কেন্দ্ৰীয় বাণিজ্য আৰু উদ্যোগ মন্ত্ৰী শ্ৰী পীয়ূষ গোৱেলে চলিত সপ্তাহত নিউয়ৰ্কত আমেৰিকা যুক্তৰাষ্ট্ৰৰ আগশাৰীৰ কোম্পানীসমূহৰ কেইবাজনো জ্যেষ্ঠ বিষয়াৰ সৈতে ভাৰত-মাৰ্কিন বাণিজ্য শক্তিশালী কৰাৰ সুযোগৰ বিষয়ে আলোচনা কৰিবলৈ আৰু ভাৰতত বিনিয়োগৰ সুযোগৰ অন্বেষণ কৰিবলৈ শীৰ্ষ মাৰ্কিন কোম্পানীসমূহক আমন্ত্ৰণ জনোৱাৰ বাবে কেইবাখনো বৈঠক অনুষ্ঠিত কৰে।

শ্ৰী গোৱেলে ব্লেকষ্টোনৰ অধ্যক্ষ আৰু মুখ্য পৰিচালন বিষয়া (চি অ' অ') শ্ৰী জনাথন গ্ৰে আৰু ব্লেকষ্টোনৰ আন্তঃৰাষ্ট্ৰীয় ব্যক্তিগত ইক্যুইটি ব্যৱসায়ৰ অধ্যক্ষ শ্ৰী প্ৰকাশ মেলৱানীক সাক্ষাৎ কৰে। গুৰুত্বপূৰ্ণ খণ্ডসমূহত ভাৰতত ব্লেকষ্টোনৰ বিনিয়োগ আৰু অংশীদাৰিত্ব সম্প্ৰসাৰণৰ ওপৰত প্ৰধানতঃ আলোচনা হৈছিল।

মন্ত্ৰীগৰাকীয়ে নিউবাৰ্গাৰ বাৰ্মানৰ অধ্যক্ষ তথা মুখ্য কাৰ্যবাহী বিষয়া শ্ৰী জৰ্জ ৱাকাৰ আৰু কোম্পানীটোৰ জ্যেষ্ঠ সদস্যসকলক সাক্ষাৎ কৰে। আলোচনাত বিনিয়োগৰ সম্পৰ্ক গভীৰ কৰা আৰু বিত্তীয় আৰু সম্পদ ব্যৱস্থাপনা সেৱা অধিক শক্তিশালী কৰাৰ সুযোগ সন্দৰ্ভত গুৰুত্ব দিয়া হয়।

শ্ৰী গোৱেলে দ্য এষ্টি লাউডাৰ কোম্পানীৰ অধ্যক্ষ আৰু মুখ্য কাৰ্যবাহী বিষয়া শ্ৰী ষ্টিফেন ডি লা ফেভেৰীক সাক্ষাৎ কৰে। তেওঁলোকে বৰ্ধিত উৎপাদন আৰু উৎসৰ জৰিয়তে আৰু ভাৰতৰ বৰ্ধিত প্ৰসাধন আৰু ব্যক্তিগত যতনৰ বজাৰকে ধৰি বিকাশৰ সুযোগসমূহৰ বিষয়ে আলোচনা কৰে।

আই বি এমৰ অধ্যক্ষ আৰু মুখ্য কাৰ্যবাহী বিষয়া শ্ৰী অৰবিন্দ কৃষ্ণৰ সৈতে হোৱা বৈঠকত ভাৰতত আই বি এমৰ সম্পৰ্ক অধিক শক্তিশালী কৰা আৰু কৃত্ৰিম বুদ্ধিমত্তা, ক্লাউড আন্তঃগাঁথনি, কোৱাণ্টাম কম্পিউটিং আৰু অন্যান্য নতুন প্ৰযুক্তিৰ ক্ষেত্ৰত সহযোগিতা সম্প্ৰসাৰণৰ ওপৰত গুৰুত্ব আৰোপ কৰা হৈছিল।

মেটলাইফৰ সভাপতি তথা মুখ্য কাৰ্যবাহী বিষয়া মিষ্টাৰ মাইকেল এ. খালাফৰ সৈতে হোৱা বৈঠকত ভাৰতত কোম্পানীটোৰ বিকাশৰ সুযোগ আৰু বীমা-বিত্তীয় সেৱা খণ্ডৰ সম্প্ৰসাৰণৰ ওপৰত গুৰুত্ব আৰোপ কৰা হৈছিল।

মন্ত্ৰীগৰাকীয়ে জেনেৰেল আটলাণ্টিকৰ অধ্যক্ষ তথা মুখ্য কাৰ্যবাহী বিষয়া শ্ৰী উইলিয়াম ই ফ’ৰ্ডক সাক্ষাৎ কৰে আৰু ভাৰতৰ সৈতে কোম্পানীটোৰ বিনিয়োগ আৰু ব্যৱসায়িক সম্পৰ্ক অধিক গভীৰ কৰাৰ সুযোগসমূহৰ বিষয়ে আলোচনা কৰে।

শ্ৰী গোৱেলে এ আই এ গ্ৰুপৰ অ-কাৰ্যবাহী অধ্যক্ষ শ্ৰী মাৰ্ক টাকাৰকো সাক্ষাৎ কৰে। আলোচনাই ভাৰতত এ আই এৰ সম্পৰ্ক আৰু বীমা আৰু বিত্তীয় সেৱা খণ্ডত সুযোগৰ ওপৰত গুৰুত্ব আৰোপ কৰে, যাৰ ভিতৰত আছে ভাৰতৰ ২০৪৭ চনৰ ভিতৰত সকলোৰে বাবে বীমাৰ লক্ষ্য।

এই বৈঠকসমূহে বিত্তীয় সেৱা, উৎপাদন, শক্তি, প্ৰযুক্তি, কৃত্রিম বুদ্ধিমত্তা আৰু অন্যান্য খণ্ডত ভাৰতৰ বিকাশৰ সম্ভাৱনা আৰু বিনিয়োগৰ সুযোগ আৰু ভাৰত-আমেৰিকাৰ অৰ্থনৈতিক, বাণিজ্যিক সম্পৰ্ক অধিক শক্তিশালী কৰাৰ উপায়সমূহৰ বিষয়ে আলোচনা কৰাৰ এক সুযোগ প্ৰদান কৰে।

Abhishek Dayal/ Garima Singh/ Ishita Biswas/US