نوجوانوں کے امور اور کھیل کود کی وزارت نے 'مائی بھارت'  اور نیشنل سروس اسکیم (این ایس ایس) کے تعاون سے، 9 اکتوبر 2026 کو ملک گیر سطح پر 'یوا سمواد میلے' کا کامیابی سے انعقاد کیا۔ یہ میلہ 'میری صحت، میرا فخر' کے موضوع کے تحت 100 ہفتوں کے 'سنکلپ ابھیان' کے پہلے مہینے کے اختتام کی علامت ہے۔ یہ مہم 200 نامزد اداروں اور ان کے گود لیے گئے دیہاتوں میں چلائی گئی، جس میں مجموعی طور پر 1,06,855 شرکاء نے حصہ لیا۔ اس مہم نے نوجوانوں اور معاشرے کے افراد کو ایک ساتھ لا کر نشہ آور اشیاء کے استعمال کی روک تھام کے بارے میں بیداری پیدا کرنے اور ایک صحت مند، نشہ سے پاک معاشرے کو فروغ دینے کے عزم کو تقویت دی۔

15 این ایس ایس علاقائی ڈائریکٹوریٹس میں نافذ کی گئی اس چوتھے ہفتے کی مہم کے دوران 200 اداروں کے ہدف کے مقابلے میں 100 فیصد کامیابی حاصل کی گئی۔ اس پہل قدمی میں 93,662 نوجوانوں نے حصہ لیا اور دیہاتوں اور کچی بستیوں میں خصوصی رسائی کی سرگرمیوں کے ذریعے مزید 13,193 شہریوں تک پیغام پہنچایا گیا۔ محض روایتی طور پر عہد لینے کی سرگرمیوں سے آگے بڑھتے ہوئے، 'یوا سمواد میلہ' میں باہمی گفتگو، عوامی بیداری اور ثقافتی اظہار پر زور دیا گیا تاکہ نشہ آور اشیاء کے نقصان دہ اثرات پر بامقصد اور باخبر بات چیت کی حوصلہ افزائی کی جا سکے۔

اس ملک گیر پہل قدمی کے تین بڑے حصے تھے: نوجوانوں کے درمیان مکالمہ، بیداری کے اسٹالز اور ثقافتی پروگرام۔ نوجوانوں کے مکالمے کے حصے کے تحت، 509 باہم اثر پذیر سمیناروں اور کھلے مباحثوں کا انعقاد کیا گیا، جن میں 36,086 نوجوانوں نے نشہ آور اشیاء کے استعمال کی بنیادی وجوہات، دوستوں کے دباؤ اور کمیونٹی کی سطح پر روک تھام کی حکمتِ عملیوں پر تبادلہ خیال کیا۔ ان پروگراموں میں اساتذہ اور مقامی رہنماؤں نے بھی شرکت کی۔

بیداری کے حصے کے تحت، این ایس ایس کے رضاکاروں نے 396 معلوماتی اسٹالز اور چھوٹے بوتھ قائم کیے تاکہ نشے کے جسمانی اور نفسیاتی اثرات کے بارے میں معلومات عام کی جا سکیں اور شرکاء کو مشاورت کے لیے دستیاب وسائل سے واقف کرایا جا سکے۔ ان سرگرمیوں میں 32,909 شرکاء نے حصہ لیا۔ ان کوششوں کو مزید آگے بڑھاتے ہوئے، 587 ثقافتی پروگرام پیش کیے گئے — جن میں سڑک کے کنارے منعقد کیے جانے والے ڈرامے، اسکیٹس اور موسیقی کے پروگرام شامل تھے — جو 24,944 لوگوں تک پہنچے۔ ان پروگراموں میں ایک نشہ سے پاک ہندوستان کا پیغام پہنچانے کے لیے تخلیقی اور مقامی طور پر موزوں طریقوں کا استعمال کیا گیا۔

اس مہم میں خواتین و حضرات کی جانب سے بھرپور شرکت دیکھنے میں آئی۔ نوجوانوں کی شرکت کے موصولہ اعداد و شمار کے مطابق 48,269 خواتین اور 45,618 مرد شرکاء ریکارڈ کیے گئے، جو اس ملک گیر بیداری مہم میں نوجوان خواتین کی فعال شمولیت کی عکاسی کرتے ہیں۔ اپنی اس شراکت کے ذریعے، این ایس ایس کے رضاکاروں اور نوجوانوں نے صحت، تندرستی اور اجتماعی ذمہ داری کا پیغام تعلیمی اداروں اور قریبی برادریوں تک پہنچانے میں اہم مدد کی۔

ڈیجیٹل پلیٹ فارمز کے ذریعے زمینی سطح کی اس متحرک مہم کو مزید وسعت ملی، جہاں نوجوان ایمبیسیڈرز نے #نشہ مکت یووا ہیش ٹیگ کا استعمال کرتے ہوئے 935 سوشل میڈیا پوسٹس شیئر کیں۔ ان ڈیجیٹل کوششوں نے مقامی سرگرمیوں کے دائرہ کار کو بڑھایا اور وسیع تر سامعین کے درمیان اس مہم کے پیغام کو مزید مضبوط کرنے میں مدد کی۔

پہلے مہینے کا کامیاب اختتام 100 ہفتوں کے 'سنکلپ ابھیان' کے اگلے مرحلے کے لیے ایک مضبوط بنیاد فراہم کرتا ہے۔ دوسرا مہینہ 'تندرست نوجوان، نشہ سے مبرا نوجوان'  کے موضوع کے تحت جسمانی تندرستی اور کھیل کود پر مرکوز ہوگا، جس کا مقصد نوجوانوں کو صحت مند طرزِ زندگی اپنانے اور نشہ آور اشیاء کے استعمال کی روک تھام میں جسمانی سرگرمیوں کو ایک اہم عنصر کے طور پر تسلیم کرنے کی ترغیب دینا ہے۔

مائی بھارت، این ایس ایس، تعلیمی اداروں اور مقامی برادریوں کی مسلسل شراکت کے ذریعے، وزارتِ نوجوانان اور کھیل کود ایک صحت مند، بااختیار اور نشہ سے پاک ہندوستان کے وژن کی جانب نوجوانوں کی قیادت میں بیداری، سماجی شمولیت اور اجتماعی کوششوں کو مسلسل مضبوط کر رہی ہے۔

**********

 (ش ح –ا ب ن)

U.No:4957