وزارت تعلیم، حکومت ہند کے محکمہ اعلیٰ تعلیم نے کلاسیکی آسامی، کلاسیکی بنگالی، کلاسیکی مراٹھی، کلاسیکی پالی اور کلاسیکی پراکرت کے مطالعے کے لیے عمدگی کے پانچ مراکز کے قیام کی منظوری دی ہے۔

یہ پہل قدمی ان کلاسیکی زبانوں سے متعلق جدید تعلیمی تحقیق، لسانی اور ادبی ورثے کے تحفظ اور ڈیجیٹلائزیشن، اور علم کی وسیع تر تشہیر کے لیے وقف ادارہ جاتی مدد فراہم کرے گی۔

اعلیٰ کارکردگی کے یہ مراکز درج ذیل اعلیٰ تعلیمی اداروں میں قائم کیے جائیں گے:

ان پانچ مراکز کا قیام بھارت کی کلاسیکی زبانوں کے مطالعے، تحقیق اور تحفظ کے ادارہ جاتی ماحولیاتی نظام کو مضبوط کرنے کی جانب ایک اہم قدم ہے۔

زیر توجہ اہم شعبے

عمدگی کے مراکز چار وسیع شعبوں پر توجہ مرکوز کریں گے:

تعلیمی تحقیق اور اسکالرشپ کو مضبوط بنانا: یہ مراکز متعلقہ کلاسیکی زبانوں میں جدید تحقیق، علمی کام اور تعلیمی سرگرمیوں کے لیے وقف ادارہ جاتی پلیٹ فارم فراہم کریں گے۔

تحفظ اور ڈیجیٹلائزیشن: یہ مراکز لسانی اور ادبی وسائل کی دستاویز سازی، تحفظ اور ڈیجیٹلائزیشن میں مدد فراہم کریں گے، جو بھارت کے بھرپور تحریری ورثے کے طویل مدتی تحفظ میں معاون ثابت ہوں گے۔

کلاسیکی زبان کے ورثے کی وسیع تر تشہیر: یہ مراکز متعلقہ کلاسیکی زبانوں سے وابستہ لسانی، ادبی اور علمی روایات تک وسیع تر رسائی اور ان کی تشہیر میں سہولت فراہم کریں گے۔

علاقائی تعلیمی ماحولیاتی نظام کو مضبوط بنانا : پانچ ریاستوں—آسام، مغربی بنگال، مہاراشٹر، اڈیشہ اور گجرات—میں واقع یہ مراکز، کلاسیکی زبانوں میں اعلیٰ تعلیم، تحقیق اور اسکالرشپ کے لیے علاقائی ماحولیاتی نظام کو مضبوط کریں گے۔

یہ پہل قدمی بھارت کے بھرپور لسانی اور ادبی ورثے کے تحفظ اور فروغ کے لیے حکومت کی کوششوں کو مزید تقویت دیتا ہے، جبکہ اعلیٰ تعلیم کے اداروں کو تحقیق اور اسکالرشپ کے مراکز کے طور پر مضبوط بناتا ہے۔

**********

 (ش ح –ا ب ن)

U.No:4591