കേന്ദ വിദ്യാഭ്യാസ മന്ത്രാലയത്തിന് കീഴിലുള്ള ഉന്നത വിദ്യാഭ്യാസ വകുപ്പ് ക്ലാസിക്കൽ അസമീസ്, ക്ലാസിക്കൽ ബംഗാളി, ക്ലാസിക്കൽ മറാഠി, ക്ലാസിക്കൽ പാലി, ക്ലാസിക്കൽ പ്രാകൃത് എന്നിവയുടെ പഠനങ്ങൾക്കായി അഞ്ച് മികവിന്റെ കേന്ദ്രങ്ങൾ (Centres of Excellence) സ്ഥാപിക്കുന്നതിന് അംഗീകാരം നൽകി.

ഈ ക്ലാസിക്കൽ ഭാഷകളുമായി ബന്ധപ്പെട്ട ഉന്നത തലത്തിലുള്ള അക്കാദമിക ഗവേഷണം, ഭാഷാപരവും സാഹിത്യപരവുമായ പൈതൃക സംരക്ഷണവും ഡിജിറ്റലൈസേഷനും, അറിവിന്റെ പ്രചാരണം എന്നിവയ്ക്ക് ഈ സംരംഭം സ്ഥാപനപരമായ പിന്തുണ നൽകും.

ഈ മികവിന്റെ കേന്ദ്രങ്ങൾ താഴെ പറയുന്ന ഉന്നത വിദ്യാഭ്യാസ സ്ഥാപനങ്ങളിലാണ് സ്ഥാപിക്കുന്നത്:

ഈ അഞ്ച് കേന്ദ്രങ്ങൾ ഇന്ത്യയിലെ ക്ലാസിക്കൽ ഭാഷകളുടെ പഠനം, ഗവേഷണം, സംരക്ഷണം എന്നിവയ്ക്കായുള്ള ആവാസവ്യവസ്ഥയെ ശക്തിപ്പെടുത്തുന്നതിലേക്കുള്ള സുപ്രധാന ചുവടുവയ്പ്പാണ്.

പ്രധാന ശ്രദ്ധാകേന്ദ്രങ്ങൾ 

മികവിന്റെ കേന്ദ്രങ്ങൾ പ്രധാനമായും നാല് മേഖലകളിൽ ശ്രദ്ധ കേന്ദ്രീകരിക്കും:

അക്കാദമിക ഗവേഷണവും ആഴത്തിലുള്ള പഠനവും ശക്തിപ്പെടുത്തൽ:

ബന്ധപ്പെട്ട ക്ലാസിക്കൽ ഭാഷകളിലെ ഉന്നതതല ഗവേഷണം, പഠനങ്ങൾ, അക്കാദമിക ഇടപെടലുകൾ എന്നിവയ്ക്കായി ഈ കേന്ദ്രങ്ങൾ സ്ഥാപനപരമായ വേദികൾ ഒരുക്കും.

സംരക്ഷണവും ഡിജിറ്റലൈസേഷനും :

ഭാഷാപരവും സാഹിത്യപരവുമായ വിഭവങ്ങളുടെ രേഖപ്പെടുത്തൽ (ഡോക്യുമെന്റേഷൻ), സംരക്ഷണം, ഡിജിറ്റലൈസേഷൻ എന്നിവയ്ക്ക് ഈ കേന്ദ്രങ്ങൾ പിന്തുണ നൽകും. ഇത് രാജ്യത്തിന്റെ സമ്പന്നമായ ഗ്രന്ഥ പൈതൃകത്തിന്റെ ദീർഘകാല സംരക്ഷണത്തിന് സംഭാവന ചെയ്യും.

ക്ലാസിക്കൽ ഭാഷാ പൈതൃകത്തിന്റെ വ്യാപകമായ പ്രചരണം :

ഓരോ ക്ലാസിക്കൽ ഭാഷകളുമായി ബന്ധപ്പെട്ട ഭാഷാപരവും സാഹിത്യപരവുമായ അറിവുകളിലേക്കും പാരമ്പര്യങ്ങളിലേക്കും കൂടുതൽ ആളുകൾക്ക് പ്രവേശനവും പ്രചരണവും ഉറപ്പാക്കാൻ ഈ കേന്ദ്രങ്ങൾ സഹായിക്കും.

പ്രാദേശിക അക്കാദമിക ആവാസവ്യവസ്ഥകളെ ശക്തിപ്പെടുത്തൽ:

അസം, പശ്ചിമ ബംഗാൾ, മഹാരാഷ്ട്ര, ഒഡീഷ, ഗുജറാത്ത് എന്നീ അഞ്ച് സംസ്ഥാനങ്ങളിലായി സ്ഥിതി ചെയ്യുന്ന ഈ കേന്ദ്രങ്ങൾ, ക്ലാസിക്കൽ ഭാഷകളിലെ ഉന്നതവിദ്യാഭ്യാസം, ഗവേഷണം, പഠനങ്ങൾ എന്നിവയ്ക്കുള്ള പ്രാദേശിക ആവാസവ്യവസ്ഥകളെ ശക്തിപ്പെടുത്തും.

രാജ്യത്തിന്റെ ഭാഷാപരവും സാഹിത്യപരവുമായ സമ്പന്ന പൈതൃകം സംരക്ഷിക്കുന്നതിനും പ്രചരിപ്പിക്കുന്നതിനുമുള്ള ഗവൺമെന്റിന്റെ ശ്രമങ്ങൾക്ക് ഈ സംരംഭം കൂടുതൽ കരുത്തേകുന്നു. ഒപ്പം, ഉന്നതവിദ്യാഭ്യാസ സ്ഥാപനങ്ങളെ ഗവേഷണത്തിന്റെയും അക്കാദമിക പഠനങ്ങളുടെയും കേന്ദ്രങ്ങളായി ശക്തിപ്പെടുത്തുകയും ചെയ്യുന്നു.

***