্রা। য়ুনাইতেদ নেসন্স অমসুং অতোপ্পা গ্লোবেল ইন্সতিত্যুসনশিংনা মখোয়গী পুৱারী ওইরবা থৌদাং লৌখি। ঙসিগী শীংনবশিং অসি মায়োক্নদুনা মখোয়গী লিমিতেসনশিং অসি ময়েক শেংনা উবা ঙমখি। হৌজিক ইমর্জিং পাৱরশিং হেনগৎলক্লি। অনৌবা ভোইসশিং অসিনা মখোয়গী ফংফম থোকপা মফম অদু দিমান্দ তৌরি। অনৌবা শীংনবশিং অসিনা অনৌবা সোল্যুসনশিং দিমান্দ তৌরি। মালেমগী অশেংবা শক্তম অদু হোংলকপা মতমদা, অদুবু ৱারেপ লৌবগী পাম্বৈশিংনা অহোংবা লৈতবা মতমদা সিস্তেম অমসুং অশেংবা শক্তমগী মরক্তা অচৌবা অহোবা অমা লৈরকই। চহি তরাগী খুজিং কয়া অসিদা ললোন-ইতিক্না লৈবাকশিং, শেম্নহল্লি, তেক্নোলোজীনা অরাপ্পা নকশিন্নহল্লি, মেরিতাইম রুৎশিংনা ইকনোমীশিংবু লিঙ্ক তৌই, অমসুং কলচর অমসুং মোবিলিতীনা তোঙান তোঙানবা খুন্নাইশিংবু নকশিন্নহল্লি; অদুবু ঙসি মসিগী লিঙ্কশিং অসিনা অনৌবা চৈথেং অমা থেংনরি। ললোন-ইতিক অসি খুৎলাই ওইনা শীজিন্নরক্লি। তেক্নোলোজীনা অসি কম্পিতিসন অমসুং কনফ্লিক্তকী অনৌবা এরেনা অমা ওইরক্লে। সমুদ্রগী লম্বেল অসিনা জিওপোলিতিকেল তেন্সনগী ইপিসেন্তরশিং ওইরক্লে। মরম অদুনা ঙসিগী শীংনবা অসি শুপ্নগী অনৌবা গ্লোবেল ওর্দর থোরকপা খক্তগী ৱাফম ওইদ্রে। অশেংবা শীংনবদি: অহোংবা লাক্লিবা মালেম অমদা করম্না অনৌবা রিএলিতীশিংগী মখোয়গী মফম পীবা ঙম্বা ওর্দর অমা শেমগনি, গ্লোবেল ইন্সতিত্যুসনশিংনা করম্না হেন্না ইফেক্তিব ওইবা, অমসুং কোওপরেসনগী ৱাখল্লোন অসি করম্না রিইনফোর্স তৌবা? অমসুং মসিদা ভারতকী থৌদাং অসি কয়া য়াম্না মরু ওইবগে খঙলি।

মরুপশিং,

ভারতকী থৌদাংবু শন্দোক্না তাক্ত্রিঙৈগী মমাংদা ঐহাক্না চহি ৭-৮গী মমাংদা অদোমবু পুজগে। কোবিদ লাইচৎ মনুংদা করি থোকখিবগে ঐখোয় পুম্নমক্না উবা ফংখ্রে। মালেমনা কোওপরেসন খ্বাইদগী মথৌ তাবা মতমদা, মসি মপুং ফাবা তোঙান তোঙান তাখি। গ্লোবেলাইজেসনগী মতাংদা মখৌ পোংনা ঙাংলম্বশিং অদুনা অৱাবা তারবা মতমদা মশা খক্তগী খনখি। তোঙান তোঙান তারবা মতম অসিদা মীপুম খুদিংমক্না অমনা অমবু চীংনবা মীৎয়েংনা য়েংখি, অমসুং মালেমগী থাজবা অসি মাংখি; মতম অদুদা ২০২০দা জি২০ প্লেৎফোর্মদগী ঐহাক্না মালেমদা ৱাফম অমা থমখি “মীওইবা জাতিগীদমক পুন্না য়াইফনবগীদমক অনৌবা ৱর্ল্দ ওর্দর অমা” – মীওইবগীদমক খনবা ওর্দর অমা। চপ মান্নবা চহিদা য়ু.এন.জি.এ. প্লেৎফোর্মদগী ঐহাক্না হায়খি, “করিগুম্বা চহিচা অসিনা হোংদোক্লবসু অমসুং ঐখোয়না হোংদ্রবা, ঐখোয়গী অহোংবা লৈবগী পাঙ্গল অদুসু শোন্থরকই”।

