প্রধানমন্ত্রীগী লোইশঙ
পি.এম.না ওক্তোবর ১৫দা এসিয়ন গেমস ২০২৬তা শরুক য়াখিবা ভারতকী এথলেতশিংগী কন্তিঞ্জেন্তকা উনগনি
থাগৎখিবা:
14 OCT 2026 3:13PM by PIB Imphal
প্রধান মন্ত্রী, শ্রী নরেন্দ্র মোদীনা ওক্তোবর ১৫, ২০২৬কী নুংথিল পুং ৪:৩০ রোম তাবদা ন্যু দিল্লীগী মেজর ধ্যান চান্দ নেস্নেল স্তেদিয়মদা এসিয়ন গেমস ২০২৬তা শরুক য়াখিবা ভারতকী কন্তিঞ্জেন্তকা উনগনি। থৌরম অসিদা মহাক্না মীয়ামদসু ৱা ঙাংগনি।
জপানগী আইচি-নাগোয়াদা পাংথোকখিবা এসিয়ন গেমস্তা ভারতনা গোল্দ ২১, সিলভর ২৭ অমসুং ব্রোঞ্জ ৩৭ য়াওনা মেদল ৮৫ লৌরগা মেদল তেল্লীদা মরিশুবা মফমদা লৈখি। মসিনা ভারতনা এসিয়ন গেমস্তা মথং-মথং লৈবাক মঙাগী মনুংদা য়াওবা ঙম্বা অনিশুবা ওইখি, মদুনা লৈবাক অসিগী তোঙান-তোঙানবা শান্ন-খোৎনবগী লমশিংদা চাংদম্নবগী মতিক হেনগৎলক্লিবা অদু ময়েক শেংনা উৎলি।
গেমস অসিদা ভারতনা পুৱারী ওইরবা রিকর্ভ আর্চরীগী পার্ফোর্মেন্স, চপ মান্নবা এদিসনদা নুপা অমসুং নুপীগী হোকী তীম অনীমক্না গোল্দ মেদল ফংবা, অমসুং সোফ্ত তেনিস অমসুং মিক্সদ মার্সিয়েল আর্তসতা (MMA) অহানবা মেদলশিং ফংবা য়াওনা মরুওইবা মাইপাকপা কয়া রিকোর্দ তৌখি। অতৈ মরুওইবা মাইপাকপশিংগী মনুংদা নুপীগী ত্রেপ ইভেন্ততা ভারতকী খ্বাইদগী অহানবা গোল্দ মেদল, চহি ২৮গী মতুংদা এসিয়ন গেমস্তা ৱেতলিফতিংদা সিলভর মেদল অমা, অমসুং লম অসিদা ভারতকী ফাইনেলিস্ত অমগীদমক চহি ৬৪ ঙাইরকপা অদু লোইশিনখ্রিবা গ্রিকো-রোমান রেসলিংদা সিলভর মেদল অমা ফংবা অসি য়াওরি।
থৌরম অসিদা ভারতকী কন্তিঞ্জেন্তকী এথলেতশিং, মখোয়গী কোচ অমসুং সপ্পোর্ত স্তাফ, ইন্দিয়ন ওলিম্পিক এসোসিয়েসনগী ওফিসিয়েলশিং, নেস্নেল স্পোর্তস ফেদরেসনশিংগী মীহুৎশিং, অমসুং য়ুথ এফিয়র্স এন্দ স্পোর্তস মিনিস্ত্রীগী ওফিসিয়েলশিংনা শরুক য়াগনি।
***
(রিলিজ আই.দি.: 2323922)
ভিজিতর কাউন্তর : 7
রিলিজ অসি মসিদা পাবীয়ু:
Bengali
,
Bengali-TR
,
Kannada
,
Malayalam
,
Assamese
,
English
,
Urdu
,
Marathi
,
हिन्दी
,
Punjabi
,
Gujarati
,
Tamil
,
Telugu