Posted On:
28 OCT 2026 11:04AM by PIB Chandigarh
ਡਾਇਰੈਕਟੋਰੇਟ ਆਫ ਰੈਵੇਨਿਊ ਇੰਟੈਲੀਜੈਂਸ (ਡੀਆਰਆਈ) ਨੇ ਗ਼ੈਰ-ਕਾਨੂੰਨੀ ਵਪਾਰ ਵਿਰੁੱਧ ਆਪਣੀ ਨਿਰੰਤਰ ਕਾਰਵਾਈ ਜਾਰੀ ਰੱਖਦਿਆਂ 24 ਅਕਤੂਬਰ 2026 ਨੂੰ ਕੋਲਕਾਤਾ ਦੇ ਸ਼ਿਆਮਾ ਪ੍ਰਸਾਦ ਮੁਖਰਜੀ ਬੰਦਰਗਾਹ 'ਤੇ 55,000 ਤੋਂ ਵੱਧ ਤਸਕਰੀ ਕੀਤੀਆਂ ਈ-ਸਿਗਰੇਟਾਂ ਜ਼ਬਤ ਕੀਤੀਆਂ ਹਨ।
ਡੀਆਰਆਈ ਅਧਿਕਾਰੀਆਂ ਨੇ ਵਿਸ਼ੇਸ਼ ਖੁਫੀਆ ਜਾਣਕਾਰੀ ਦੇ ਅਧਾਰ 'ਤੇ ਨੇਪਾਲ ਜਾ ਰਹੇ ਦੋ ਕੰਟੇਨਰਾਂ ਨੂੰ ਜ਼ਬਤ ਕੀਤਾ, ਜਿਨ੍ਹਾਂ ਵਿੱਚ ਈ-ਸਿਗਰੇਟ ਹੋਣ ਦਾ ਸ਼ੱਕ ਸੀ। ਇੱਕ ਕੰਟੇਨਰ ਵਿੱਚ ਈ-ਸਿਗਰੇਟਾਂ ਨੂੰ "ਪਾਣੀ ਦੇ ਗਲਾਸ" ਅਤੇ ਦੂਜੇ ਵਿੱਚ "ਮਿੱਟੀ ਦੇ ਮੱਗ" ਦੇ ਰੂਪ ਵਿੱਚ ਗਲਤ ਤਰੀਕੇ ਨਾਲ ਘੋਸ਼ਿਤ ਕੀਤਾ ਗਿਆ ਸੀ। ਪਹਿਲੇ ਕੰਟੇਨਰ ਦੀ ਵਿਸਤ੍ਰਿਤ ਜਾਂਚ ਵਿੱਚ ਐਲਾਨੇ ਗਏ ਸਾਮਾਨ ਦੇ ਦਰਮਿਆਨ ਛੁਪਾਈਆਂ ਗਈਆਂ ਆਈਜੀਈਟੀ (IGET) ਬ੍ਰਾਂਡ ਦੀਆਂ ਵੱਖ-ਵੱਖ ਫਲੇਵਰਾਂ ਵਾਲੀਆਂ 40,000 ਈ-ਸਿਗਰੇਟਾਂ ਬਰਾਮਦ ਹੋਈਆਂ। ਉੱਥੇ ਹੀ, ਦੂਜੇ ਕੰਟੇਨਰ ਦੀ ਵਿਸਤ੍ਰਿਤ ਜਾਂਚ ਵਿੱਚ ਐਲਾਨੇ ਗਏ ਸਾਮਾਨ ਦਰਮਿਆਨ ਛੁਪਾਈਆਂ ਗਈਆਂ ਵੀਟੀਵੀ, ਵੋਕੋ, ਬੈਂਗ ਅਤੇ ਈ-ਜੁਆਏ ਸਮੇਤ ਵੱਖ-ਵੱਖ ਬ੍ਰਾਂਡਾਂ ਦੀਆਂ ਲਗਭਗ 15,000 ਈ-ਸਿਗਰੇਟਾਂ ਬਰਾਮਦ ਹੋਈਆਂ।
ਕਸਟਮ ਐਕਟ ਦੀਆਂ ਸਬੰਧਿਤ ਧਾਰਾਵਾਂ ਤਹਿਤ ਕਵਰ ਕੀਤੇ ਗਏ ਕਾਰਗੋ ਦੇ ਨਾਲ ਕੁੱਲ ਮਿਲਾ ਕੇ ਲਗਭਗ 55,000 ਈ-ਸਿਗਰੇਟਾਂ ਜ਼ਬਤ ਕੀਤੀਆਂ ਗਈਆਂ, ਜਿਨ੍ਹਾਂ ਦੀ ਕੀਮਤ 13.50 ਕਰੋੜ ਰੁਪਏ ਹੈ।
ਭਾਰਤ ਵਿੱਚ ਇਲੈਕਟ੍ਰੌਨਿਕ ਸਿਗਰੇਟਾਂ ਅਤੇ ਸਾਰੀਆਂ ਇਲੈਕਟ੍ਰੌਨਿਕ ਨਿਕੋਟੀਨ ਡਿਲੀਵਰੀ ਪ੍ਰਣਾਲੀਆਂ (ENDS) 'ਤੇ ਜਨਤਕ ਸਿਹਤ ਦੇ ਹਿਤ ਵਿੱਚ ਅਤੇ ਲੋਕਾਂ ਨੂੰ ਨੁਕਸਾਨ ਤੋਂ ਬਚਾਉਣ ਲਈ ਬਣਾਏ ਗਏ 'ਇਲੈਕਟ੍ਰੌਨਿਕ ਸਿਗਰੇਟ ਪ੍ਰੋਹਿਬਿਸ਼ਨ (ਉਤਪਾਦਨ, ਨਿਰਮਾਣ, ਆਯਾਤ, ਨਿਰਯਾਤ, ਆਵਾਜਾਈ, ਵਿਕਰੀ, ਵੰਡ, ਸਟੋਰੇਜ ਅਤੇ ਇਸ਼ਤਿਹਾਰਬਾਜ਼ੀ) ਐਕਟ, 2019' ਦੇ ਤਹਿਤ ਪਾਬੰਦੀ ਲੱਗਾ ਦਿੱਤੀ ਗਈ ਹੈ।
ਮੌਜੂਦਾ ਵਿੱਤੀ ਵਰ੍ਹੇ 2026-27 ਵਿੱਚ ਡੀਆਰਆਈ ਨੇ ਮਹਾਰਾਸ਼ਟਰ, ਗੁਜਰਾਤ, ਦਿੱਲੀ ਅਤੇ ਪੱਛਮ ਬੰਗਾਲ ਦੀਆਂ ਵੱਖ-ਵੱਖ ਬੰਦਰਗਾਹਾਂ, ਹਵਾਈ ਅੱਡਿਆਂ ਅਤੇ ਸੂਚਨਾ ਅਤੇ ਨਿਯੰਤਰਣ ਕੇਂਦਰ (ICD) ਵਿੱਚ ਲਗਭਗ 3,00,000 ਈ-ਸਿਗਰੇਟਾਂ ਜ਼ਬਤ ਕੀਤੀਆਂ ਹਨ। ਇਨ੍ਹਾਂ ਦੀ ਕੀਮਤ 120 ਕਰੋੜ ਰੁਪਏ ਤੋਂ ਵੱਧ ਹੈ।
****
ਕੇਟੀ/ਕੇਐੱਮਐੱਨ/ਏਕੇ