মরুপশিং,

ঙসি, ৱর্ল্দ ওর্দরনা হোংলক্লি হায়বা অসি অচুম্বা ওইরবা মতম অসিদা অচুম্বা ৱাহং অমা লৈ: অরিবা গ্লোবেল ওর্দরবা হোংলকপগা ইরোইননা, ঐখোয়বু পুন্না থমগদবা করম্বা মখলগী ৱর্ল্দ ওর্দর মথৌ তাবগে? মল্তিলেতরেল ইন্সতিত্যুসনশিংদা রিফোর্মশিং তঙাই ফদে। মসি গ্লোবেল সাউথতা মাগী ফংফম থোকপা মফম অমসুং ভোইস পীনবগীদমক মরু ওই। ইন্তর্নেস্নেল কোওপরেসন অসি অফবা মতমগীদমক্তা খক্তা খাক্তুনা থমলোইদবনি; মসিনা অৱাবা মতমদসু কান্নবা পীগদবনি, অমসুং মসিগীদমক ৱাহন্থোক লৈবা কন্সেন্সস অমা স্তেকহোল্দরশিংগী মরক্তা পুরকপা মরু ওই।

মরুপশিং,

ঐখোয়গী হেরিতেজতা, চানাক্যানা অর্থাশাস্ত্রাদা হায়খি: “অপ্রানিতাহ তু মতস্যা-ন্যায়াম উদ-ভাবব্যাতি’ – হায়বদি গভর্নান্সকী মপাঙ্গল শোন্থরক্লবা মতমদা “লো ওফ ফিশ” অসিনা মহুৎ শিল্লি। লো ওফ ফিশকী মরমদা অচৌবা ঙাশিংনা অপীকপা ঙাবু চাথোকই। মালেম্না অসিগুম্বা ফীভম অসি থোকহন্দনবা সিস্তেম অমা মথৌ তাই। হায়বদি ভারতকী ভিজন অদুনি, অমসুং মসিমক্নি ভারতনা পাংথোক্লিবা অসি। মালেম্না লাইচৎকী অৱাবা মতমদা ভারতকী থৌদাং অদু উবা ফংখ্রে। মতিং লৈবা লৈবাকশিংনা মখোয় মশাগীদমক খন্দুনা লৈথোকখিবা মতমদা ভারতনা মাং থানা থোকখি, অৱাবা লৈবাক খুদিংমক্তা হীদাক পীখি, অমসুং লৈবাক ১০০ হেনবদা হীদাক লাংথকশিং পীখি।

মরুপশিং,

‘সবকা সাথ, সবকা বিকাস’কী ৱাখল্লোননা লমজিংদুনা ভারতনা বিশ্বা-বন্ধু অমা ওইনা মাগী মথৌ পাংথোক্লি। অদোম্না হকথেংননা থেংনখ্রে: জি২০ সম্মিৎ অসি ভারতকী প্রসিদেন্সী মখাদা পাংথোকখি, অমসুং ব্রিক্স সম্মিৎ অসি ভারতকী লুচিং মখাদা পাংথোকখি। সম্মিৎ অনিমক্কী মতাংদা চীংনবা পোকপগী ভোইস কয়া য়াম্না থোরকখি? জোইন্ত দিক্লেরেসনশিংদা কন্সেন্সস পুরকপা ওইথোকপা ঙমলোই হায়খি। অদুবু ভারতনা থোংশিং ওইদুনা দাইলোগ তৌখি অমসুং থৌদোক অনিমক্তা দিল্লী দিক্লেরেসন অসি অমত্তা ওইনা কন্সেন্সস লৈদুনা এদোপ্ত তৌখি। ভারতকী প্লেৎফোর্মদা য়ান্নদবা য়েক্নবা লৈবাকশিং পুনখি। মসি চান্নরুবা নত্তে। মসি বিশ্বা বন্ধু অমা ওইনা ভারতকী থৌদাংদা থম্লিবা থাজবা অদুনি।

