প্রধান মন্ত্রীনা ওক্তোবর ২৭ দা ইমর্জিং সাইন্স, তেক্নোলোজি এন্দ ইন্নোবেসন কনক্লেপ ২০২৬ হৌদোক্কনি

প্রধান মন্ত্রী শ্রী নরেন্দ্র মোদীনা ওক্তোবর ২৭,২০২৬ গী নুংথিল পুং ৫:৩০ রোম তাবদা ন্যু দিল্লিগী ভারত মন্দাপমদা ইমর্জিং সাইন্স, তেক্নোলোজি এন্দ ইন্নোবেসন কনক্লেপ ২০২৬ হৌদোক্কনি। থৌরম অদুদা মহাক্না মীয়ামদসু ৱা ঙাংগনি।

ওক্তোবর ২৯ দগী ওক্তোবর ২৯ ফাওবা পাংথোক্কদৌরিবা নুমিৎ হুম্নিগী মীফম অসিদা মরুওইবা সাইন্তিষ্টশিং, থিজিল্লোয়শিং, অখঙ-অহৈশিং, উদ্যোগকী লুচিংবশিং, ষ্টার্দ-অপশিং, থৌশিল শেম্বা মীওইশিং অমসুং মালেমগী অখঙ-অহৈশিংনা নৌনা থোক্লকপা তেক্নোলোজিশিং অমসুং ভারতকী সাইন্স, তেক্নোলোজি অমসুং অনৌবা থবকশিংগী মতাংদা খন্ন-নৈনগনি।

আর্তিফিসিএল ইন্তিলিজেন্স, বাইওতেক্নোলোজি, এদভান্স মেতরিএলশিং, মেনুফেকচরিং, অনা-লাইয়েং, ইনর্জি, ক্লাইমেত অমসুং ওসিন সাইন্স য়াওনা থিম ১২ খন্ন-নৈনগনি। খন্নবা অদুদা থিজিনবগী মরুওইবা হিরমশিং, লৈবাক্না পাংথোকপা ঙমগদবা থবকশিং অমসুং সাইন্সকী খুমাংচাউশিনবশিং থবক ওইনা পাংথোক্নবা মীৎয়েং থমগনি।

কনক্লেপ অসিদা লৈবাক অসিগী মশাগী ওইবা সাইন্সকী মাইপাকপশিং অমসুং নৌনা থোক্লকপা তেক্নোলোজিশিং উৎপা অচৌবা তেক্নোলোজি অমসুং ইন্নোবেসন একজিবিসন অমসু য়াওগনি। মসিদা চাউরাক্না দিপ-তেক ষ্টার্দঅপ ষ্টোল ১৫০ রোম য়াওগনি, মসিদা তেক্নোলোজিগী চাউখৎলকপশিং অমসুং হিরম কয়াদা মখোয়গী শীজিন্নফমশিং উৎকনি।

সাইন্সকী চাউখৎপশিং অমসুং মখোয়গী শীজিন্নফমশিংগা থবক তৌমিন্নবা হেনগৎহন্নবা কনক্লেপ অসিদা থিমেতিক ভিদিওশিং, তেক্নোলোজি উৎপা, দোকুমেন্তরশিং, ই-পাউ ফংফমশিং অমসুং এ.ভি.আরগী থবকশিং শীজিন্নগনি।

অনৌবা থবক অমা ওইনা, গ্লোবেল কন্নেক নেতৱার্কিং ইভেন্তনা, ভারত অমসুং মপান লৈবাকশিংগী মহৈলোয়শঙ, রিছার্স ইন্সতিতুসনশিং অমসুং উদ্যোগকী মীওই ৩০০ হেন্না চেপাউ পীখ্রে। মসিনা মালেমগী ওইনা পুন্না থিজিনমিন্নবা অমসুং উদ্যোগ-মহৈলোয়শঙ পুন্না থবক তৌমিন্নবা অমসুং অনৌবা থবকশিং লেবোরেতোরিশিংদগী কৈথেলশিংদা য়ৌরক্নবা লম্বী থিদোক্নবা মফম অমা পীগনি।

***