ભારતીય વાયુસેના (IAF)ના C-130J એરક્રાફ્ટે મોડી રાત્રે ટૂંકી નોટિસ પર કેઝ્યુઅલ એવેક્યુએશન હાથ ધરીને વધુ તબીબી સંભાળ માટે લેહથી પાલમ સુધી એક 30 વર્ષીય ગંભીર રીતે બીમાર નાગરિક દર્દીને એરલિફ્ટ કર્યા હતા.

આ મિશન અંધારામાં અને પડકારજનક હવામાન પરિસ્થિતિઓમાં હાથ ધરવામાં આવ્યું હતું, જેમાં ઉચ્ચ સ્તરની ઓપરેશનલ સજ્જતા, વ્યાવસાયિક સંકલન અને સમયસર અમલીકરણની જરૂર હતી. ત્યારબાદ દર્દીને વધુ સારવાર માટે ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સિસ (AIIMS) માં ટ્રાન્સફર કરવામાં આવ્યા હતા.

આ મિશન IAFની ઓપરેશનલ સજ્જતા અને પડકારજનક પરિસ્થિતિઓમાં તબીબી સ્થળાંતર સહિતની જટિલ માનવતાવાદી જરૂરિયાતોને તાત્કાલિક પ્રતિસાદ આપવાની તેની ક્ષમતાને પ્રતિબિંબિત કરે છે.

 

 

SM/IJ/JD

(રીલીઝ આઈડી: 2324931) મુલાકાતી સંખ્યા : 16