মরুপশিং,

ভারতনা হেন্না মপাঙ্গল কনবা অমসুং হেন্না শক্তি লৈবগা লোয়ননা মীওইবা জাতিদা হেন্না কান্নবা ওই। মসিগী মরমদি ভারতকী পোলিসীশিং অমসুং ৱারেপশিং অসি অরিবা এক্সপরিয়েন্স অমসুং সিভিলাইজেস্নেল ভেল্যুশিংনা ইথিল পীখি। ভারতনা ঙাইহাক্কী ওইবা ৱাখলদা ৱারেপ লৌদে। মরম অদুনা ভারতনা স্তেবিলিতী অমসুং কন্তিন্যুতীগী থাজবগী গরেন্তী অমা ওইরিবনি। ভিক্সিৎ ভারতকী ঐখোয়গী ফিরেপ অসি মসিগী ৱাখল্লোন অসিদা য়ুম্ফম ওই। সম্মিৎ অমদা নুমিৎ খরনিগী মমাংদা ঐহাক্না “পাৱর তু এম্পাৱর”গী ভিজন অমা পুথোকখি। চাউখৎপা ভারত অসি ঐখোয় ইশাগী খক্তগী নত্তে; মসি অফবা মালেম অমগী গরেন্তীনি। ভারতনা মরোমদোম লেপচনবগী মাইকৈদা চংশিনবা মতমদা মসিনা গ্লোবেল সপ্লাই সেনশিং মপাঙ্গল কনখৎহল্লি। ভারতকী ইকনোমীনা হেন্না মপাঙ্গল কনখৎলকপা মতমদা মসিনা মালেমদা নুংঙাই য়াইফবগী আশা অমা পীরি। ভারতকী নহারোলনা মতিং লৈবা অমসুং স্কিল লৈবা মতমদা মসিনা ইন্নোভেসন অমসুং প্রদক্তিবিতীদা মালেমগী থাজবা হেনগৎহল্লি। অতোপ্পা ৱাহৈদা হায়রবদি ভারতনা ঙসি মাগী মশাগী তৌবা ঙম্বশিং হেনগৎহন্দুনা মালেমগী তৌবা ঙম্বা হেনগৎহল্লি।

মরুপশিং,

ভারতনা মকোক থোংবা ইকনোমী ৩গী মনুংদা চন্নবগীদমক মাগী অঙম্বা শক্তিগা লোয়ননা থবক তৌরি। ঐখোয়গী থাজবা অসি হৌজিক লৈরিবা মালেমগী ফীভম অসিদা য়েংলবদি হেন্না হেনগৎলক্লি, মসিগী মরক অসিদা ভারধনা খ্বাইদগী চাউনা খুমাং চাউশিল্লিবা অচৌবা ইকনোমী অমা ওইনা থোরক্লি। ঙসি ভারতনা গ্রীন ইনর্জীদা মকোক থোংবা ইকনোমীশিংগী মনুংদা চল্লি। ভারতনা এ.আই. ইকোসিস্তেম অহিমগী মনুংদা চল্লি। ভারতনা মকোক থোংবা স্তার্তঅপ ইকোসিস্তেম অহুমগী মনুং চল্লি। ভারতনা খ্বাইদগী চাউবা দিজিতেল ইকনোমীশিংগী মনুংদা অমা ওইরি। ভারতনা রিএল-তাইম দিজিতেল পেমেন্তশিংদা নম্বর ৱান ওইরি।

মরুপশিং,

ঙসি ভারতনা সেক্তর কয়া মরুমদা মাগী তৌবা ঙম্বশিং হেনগৎহল্লি অমসুং লৈবাক অসিদা অহানবা ওইনা মাইলস্তোন কয়ামরুম য়ৌবা ঙমখি। ভারতকী ফাস্ত ব্রীদর রিএক্তরনা অহানবা ওইনা ক্রিতিকেলিতী য়ৌবা ঙমখ্রে। ভারতনা অহানবা ওইনা দিজিতেল তেক্নোলোজীগা লোয়ননা সেন্সস লিঙ্ক তৌখ্রে। মসিগী মতম অসিগী মনুংদা ভারতকী অহানবা হায়দ্রোজেন ত্রেনসু ওপরেৎ তৌবা হৌখ্রে, অমসুং ভারতনা অহানবা ওইনা নন-ফোসিল ইলেক্ত্রিসিতী কেপাসিতীদা ৩০০-গিগাৱাত হেনবা ঙমখ্রে।

