স্বচ্ছ ক্ৰীড়াৰ প্ৰতি ভাৰত দৃঢ়ভাৱে প্ৰতিশ্ৰুতিবদ্ধঃ ক্ৰীড়াত ডোপিংৰ বিৰুদ্ধে ইউনেস্কো আন্তঃৰাষ্ট্ৰীয় সন্মিলনৰ অধীনত ক'প ১০ ব্যুৰোৰ বৈঠকত ড০ মনসুখ মাণ্ডৱিয়া

কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী ড০ মানসুখ মাণ্ডৱিয়াই নতুন দিল্লীত ক্ৰীড়াত ডোপিংৰ বিৰুদ্ধে ইউনেস্কো আন্তঃৰাষ্ট্ৰীয় সন্মিলনৰ অধীনত ২০২৬-২৭ বৰ্ষৰ বাবে ক'প ১০ ব্যুৰোৰ তৃতীয়খন আনুষ্ঠানিক বৈঠক আৰু পুঁজিৰ অনুমোদন সমিতিৰ চতুৰ্থখন আনুষ্ঠানিক বৈঠকত সভাপতিত্ব কৰে।

ডাঃ মাণ্ডৱিয়াই স্বচ্ছ ক্ৰীড়াৰ প্ৰতি ভাৰতীয় ব্যুৰ’ ৰ প্ৰতিশ্ৰুতিৰ আশ্বাস দিয়ে। তেওঁ কয়, ‘ভাৰতে দৃঢ়ভাৱে বিশ্বাস কৰে যে ক্ৰীড়াৰ উৎকৃষ্টতা সদায় অখণ্ডতাৰ সৈতে থাকিব লাগিব। প্ৰতিজন খেলুৱৈয়ে প্ৰতিযোগিতাৰ এক ন্যায্য সুযোগৰ অধিকাৰী, যাৰ সফলতা প্ৰতিভা, প্ৰস্তুতি আৰু কঠোৰ পৰিশ্ৰমৰ দ্বাৰা নিৰ্ধাৰিত হয়, নিষিদ্ধ পদাৰ্থ বা পদ্ধতিৰ দ্বাৰা নহয়। মাননীয় প্ৰধানমন্ত্ৰী শ্ৰী নৰেন্দ্ৰ মোদী জীয়ে নিয়মীয়াভাৱে স্বচ্ছ ক্ৰীড়া আৰু ডোপিংৰ বিপদাশংকাৰ প্ৰতি শূন্য সহনশীলতাৰ প্ৰয়োজনীয়তাৰ ওপৰত গুৰুত্ব আৰোপ কৰিছে।’

কেন্দ্ৰীয় ক্ৰীড়া মন্ত্ৰীগৰাকীয়ে ৰাষ্ট্ৰীয় ডোপিং বিৰোধী আইন, ২০২২ আৰু ইয়াৰ ২০২৫ সংশোধনীৰ জৰিয়তে ভাৰতৰ ডোপিং বিৰোধী পৰিকাঠামো শক্তিশালী কৰাৰ ওপৰত আলোকপাত কৰে। ড০ মাণ্ডৱিয়াই কয়, ‘ৰাষ্ট্ৰীয় ডোপিং বিৰোধী আইন, ২০২২ আৰু ইয়াৰ ২০২৫ সংশোধনীৰ জৰিয়তে ভাৰতে ইয়াৰ আইনী আৰু প্ৰতিষ্ঠানিক পৰিকাঠামো শক্তিশালী কৰিছে, যি দুয়োটাই ২০২৬ চনৰ জুলাইত বলৱৎ হৈছে। আমি আমাৰ সংসদৰ পৰৱৰ্তী অধিৱেশনত আন এটা সংশোধনীও আনিম, যাৰ লক্ষ্য হৈছে প্ৰশিক্ষক আৰু যোগান শৃংখলৰ অংশীদাৰসকলকে ধৰি আৰু অধিক কাৰ্যকৰীভাৱে মোকাবিলা কৰিবলৈ অপৰাধ বিৰোধী ব্যৱস্থা প্ৰৱৰ্তন কৰা।"

কেন্দ্ৰীয় ক্ৰীড়া মন্ত্ৰীগৰাকীয়ে লগতে ডোপিং নিয়ন্ত্ৰণৰ বাবে ভাৰতে ইতিমধ্যে গ্ৰহণ কৰা পদক্ষেপসমূহৰ ওপৰত আলোকপাত কৰে আৰু ইয়াৰ খেলুৱৈসকলক নিষিদ্ধ দ্ৰব্যৰ বিষয়ে অৱগত কৰে।

