وزیر اعظم جناب نریندر مودی نے آج ایشیائی پیرا گیمز میں خواتین کے شاٹ پٹ ایف 34 مقابلے میں شاندار تھرو اور اپنی بہترین انفرادی کارکردگی کے نئے ریکارڈ کے ساتھ چاندی کا تمغہ حاصل کرکے ایک بار پھر ہندوستان کا سر فخر سے بلند کرنے پر بھاگیہ شری جادھو کو مبارک باد دی۔

جناب مودی نے کہا کہ گزشتہ ایڈیشن کے مقابلے میں اپنی کارکردگی کو بہتر بناتے ہوئے انہوں نے غیر معمولی تسلسل اور مسلسل بہتر کارکردگی کا مظاہرہ کرنے کے عزم کا ثبوت دیا ہے۔ جناب مودی نے اس مستحق کامیابی پر بھاگیہ شری کو مبارک باد دی اور کہا کہ ان کی ثابت قدمی واقعی متاثر کن ہے۔

وزیر اعظم کے دفتر نے سوشل میڈیا پلیٹ فارم ایکس پر ایک پوسٹ میں کہا:

”ایشیائی پیرا گیمز میں ایک اور چاندی کا تمغہ اور ذاتی بہترین کارکردگی کا نیا ریکارڈ!

بھاگیہ شری جادھو نے خواتین کے شاٹ پٹ ایف 34 مقابلے میں شاندار تھرو کے ساتھ چاندی کا تمغہ حاصل کرکے ایک بار پھر ہندوستان کا سر فخر سے بلند کیا ہے۔ گزشتہ ایڈیشن کے مقابلے میں اپنی کارکردگی کو بہتر بناتے ہوئے انہوں نے غیر معمولی تسلسل اور مسلسل بہتر کارکردگی کا مظاہرہ کرنے کے عزم کا ثبوت دیا ہے۔ اس بہترین کامیابی پر بھاگیہ شری کو مبارک باد۔ ان کی ثابت قدمی واقعی متاثر کن ہے: وزیر اعظم نریندر مودی (@narendramodi)“

  ***

ش ح۔ ف ش ع

U: 6431