মরুপশিং,

ঐহাক্না অতোপ্পা খুদম অমা পীগে। নুমিৎ খরনিগী মমাংদা ঐহাক্না এসিয়ন গেম্সতগী হল্লকপা নহা ওইরিবা শান্নরোইশিংগা উবগী খুদোংচাবা ফংখি। ভারতনা হন্দক্তি মেদল ৮৫ ফংখি, অহানবা ওইনা মাইলস্তোন কয়া অমা ফংখ্রে। নুপগী রিকর্ব আর্চরী তীমনা তীম অমসুং ইন্দিভিজ্যুএল গোল্দ মেদলশিং অহানবা ওইনা ফংবা ঙমখি। বোক্সিংদা ভারতনা সিঙ্গল এসিয়ন গেম্সতা গোল্দ মেদল অহুম ফংখি, মসিসু অহানবনি।

মরুপশিং,

হৌজিক ঐহাক্না তর্ম অমা হায়গে অমসুং হোল অসিদা লৈরিবা মীওই কয়ানা মসি তরাম্লগনি খল্লি। ৱাহৈ অদুদি – সেপক তাক্রো। সেপক তাক্রো অসি তাখ্রব্রা? মসি খঙদবশিংগীদমক ঐখোয়না মসি হায়জগে, মসি স্পোর্ত অমনি। মালেমনা মসি শান্নরি অমসুং মসিদা মেদলশিং লৌরি। মসি ফুতবোল অমসুং ভোলীবোলগী হাইব্রিদ কম্বিনেসন অমনি। মসি খোঙনা শান্নৈ অদুব এক্সন অদুদি নেৎ অমদা ওই। ভারতনা স্পোর্তস অসিদা – নুপাগী ক্বাদ্রেন্তদা হন্দক্কী এসিয়ন গেম্সতা অহানবা ওইনা মেদল অমা ফংবা ঙমখি।

মরুপশিং,

মসি হোংলক্লিবা ভারত অমগী হোলমার্কনি। সেক্তর খুদিংমক্তা অনৌবা অমসুং অমুক্তা থোকখিদ্রিবা করিগুম্বা অমা থোকই। মসিনা তাক্লিবদি ভারতকী কনভেন্সনেল ওইবা পাঙ্গল অদু রিইনফোর্স তৌরি হায়বনি, অমসুং মতম অমদা ঐখোয়না মপাঙ্গল কনখিদবা মতমদা ঐখোয়না অনৌবা ফোর্স ওইনা থোরক্লি। পুম্নমক অসি আইসোলেসন ওইনা থোকপা নত্তে; মসি ‘রিফোর্ম, পর্ফোর্ম, ত্রান্সফোর্ম’গী পোলিসীগী দাইরেক্ত আউৎকমনি।

মরুপশিং,

লৈবাক অসিনা ইলেক্ত্রিসিতী দিমান্দ হেনগৎলকপনা অপুনবা পাৱর গ্রিদ কোলাপ্স তৌখিবা মতম উবা ফংখ্রে। অদুবু অচেৎপা ৱিলপাৱরগা লোয়ননা থৌরকপা মতমদা পাৱর গ্রিদ কোলাপ্স তৌবা খক্তা নত্তে; মসিগী মহুৎ হায়রিবা গ্রিদ অদুনা লৈবাক অসিবু খুমাং চাউশিনহনখি অমসুং থাজবা হেনগৎহনখি।

