শ্বচ্ছতা (লু-নানবা) অমসুং সরকারগী পন্দুনা লৈবা থবকশিং হন্থহনবদা মীৎয়েং থমদুনা ওক্তোবর ২ দগী ওক্তোবর ৩১,২০২৬ ফাওবা ভারত সরকারনা স্পিসিএল কেম্পেন ৬.০ পায়খৎলগনি। রেকোর্দশিং ফজনা থম্নবা, ওফিসগী অহাংবা মফমশিং ফজনা শীজিন্ননবা অমসুং সরকারগী ওফিসশিংদা ই-ৱেষ্ট সাইন্তিফিক ওইনা লোইশিন্নবা কেম্পেন অসিনা মীৎয়েং চঙগনি।

সরকারগী ওফিসশিং লু-নান্না থম্নবা অমসুং পন্দুনা লৈবা থবকশিং অকক্নবা মতমগী মনুংদা পাংথোক্নবা চহিগী ওইবা কেম্পেন অসিনা পান্দম থম্লি। স্পিসিএল কেম্পেন ৬.০ অসিগী মনুংদা ই-ৱেষ্ট মপুংফানা খোমজিনবা, খন্দোকপা অমসুং সাইন্তিফিক ওইনা লোইশিনবদা মীৎয়েং চঙগনি।

স্পিসিএল কেম্পেন ৬.০ অসি তাঙ্কক অহুম থোক্না পায়খৎকনি। সেপ্তেম্বর ১৫ দগী সেপ্তম্বর ৩০ ফাওবগী শেম-শাবগী তাঙ্কক মনুংদা, এম.পিশিং, রাজ্য সরকারশিং, ইন্তর-মিনিষ্টরিয়েল রিফরেন্সশিং হায়বদি কেবিনেত নোতশিং, পি.এম.ওগী রিফরেন্সশিং, পর্লিয়ামেন্তগী থাজবশিং থা অহুম হেন্না পন্দুনা লৈরক্লবশিং, মীয়ামগী খুদোংচাদবশিং অমসুং অপীলশিং য়াওনা পন্দুনা লৈবা থবকশিং লোইশিন্নবা দিপার্তমেন্তশিং মশক খঙদোক্কনি। থৌরাং তৌবগী তাঙ্কক অসিদা ফাইলশিং অমসুং রেকোর্দশিং হন্না য়েংশিনগনি অমসুং ফত্তবা পোৎলমশিং মশক খঙদোক্কনি অমসুং লোইশিন্নবা অতোপ্পা পোৎলমশিং মশক খঙদোক্কনি।

ওক্তোবর ২ দগী ওক্তোবর ৩১, ২০২৬ ফাওবা থবক ওইনা পাংথোকপা তাঙ্কক মনুংদা, দিপার্তমেন্তনা লু-নানবগী থবকশিং, সাইন্তিফিক ওইনা ই-ৱেষ্ট লোইশিনবা অমসুং অতোপ্পা শীজিন্নদ্রবা পোৎলমশিং লোইশিনগনি অমসুং অকক্নবা মতমগী মনুংদা পন্দুনা লৈবা থবকশিং লোইশিনগনি।

নবেম্বর ১৬ দগী নবেম্বর ৩০,২০২৬ ফাওবদা পাংথোকখ্রবা থবক য়েংশিনবগী তাঙ্কক্ত তোঙান তোঙানবা মিনিষ্ট্রিশিং অমসুং দিপার্তমেন্তশিংনা পাংথোকখিবা থবকশিং অমসুং ফলশিং নৈনগনি অমসুং হন্না য়েংশিনগনি।

স্পিসিএল কেম্পেন ৬.০ না সরকারগী ওফিসশিংদা ই-ৱেষ্ট মপুংফানা খোমজিনবা, খন্দোকপা অমসুং সাইন্তিফিক ওইনা লোইশিনবদা অখন্নবা মীৎয়েং চঙগনি। থবক ওইনা পাংথোকপা তাঙ্কক মনুংদা ফজনা অমসুং মহৌশাগী অকোয়বগী ফিবম শোকহন্দনা ই-ৱেষ্ট লোইশিন্নবা শেম-শাবগী থবকশিং দিপার্তমেন্তনা পায়খৎকনি।

স্পিসিএল কেম্পেন ৫.০ মনুংদা, কম্মর্স দিপার্তমেন্তনা ফিজিকেল ফাইল ৮৮,৩৮৫ য়েংশিনখি অমসুং ফিজিকেল ফাইল ৪৬,২৫৫ মাঙহনখি। রেকোর্দশিং ফজনা য়েংশিন্দুনা অমসুং থমদুনা ইসক্বার ফিত ৩৬,০০৫ গী ওফিসকী অহাংবা মফম ফংবা ঙমখি।

দিপার্তমেন্তনা চাউরাক্না লুপা লাখ ৭০ গী অমোৎপা অমসুং শীজিন্নদ্রবা পোৎলমশিং ফংখি অমসুং কেম্পেন মনুংদা মফম ২৭৭ শেংদোকখি।

স্পিসিএল কেম্পেন ৫.০ না কম্মর্স দিপার্তমেন্তগী ওফিস শীনবা থুংনা লু-নানবা, ফজনা রেকোর্দ লোইশিনবা, ওফিসকী অহাংবা মফম ফজনা শীজিন্নবা অমসুং শীজিন্নদ্রবা পোৎলমশিং লোইশিনবগী থবক ফগৎহল্লে। মখা তানা লু-নানবগী থবক পায়খৎনবা, থবকশিং পন্দুনা লৈবা হন্থহন্নবা, রেকোর্দ ফজনা থম্নবা, সাইন্তিফিক ওইনা ই-ৱেষ্ট লোইশিন্নবা অমসুং সরকারগী ওফিসকী অহাংবা মফম ফজনা শীজিন্ননবা স্পিসিএল কেম্পেন ৬.০ পায়খৎপনি।

*****