કેન્દ્રીય માહિતી અને પ્રસારણ તથા સંસદીય બાબતોના રાજ્ય મંત્રી ડૉ. એલ. મુરુગને આજે ભારતીય સમૂહ સંચાર સંસ્થાન (IIMC), નવી દિલ્હી ખાતે 'સ્વચ્છતા હી સેવા' અભિયાન હેઠળ આયોજિત પ્રવૃત્તિઓની શ્રેણીમાં ભાગ લીધો હતો.

વિદ્યાર્થીઓ, અધિકારીઓ અને કર્મચારીઓને સંબોધતા મંત્રીએ યાદ અપાવ્યું કે પ્રધાનમંત્રી શ્રી નરેન્દ્ર મોદીએ સ્વચ્છતાને જન આંદોલન બનાવવાના ઉદ્દેશ્યથી 2014માં સ્વચ્છ ભારત મિશનની શરૂઆત કરી હતી.

મંત્રીશ્રી એ જણાવ્યું કે, "પ્રધાનમંત્રી શ્રી નરેન્દ્ર મોદીએ 2014માં સ્વચ્છતા અભિયાન શરૂ કર્યા પછી, દેશભરના લોકો આ આંદોલનનો ભાગ બન્યા. કાર્યાલયો અને સંસ્થાઓમાં પણ સ્વચ્છતા ઝુંબેશ હાથ ધરવામાં આવી હતી. આજે, IIMC ખાતેના વિદ્યાર્થીઓ અને અધિકારીઓ સાથે, અમે સ્વચ્છતા માટેના શપથ લીધા છે. આપણે આંગણવાડી કેન્દ્રો, મંદિરો, સંસ્થાઓ અને અન્ય જાહેર સ્થળો સહિત જ્યાં પણ શક્ય હોય ત્યાં સ્વચ્છતા સેવા દ્વારા યોગદાન આપવું જોઈએ. આપણે 17 સપ્ટેમ્બરથી સ્વચ્છતા અભિયાનને આગળ ધપાવી રહ્યા છીએ. આપણા દેશ, સંસ્થાઓ અને કાર્યાલયોને સ્વચ્છ રાખવાની આપણી સામૂહિક જવાબદારી છે."

કાર્યક્રમની શરૂઆત સંસ્થા ખાતે સ્વચ્છતા શપથ સાથે થઈ હતી, જેમાં ફેકલ્ટી સભ્યો, અધિકારીઓ, કર્મચારીઓ, વિદ્યાર્થીઓ અને ભારતીય માહિતી સેવા (IIS) ના તાલીમાર્થીઓએ ભાગ લીધો હતો.

મંત્રીએ IIMC કેમ્પસમાં છોડ વાવીને 'એક પેડ મા કે નામ' પહેલમાં પણ ભાગ લીધો હતો. તેમણે વિદ્યાર્થીઓ સાથે વાર્તાલાપ કર્યો હતો અને માત્ર વૃક્ષો વાવવા જ નહીં પરંતુ તેમની સતત સંભાળ અને જાળવણી સુનિશ્ચિત કરવાના મહત્વ પર ભાર મૂક્યો હતો.

કાર્યક્રમના ભાગરૂપે, મંત્રીએ વિદ્યાર્થીઓ, ફેકલ્ટી સભ્યો, અધિકારીઓ અને કર્મચારીઓ સાથે IIMC ખાતે એક કલાકના શ્રમદાનમાં ભાગ લીધો હતો. આ પ્રવૃત્તિમાં સ્વચ્છતા ઝુંબેશના ભાગરૂપે વિસ્તારમાંથી કચરો અને બાંધકામ સામગ્રી હટાવવાનો સમાવેશ થાય છે.

તેમની મુલાકાત દરમિયાન, મંત્રીએ નવસ્મૃતિ વર્ગખંડો અને શૈક્ષણિક બ્લોક, નિર્માણાધીન હોસ્ટેલ અને નવીનીકરણ કરાયેલ પુસ્તકાલય સહિત અન્ય શૈક્ષણિક અને પાયાની સુવિધાઓનું નિરીક્ષણ પણ કર્યું હતું. તેમણે સંસ્થાના વિવિધ રાજ્યો અને વિભાગોના વિદ્યાર્થીઓ સાથે વાર્તાલાપ કર્યો હતો.

મંત્રીએ IIMC દ્વારા તેના સંસ્થાકીય નેતૃત્વ હેઠળ હાથ ધરવામાં આવેલી પહેલોની પ્રશંસા કરી હતી, ખાસ કરીને સ્વચ્છતા, પર્યાવરણીય જાગૃતિ, કેમ્પસ વિકાસ અને વિદ્યાર્થીઓની ભાગીદારીના ક્ષેત્રોમાં.

કાર્યક્રમ દરમિયાન IIMCના વાઇસ ચાન્સેલર ડૉ. પ્રજ્ઞા પાલીવાલ ગૌર, રજિસ્ટ્રાર અને ડીજી ટ્રેનિંગ શ્રી એલ મધુ નાગ અને વરિષ્ઠ આર્થિક સલાહકાર શ્રી આર. કે. જેના ઉપસ્થિતિ રહ્યા હતા. આ ઉપરાંત, સંસ્થાના ફેકલ્ટી સભ્યો, અધિકારીઓ, કર્મચારીઓ, વિદ્યાર્થીઓ અને તાલીમાર્થી અધિકારીઓ પણ હાજર રહ્યા હતા.

આ કાર્યક્રમ સ્વચ્છતા હી સેવા અભિયાન હેઠળ IIMCની પ્રવૃત્તિઓનો એક ભાગ હતો, જેનો ઉદ્દેશ્ય સ્વચ્છતા, પર્યાવરણ સંરક્ષણ અને જવાબદાર નાગરિકત્વમાં સામૂહિક ભાગીદારીને પ્રોત્સાહિત કરવાનો હતો.

SM/BS/JD