মরুপশিং,

ঙসি ঐখোয়গী য়ুবা শক্তি, নারী শক্তি, ঐখোয়গী লৌমীশিং, ঙামীশিং, লায়রবা, মিদ্দল ক্লাসনা ভিক্সিৎ ভারত অমা শেমগৎনবা হৱায় য়াওনা হোৎনখি। ঙসি য়েংবীয়ু: ভারতকী এক্সপোর্তশিংনা অনৌবা রেকোর্দশিং থম্মি। সেপ্তেম্বর খক্তদা গুদস অমসুং প্রদক্তশিংগী এক্সপোর্তশিং অসি মমাংগী চহিগা চাংদম্নবদা চাদা ২৫গী ময়াদা হেনগৎলকখি। সীফুদ এক্সপোর্তশিং অসি হৌখিবা চহি ১২দা শরুক অনি হেনগৎলকখি। ঐখোয়গী খুঙ্গংশিংদা নুপী করোর ৩.৫ হেনবনা লাখপতি দিদিশিং ওইখ্রে অমসুং ঐখোয়না লাখপতি দিদি করোর ৬গ শেম্নবগী পান্দমগী মাইকৈদা ঐখোয়না থবক তৌরি। প্রধান মন্ত্রী ভিক্সিৎ ভারত রোজগার য়োজনাগী মখাদা অনৌবা থবক লাখ ৭০রোম য়াম্না তেনবা মতমগী মনুংদা পীখ্রে। মিদ্দল ক্লাসকীদমক ইনকম তেক্স অসি লুপা লাখ ১২ ফাওবা জিরো ওইহনখ্রে – মসি অদোমদা হঞ্জিন হঞ্জিন খঙবা মথৌ তাই; মসি অদোম্না লৌখ্রগা হেক্তা ইরাই লাইনা কাওথোকপা য়ারোই। ইজ ওফ লিভিং অসি লৈবাক শিনবা থুংনা ফগৎহনখ্রে অমসুং অনৌবা থবক্কী খুদোংচাবশিং পীরি।

মরুপশিং,

মতম অমদা মালেমনা ভারতপু ‘ৱর্ল্দ বেক ওফিস’ হায়না খঙনরম্মি অদুবু ঙসিদি ভারত অসি শুপ্নগী সর্ভিস প্রোভাইদর খক্তা ওইদ্রে; ঐখোয়না ইন্নোভেৎ, দিজাইন তৌরি অমসুং মালেমগীদমক অনৌবা সোল্যুসনশিং অমসুং তেক্নোলোজীশিং পুথোক্লি। রিসর্চকী লম খক্তা য়েংবীয়ু: ঙসি ঐখোয়না রিসর্চ পব্লিকেসনদা অহুমশুবা মফমদা লৈ। ২০২৫দা পেতেন্ত লাখ ১.৫গী ময়াদা ফাইল তৌখি – পেতেন্ত লাখ ১.৫ চহি অমদা। মসিনা ভারত্তা রিসর্চ অমসুং ইন্নোভেসনগীদমক অচৌবা পোতেন্সিএল অমা পীরি।

মরুপশিং,

সেমিকন্দক্তফী সেক্তর অসিসু য়েংবীয়ু। মালেমগী চিপ-দিজাইন ৱার্কফোর্সকী চাদা ২০গী ময়া ভারত্তা লৈ। ভারতকী ইঞ্জিনীয়রশিংনা ২-৩ নেনোমিতর চিপ দিজাইনশিংদা থবক তৌরি। মসিগী তেলেন্ত পুল অসিবু পাকথোক চাউথোকহন্নবা মথৌ তাবা ফেসিলিতী খুদিংমক ঙসি লৈবাক অসিদা ফংহল্লি: ভারতকী একাদেমিক ইন্সতিত্যুসনশিংদা ঐখোয়গী মহৈরোইশিংনা হৌজিক ফাওবদা চিপ ৩২৫ হেন্না দিজাইন তৌখ্রে।

