પ્રધાનમંત્રીનું કાર્યાલય
પ્રધાનમંત્રીએ થિરુ વુમ્મિડી એથિરાજના નિધન પર શોક વ્યક્ત કર્યો
પોસ્ટેડ ઓન:
21 OCT 2026 3:01PM by PIB Ahmedabad
પ્રધાનમંત્રી શ્રી નરેન્દ્ર મોદીએ આજે થિરુ વુમ્મિડી એથિરાજના અવસાન અંગે ઊંડા શોકની સંવેદના વ્યક્ત કરી હતી. ઐતિહાસિક સેંગોલના નિર્માણમાં તેમના યોગદાન માટે તેમને હંમેશાં યાદ કરવામાં આવશે. આ સેંગોલ ભૂતપૂર્વ પ્રધાનમંત્રી જવાહરલાલ નેહરુને અર્પણ કરવામાં આવ્યો હતો.
વર્ષ 2023માં જ્યારે સરકારે નવા સંસદ ભવનમાં સેંગોલને ગૌરવપૂર્ણ સ્થાન આપ્યું ત્યારે તેમને મળવાના બહુમાનને યાદ કરતા, શ્રી મોદીએ જણાવ્યું હતું કે તેમનું જીવન અને કારીગરી ભારતની ગૌરવશાળી પરંપરાઓ અને રાષ્ટ્રીય યાત્રા વચ્ચેના એક અદ્ભુત જોડાણને દર્શાવે છે, અને તેમના પરિવાર તેમજ પ્રશંસકો પ્રત્યે પોતાની હૃદયપૂર્વકની સંવેદના વ્યક્ત કરી હતી.
X પર એક પોસ્ટમાં, પ્રધાનમંત્રીએ શેર કર્યું:
“થિરુ વુમ્મિડી એથિરાજ જીના નિધનથી અત્યંત દુઃખી છું. તમિલનાડુમાં સ્થિત એક પ્રતિષ્ઠિત પરિવારના સભ્ય તરીકે, ભૂતપૂર્વ પ્રધાનમંત્રી નેહરુને અર્પણ કરવામાં આવેલા ઐતિહાસિક સેંગોલના નિર્માણમાં તેમના યોગદાન માટે તેમને હંમેશાં યાદ કરવામાં આવશે. ઘણા વર્ષો પછી, 2023માં અમારી સરકારને નવા સંસદ ભવનમાં સેંગોલને ગૌરવપૂર્ણ સ્થાન આપવાનું સૌભાગ્ય પ્રાપ્ત થયું હતું. તે સમયે મને તિરુ વુમ્મિડી એથિરાજ જીને મળવાનો અને આપણા રાષ્ટ્ર તથા સંસ્કૃતિ માટે તેમણે આપેલા યોગદાન બદલ તેમનો આભાર વ્યક્ત કરવાનો અવસર મળ્યો હતો. તેમનું જીવન અને તેમની કારીગરી ભારતની ભવ્ય પરંપરાઓ અને આપણી રાષ્ટ્રીય યાત્રા વચ્ચેના નોંધપાત્ર જોડાણનું પ્રતિનિધિત્વ કરે છે. તેમના પરિવારજનો અને પ્રશંસકો પ્રત્યે મારી હૃદયપૂર્વકની શોકસંવેદના. ૐ શાંતિ.”
SM/BS/JD
(રીલીઝ આઈડી: 2325921)
મુલાકાતી સંખ્યા : 9