 "২০২৫-২৬ ৰ সময়ছোৱাত ভাৰতৰ ৰাষ্ট্ৰীয় ডোপিং বিৰোধী সংস্থাই ৭,০০০ ডোপিং পৰীক্ষা আৰু ৩৫০ তকৈও অধিক সজাগতা সভা অনুষ্ঠিত কৰে, সংস্থাই ২৭০০০ অংশগ্ৰহণকাৰীৰ ওচৰলৈ গৈ, বিপদাশংকা-আধাৰিত পৰীক্ষা আৰু বুদ্ধিমত্তা-নেতৃত্বাধীন তদন্তৰ ওপৰত গুৰুত্ব আৰোপ কৰিছিল", ড০ মাণ্ডৱিয়াই কয়। "আপোনাৰ ঔষধ জানক মোবাইল এপ্লিকেচনে ঔষধৰ বিষয়ে জ্ঞাত সিদ্ধান্তক সমৰ্থন কৰি আধা নিযুতৰো অধিক সন্ধান ৰেকৰ্ড কৰিছে।"

ড০ মাণ্ডৱিয়াই ভাৰতৰ প্ৰতিটো শ্ৰেণীকোঠাৰ টুলকিটত ক্ৰীড়াৰ গুৰুত্ব প্ৰৱৰ্তনৰ বাবে যুৱ পৰিক্ৰমা আৰু ক্ৰীড়া মন্ত্ৰালয়, শিক্ষা মন্ত্ৰালয় আৰু ইউনেস্কোৰ মাজত এখন বুজাবুজিৰ চুক্তিত স্বাক্ষৰ কৰাৰ বিষয়ত আলোকপাত কৰে। এই পদক্ষেপৰ লক্ষ্য হৈছে শ্ৰেণীকোঠাত ক্ৰীড়াৰ মূল্যবোধ, নৈতিকতা আৰু অখণ্ডতা অনা আৰু লাখ লাখ যুৱ মনৰ কাষ চাপিব পৰা।

এই বৈঠকৰ লক্ষ্য আছিল ডোপিংৰ বিৰুদ্ধে যুঁজত বিশ্বব্যাপী সহযোগিতা বৃদ্ধি কৰা আৰু সন্মিলনৰ ৰূপায়ণ শক্তিশালী কৰা। গোলকীয় ডোপিং বিৰোধী পৰিৱেশতন্ত্ৰত ৰাজহুৱা কৰ্তৃপক্ষৰ ভূমিকা আৰু দায়িত্বৰ ৰূপাঙ্কণ কৰা এক পৰিকাঠামো দস্তাবেজৰ লগতে ৰাষ্ট্ৰীয় অনুপালন মঞ্চৰ জৰিয়তে দলসমূহৰ সৈতে জড়িত হৈ ডোপিং বিৰোধী শিক্ষাৰ ক্ষমতা আৰু শৈক্ষিক গৱেষণা শক্তিশালী কৰাৰ ওপৰত গুৰুত্ব আৰোপ কৰা হয়। কার্যসূচীত সম্পদ একত্ৰীকৰণ ২০২৬-২০৩১ ৰ বাবে পুঁজিৰ কাৰ্য্যকৰী ৰণনীতি, এক বহনক্ষম গোলকীয় এন্টি-ডোপিং প্ৰণালীক সমৰ্থন কৰাৰ বাবে অনুপালন আৰু ক্ষমতা-নিৰ্মাণকো সামৰি লোৱা হৈছিল।

উদ্বোধনী অধিৱেশনত উপস্থিত আছিল আজৰবাইজান গণৰাজ্যৰ যুৱ আৰু ক্ৰীড়া মন্ত্ৰী তথা চি অ’ পি ১০ ব্যুৰোৰ অধ্যক্ষ শ্ৰী ফৰিদ গাইবভ; ক্ৰীড়াত ডোপিং নিৰ্মূলৰ বাবে পুঁজিৰ অনুমোদন সমিতিৰ অধ্যক্ষ শ্ৰী লুক মেককেন; ভাৰত চৰকাৰৰ সচিব (ক্ৰীড়া) আৰু চি অ’ পি ১০ ব্যুৰোৰ উপাধ্যক্ষ শ্ৰী হৰি ৰঞ্জন ৰাও; ইউনেস্কোৰ সামাজিক নীতি আৰু অন্তৰ্ভুক্তিৰ সঞ্চালক আৰু চি অ’ পি ১০ ব্যুৰো শ্ৰী গুস্তাভো মেৰিনো, আৰু জাম্বিয়া, স্পেইন আৰু ৰাছিয়ান ফেডাৰেচনৰ পুঁজি অনুমোদন সমিতিৰ সদস্যসকল।

যুটীয়া বৈঠকত বিশ্ব ক্ৰীড়া প্ৰশাসনত ভাৰতৰ সম্পৰ্ক প্ৰতিফলিত হয়, ভাৰতে উপাধ্যক্ষ হিচাপে গ্ৰুপ ৪-ক প্ৰতিনিধিত্ব কৰে, আৰু নৈতিক ক্ৰীড়া প্ৰথাৰ অগ্ৰগতি আৰু ক্ৰীড়াত ডোপিংৰ বিৰুদ্ধে ইউনেস্কো আন্তঃৰাষ্ট্ৰীয় সন্মিলনৰ দৰে আন্তঃৰাষ্ট্ৰীয় পৰিকাঠামোক সমৰ্থন কৰাৰ প্ৰতিশ্ৰুতি প্ৰতিফলিত হয়।

*****

Ayushman Kumar/US