মরুপশিং,

অতোপ্পা খুদম অসি গ্লোবেল কেপাবিলিতী সেন্তরশিংনি। মালেমগী কেপাবিলিতী সেন্তরশিংগী শরুক তঙ্খাইদি ভারত্তা লৈ। মসি শুপ্নগী মশিং খক্তা নত্তে; মসি মখোয়গী থবক তৌবগী মওংদা লাক্লিবা অহোংবগী মওং অদুনি। মমাংদা সেন্তর কয়না সপোর্ত সর্ভিসশিংদা খক্তা মীৎয়েং থমখি। ঙসি মখোয়না এ.আই., ক্লাউদ, ইঞ্জিনীয়রিং, এনালাইতিক্স, অমসুং প্রদক্ত দিবেলপমেন্তগুম্বা লমশিংদা ওপরেৎ তৌরি। অতোপ্পা ৱাহৈশিংদা হায়রগনা ভারতকী থৌদাং অসি হোংলক্লি, অমসুং ভারতকী আইদেন্তিতী হোংলক্লি। ঐখোয়না ‘তেকেন্ত এৎ স্কেল’দগী ‘থিঙ্কিং এৎ স্কেল’দা লাক্লে। মালেমনা ভারতকী মেনপাৱরদা থাজবা থমখিবা অদু চপ মান্ননা ভারতকী মাইন্দ-পাৱরদা থম্লে। মসিগী ফল ওইনা ঐখোয়না বেক ওফিস ওইবা খক্তা নত্তে ব্রেন ওফিস অমা ওইনা মালেমগা লোয়ননা থবক তৌমিন্নরি।

মরুপশিং,

সরকারনা পোলিসী অমা শেম্বা নত্ত্রগা সেক্তর অমা হেক্তদা ইনভেস্তমেন্তগী ৱারেপ লৌবা মতমদা মসিগী নুংগী ৱাখল্লোন অদু ময়েক শেংই: ভারতনা দিবেলপ তৌনবগীদমক করি মতিং মথৌ তাবগে, করম্বা দোমেনদা ঐখোয়না অতোপ্পা লৈবাকশিংগী মীপাল হন্থবা মথৌ তাবগে, অমসুং করম্বা ইম্পেন্দিং ক্রাইসিসকীদমক ঐখোয়না ঙসি শেম শাবা মথৌ তাবগে। ঐখোয়না মসিগী ফেক্তরশিং অসি ৱাখলদা থম্লগা ৱারেপ খুদিংমক লৌবা মথৌ তাই। কান্নবশিং উবা ফংনবগীদমক চহি কয়া চংবা ইনভেস্তমেন্তশিং লৈ অদুবু মখোয় অসি লৈবাক্কী তুংলমচৎকীদমক য়াম্না মরু ওই। ঐহাক্না নুংঙাইবা খুদম অমা পীজগে। ভারতকী ফার্মাস্যুতিকেলগী মতিংশিংগী মতাংদা অদোম্না খঙকে অদুবু চহি খরা অসি ফাওবদা ভারতনা রো মেতরিএলশিং অমসুং হীদাক লাংথকশিংগীদমক চাউনা ইম্পোর্ত তৌরমখি। হৌজিক লৈবাক অসিদা মসিগী ফীভম অসি হোংলে। অদোম্না এন্তিবাইওতিক্সকীদমক মরু ওইবা পেনিসিলিন জিগী মরমদা তারম্লগনি। হৌখিবা দিকেদ অনিদগী অহুম অসিদা ভারত্তা মাগী দোমেস্তিক প্রদক্সন অসি প্রেক্তিকেল ওইনা লেপখ্রে। ঐখোয়না মসিবু প্রদক্সন লিঙ্ক ইন্সেন্তিব (পি.এল.আই.) স্কিমগী মখাদা পুরকখি। ঙসি চহি কয়াগী মতুংদা পেনিনসিলিন জিগী দোমেন্তিক প্রদক্সন অসি কাকিনাদা, আন্ধ্র প্রদেশতা হৌখ্রে।

মরুপশিং,

পেনিনসিলিন জি অসি শুপ্নগী খুদম অমনি। ভারত্তা ঐখোয়না এ.পি,আই, (এক্তিব ফার্মাস্যুতিকেল ইনগ্রিদিয়ন্তশিং)গীদমক অপুনবা দোমেস্তিক সপ্লাই চেন অমা শেমগৎলি। মসি হীদাক পুথোক্নবগীদমক মরু ওইবা রো মেতরিএলশিংনি। মরম অদুনা সেক্তর অসি পি.এল.আই. স্কিমগী মখাদা থমখি, মসিনা হৌজিক ফাওবদা লুপা করোর ৫,০০০ হেনবগী ইনভেস্তমেন্ত লাকহনখ্রে, মসিদা প্রোজেক্ত ৪০রোম পায়খৎলি। অসিগুম্বা পোলিসীশিং অমসুং ৱারেপশিং অসিনা ভারতপু মশা মরোমদা লেপচবা ঙমহন্নবা মাইকৈদা পুরি।

