প্রধানমন্ত্রীগী লোইশঙ
প্রধান মন্ত্রী ওক্তোবর ১ দা ভারত মন্দাপমদা য়ু.পি.এস.সিগী চহি ১০০ শুবা থৌরম শরুক য়াগনি
প্রধান মন্ত্রীনা য়ু.পি.এস.সি চহি ১০০ মপুংফারকপগী কম্মেমোরেতিপ কোইন অমা অমসুং ষ্টাম্প ফোঙগনি
থাগৎখিবা:
30 SEP 2026 2:09PM by PIB Imphal
প্রধান মন্ত্রী শ্রী নরেন্দ্র মোদীনা ওক্তোবর ১,২০২৬ গী অয়ুক পুং ১১ তাবদা ন্যু দিল্লিগী ভারত মন্দাপমদা য়ুনিয়ন পব্লিক সর্বিস কম্মিসন (য়ু পি এস সি) গী চহি ১০০ শুবা থৌরম শরুক য়াগনি। থৌরম অদুদা মহাক্না মীয়ামদসু ৱা ঙাংগনি।
১৯২৬ দা য়ু.পি.এস.সি লিংখৎপদগী চহি ১০০ মপুংফারকপগী হৌখিবা চহিগী ওক্তোবর ১ দগী হৌদুনা চহি অমা চুপ্না পাংথোক্তুনা লাকপা থৌরম লোইশিনবা ওইনা থৌরম অসি পাংথোক্কদবনি। থৌরম অসিদা প্রধান মন্ত্রীনা য়ু.পি.এস.সি সেন্তিনরি কোইন অমা, কম্মেমোরেতিপ ষ্টাম্প অমা অমসুং ‘১০০ লেন্দমার্ক জজমেন্তস-সেপিং পোলিস ওফ য়ু.পি.এস.সি এন্দ পব্লিক সর্বিস কম্মিসন ইন ইন্দিয়া’ কৌবা লাইরিক অমা ফোঙগনি।
থৌরম অসিদা ষ্টেৎ পব্লিক পব্লিক সর্বিস কম্মিসনশিং, ভারত সরকারগী সেনিয়ার ওফিসারশিং, ওজাশিং, য়ু.পি.এস.সিগী ওফিসিএলশিং অমসুং অতোপ্পশিং য়াওনা লৈবাক শীনবা থুংবগী মরী লৈনবশিং শরুক য়াগনি।
য়ু.পি.এস.সিনা সেপ্তেম্বর ৩০ অমসুং ওক্তোবর ১, ২০২৬ দা নুমিৎ নিনি চুপ্না পাংথোক্কদবা থৌরমগী শরুক অমা ওইনা থৌরম অসি পাংথোক্কদবনি। অহানবা নুমিত্ত ভারত মন্দাপমদা ‘সতাব্দি সমারোহ-মন্থন’ পাংথোক্কনি অমসুং শক্নাইরবা ৱাঙাংলোয়শিংনা ৱা ঙাংগনি অমসুং তুংদা তোঙান তোঙানবা হিরমশিংদা খন্ন-নৈনবা পাংথোক্কনি।
***
(রিলিজ আই.দি.: 2317098)
ভিজিতর কাউন্তর : 5
রিলিজ অসি মসিদা পাবীয়ু:
Assamese
,
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam