آل انڈیا انسٹی ٹیوٹ آف آیوروید (اے آئی آئی اے)، نئی دہلی نے 2 اکتوبر 2026 کو 'سوچھتا ہی سیوا' (ایس ایچ ایس) مہم 2026 کا کامیابی کے ساتھ اختتام کیا۔ اے آئی آئی اے کے محکمہ 'سوستھ ورِتّا اور یوگا' کی جانب سے منعقد کی گئی یہ مہم 17 ستمبر سے 2 اکتوبر 2026 تک "سوچھتا میں سہ بھاگ، سوچھ بھارت، وکست بھارت" کے موضوع کے تحت چلائی گئی۔ اس مہم کا بنیادی مقصد پورے انسٹی ٹیوٹ اور اس کے ارد گرد کے علاقوں میں صفائی ستھرائی، کچرے کے ذمہ دارانہ انتظام، ماحولیاتی بیداری اور عوامی شرکت کو فروغ دینا تھا۔

آخری دن پروگرام میں اے آئی آئی اے کے ڈائرکٹر پروفیسر (ڈاکٹر) پی کے پرجاپتی؛ دہلی یونیورسٹی کے ڈین پروفیسر (ڈاکٹر) منوشا راج گوپالا؛ ڈین ریسرچ پروفیسر (ڈاکٹر) راج گوپالا؛ اے ایم ایس، ڈاکٹر راجا رام مہتو کے ساتھ ساتھ ادارے کے فیکلٹی اراکین نے بھی شرکت کی۔

اختتامی پروگرام کے ایک حصے کے طور پر، اے آئی آئی اے میں پورے کیمپس میں صفائی ستھرائی کی مہم چلائی گئی۔ اس موقع پر اجتماع سے خطاب کرتے ہوئے اے آئی آئی اے کے ڈائریکٹر، پروفیسر (ڈاکٹر) پی کے پرجاپتی نے اس بات پر زور دیا کہ صفائی اور پاکیزگی ایک مشترکہ ذمہ داری ہے اور انہوں نے ہر ایک پر زور دیا کہ وہ 'سوچھتا' کو اپنی روزمرہ کی زندگی کا ایک لازمی حصہ بنائیں۔

اس موقع پر اے آئی آئی اے کے شریک ارکان کو 'سوچھتا کا حلف' بھی دلایا گیا۔ فیکلٹی اراکین ، اسکالرز اور اسٹاف نے صفائی ستھرائی کو برقرار رکھنے، کچرے کے ذمہ دارانہ انتظام کو اپنانے، اور ایک صاف ستھرے، صحت مند اور پائیدار ماحول کو برقرار رکھنے میں اپنا تعاون دینے کا عہد کیا۔

انسٹی ٹیوٹ میں صفائی ستھرائی کو برقرار رکھنے کے لیے 'صفائی متروں' کی انتھک اور مسلسل خدمات کے اعتراف میں انہیں اعزاز سے نوازا گیا۔

محکمے نے ماحولیاتی پائیداری اور عوامی شرکت کو فروغ دینے کے لیے این ٹی پی سی کے علاقے میں "ایک پیڑ ماں کے نام" مہم کے تحت شجرکاری کی ایک مہم بھی چلائی۔ اس شجرکاری مہم میں پروفیسر (ڈاکٹر) منجوشا راج گوپالا، پروفیسر (ڈاکٹر) مہیش ویاس (ڈیِن)، پروفیسر (ڈاکٹر) راج گوپالا (ڈیِن ریسرچ)، اور ڈاکٹر راجہ رام مہتو (اے ایم ایس) کے ساتھ ساتھ اے آئی آئی اے کے سینئر فیکلٹی ممبران اور اسکالرز نے شرکت کی۔ فیکلٹی ممبران، اسکالرز اور اسٹاف کی اس شرکت نے 'سوچھتا' اور ماحولیاتی پائیداری کے اصولوں کے تئیں انسٹی ٹیوٹ کے اجتماعی عزم کی عکاسی کی۔

پندرہ دن تک جاری رہنے والی اس مہم میں فیکلٹی ممبران، پی ایچ ڈی اسکالرز، پوسٹ گریجویٹ اسکالرز، اسٹاف، مریضوں اور ان کے تیمارداروں نے بڑھ چڑھ کر حصہ لیا۔ مہم کے دوران، اسپتال کی انتظار گاہوں میں مریضوں اور ان کے تیمارداروں کے لیے آگاہی پروگرام منعقد کیے گئے، جن میں کچرے کو چار طریقوں سے الگ کرنے، گھر میں کھاد بنانے، کچرا کم کرنے-دوبارہ استعمال کرنے-دوبارہ کارآمد بنانے اور سنگل یوز پلاسٹک سے پرہیز کرنے پر زور دیا گیا۔

شرم دان کی سرگرمیوں کے ایک حصے کے طور پر، انسٹی ٹیوٹ کے دفتری احاطے اور اندرونی حصوں کی صفائی کی گئی، جس سے رضاکارانہ خدمت اور اجتماعی ذمہ داری کے جذبے کو مزید تقویت ملی۔ صاف ستھرے ماحول کو فروغ دینے اور عوامی مقامات پر کچرے کے ذمہ دارانہ انتظام کی حوصلہ افزائی کے لیے کیمپس کے اندر اور اس کے آس پاس مختلف نشان زدہ علاقوں میں بھی صفائی مہم چلائی گئی۔

انسٹی ٹیوٹ 'خصوصی مہم 6.0'  کے ذریعے صفائی ستھرائی اور کچرے کے مؤثر انتظام کے لیے اپنی کوششیں جاری رکھے گا، جو کہ فی الحال جاری ہے اور 31 اکتوبر 2026 تک جاری رہے گی۔ اس مہم کا موضوع "ای-کچرے کو مؤثر طریقے سے جمع کرنا، چھانٹنا اور ٹھکانے لگانا" ہے۔

**********

 

(ش ح –ا ب ن)

U.No:4602

(ریلیز آئی ڈی: 2318841) وزیٹر کاؤنٹر : 4