মরুপশিং,

জাতিগী থাক্কী মায়পাকপশিংগী খন্নরিবা অসিগী মরক্তা ঐখোয়গী মীদিয়াগী মরুপশিংনা ৱা য়াম্না হায়রে হায়না ৱাকৎলম্বা য়াই, থবক্কী মরমদা অমত্তা ঙাংদ্রে। এন.দি.তি.ভি.না অচৌবা থৌরম অমা পাংথোক্লি, অমসুং ঐখোয়গী মোতো অসি ‘সবকা সাথ, সবকা বিকাস’নি – মসিদা মীদিয়াগী দিবেলপমেন্ত য়াওই – অদুনা অদোম্না কেন্দিৎ ওইবা অমসুং অফবা অমসুং ফত্তবা ৱাফমশিংসু তানীংলমগনি?

মরুপশিং,

মালেমনা অনৌবা ৱর্দর অমা থীরিঙৈ অসিদা মীওই খরনা ভারত্তা দিসওর্দরগী মঙলান শাগৎলি। ঙসি মালেমদা অৱাবা কয়া মায়োক্নরিবা অসিদা মপাঙ্গল কনবা ভারত অমগী ইমেজ মালেম শিনবা থুংনা উরি। অদুবু মসিগী মীওইশিং অসিনা ভারতকী মীংচৎ থিহন্নবা হোৎনরি। মখোয়না ভারতপু মীংচৎ থিহন্নবা মপাল লৈবাক্তা চৎলি অমসুং মপাল লৈবাক্না খুৎ থিংজিন্নবা হোৎনরি। কোংগ্রেসনা কয়াম কুইনা মাগী মায় পাক্ত্রবা প্রদক্ত লোঞ্চ তৌনবা হোৎনখিগনি। চহি চুপ্পা শ্রীহরিকোতাদা ফাওবা কোংগ্রেসনা মাগী লীদর লোঞ্চ তৌনবা হোৎনবদা মায় থিবা নংলিবা অসিগুম্না নংখিদ্রি।

মরুপশিং,

কোংগ্রেসনা মশাবু থাক হন্থহন্নবা হোৎনরিবা অসি মশাগী ওইবা ৱাফম ঙাক্তনি অমসুং ঐখোয়গী প্রোব্লেম নত্তে। অদুবু মায়থিবগী হঞ্জিন হঞ্জিন তারিবা তাক অমদগী ইমুং অমবু ঙাক শেন্নবা কোংগ্রেসনা ভারতকী মায় পাকপা, পাঙ্গলশিং অমসুং চাউখৎপা অসিবু চাংয়েং তৌরি। অঙ্গুর শিল্লি হায়দনা কোংগ্রেসনা অঙ্গুর পাম্বী মশানা য়ান্থৎচরি। তশেংবদি ইমুং অসি মখোয়গী দলদা পোৎলুম অমা ওইরে; দল অসিগী অহলশিংনা মসি খঙই অমসুং ঐখোয়দা প্রাইবেৎ ওইনা ফাওবা হায়রকপা লৈখ্রে, অদুবু মখোয়না ইকাইবা নংবা অদু খাংলি অমসুং তুমিন্না লৈরি।

মরুপশিং,

কোংগ্রেসকী মসিগী থৌওং অসিনা সরকারগী অশেংবা ক্রিতিকশিংদা অকাইবা পীরি অমসুং মসিনা দেমোক্রেসীদা চাউনা অমাংবা থোকহল্লি। অশেংবা ক্রিতিকশিংনা মসিনা মরম ওইদুনা চাউনা অৱানা নংলি। দেমোক্রেতিক ওইবা মওংদা সরকারগী মায়োক্তা মখোয়গী য়ানিংদবা ফোংদোকপা পাম্বা মীওইশিংনা মখোয়গী ভোইস অদু কোংগ্রেসকী চরাংনবগী মরক্তা মাংখ্রে; অশেংবা ক্রিতিকশিংগী ভোইসশিং নমথখ্রে। দেমোক্রেসীগীদমক তশেংনা খঞ্জবা অমসুং লৈবাক্কী য়াইফনবা খঞ্জবা মীওইশিংনা কোংগ্রেসকী লাউ খোঙবা অসিনা মরম ওইদুনা মখোয়গী খুদোংচাবা অদু ফংবা ঙমদ্রে। ঐখোয়না পার্লিয়ামেন্তদা উবা ফংখ্রে: ওপোজিসন পার্তীশিংদগী তেলেন্ত লৈবা নহা ওইরিবা এম.পি. কয়া লৈ, মখোয়না মখোয়গী ৱাখল্লোনশিং ফোংদোকপা অমসুং সরকারবু সমালোচানা তৌবা পাম্মি অদুবু কোংগ্রেসনা পার্লিয়ামেন্তদা অকাইবা থোকহন্দুনা মখোয়দা খুদোংচাবা পীদে, কোংগ্রেসনা শুপ্নগী মীওই অমা খক্তদা মীৎয়েং থমহন্নীংই। মসি তৌদুনা কোংগ্রেসনা ওপোজিসনগী নহা ওইরিবা এম.পি.শিংদা অরানবা চৎথরে।

অমসুং মরুপশিং,

ওর্গানিক ওইনা সরকারগী অশোইবশিং পুথোক্নবা পান্দম থম্লিবা ইহৌশিং অমসুং সিস্তেমিক রিফোর্ম তৌহন্নীংবা – দেমোক্রেসীগীদমক তশেংনা মথৌ তাবা – অসি কোংগ্রেসনা অকাইবা থোকহল্লে। কোংগ্রেসনা পেরাসাইৎ ওইদুনা কনাগুম্বা অমত্তা খুমাং চাউশিনবা পামদে। ইন্তেলেকচুএল নক্সলশিংনা কোংগ্রেসকী ৱাখল অসিবু কেপচর তৌদুনা কোংগ্রেসনা মশাগী ওইবা ৱাখল খনবা ঙম্বগী শক্তি ফংখ্রে। উমংদা অকাইবা থোকহল্লম্বা মীওইশিং অদুনা কোংগ্রেসতা চংশিনখ্রে অমসুং লৈবাক অসিদা ইরাং থোকহল্লি।

মরুপশিং,

শীংনবশিং অসিগী মনুংদা ভিক্সিৎ ভারতকী অচৌবা পান্দম অসিনা ঐখোয়গী মাংদা লৈরি। লৈবাক অসিগী এস্পিরেসনশিং অসি ঙমখৈ লৈতে। মরম অদুনা চপ মান্নবা ৱাখল্লোন অমা ঙসি ভারত শিনবা থুংনা লৈরি, অমসুং ৱাখল্লোন অদুদি: ‘ঐখোয়না তৌগনি, ঐখোয়না তৌগনি’। ঐখোয়না অচৌবা মঙলান শাগৎকনি, শীংনবা খুদিংমক খুদোংচাবদা ওন্থোক্কনি, অমসুং ৱারেপ খুদিংমক থবক ওইনা ওন্থোক্কনি। ঐখোয়গী পাঙ্গল অসি ইশাদা থাজবনি; ঐখোয়গী ইথিল অসি ইরৈবাকচা করোর ১৪০গী মঙলানশিংনা ওইরি। ঐখোয়না ইন্নোভেৎ তৌগনি, অনৌবা লম্বী য়াৎকনি, অনৌবা পনখৈশিং য়ৌগনি, অমসং ভারতকী মায়পাকপবু মালেমগী মায়পাকপগা শম্নহনগনি। ঐহাক্না থাজৈ মদুদি সম্মিৎ অসিদগী ফংবা অমৃৎ অদুনা মসিগী ৱাখল্লোন অসিদা শক্তি পীগনি, ঐখোয়দা অনৌবা ইনর্জী পীগনি অমসুং ভারতকী অচৌবা এস্পিরেসনশিং মঙফাওননবা মরু ওইবা থৌদাং অমা লৌগনি। অমুক হন্না ময়াম পুম্নমক্কী মফমদা ঐহাক্না য়াইফ-পাউজেল পীজরি।

হন্না-হন্না থাগৎচি!

খঙহঞ্জবা: মসি প্রধান মন্ত্রীগী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখি।

*****


(রিলিজ আই.দি.: 2330068) ভিজিতর কাউন্তর : 17