মহাত্মা গান্ধীলৈ ‘এখন পৰিষ্কাৰ ভাৰত’ ৰ আন্তৰিক শ্ৰদ্ধাঞ্জলি জনোৱাৰ দৃষ্টিভংগীৰে, প্ৰশাসনিক সংস্কাৰ আৰু ৰাজহুৱা অভিযোগ বিভাগে (ডিএআৰপিজি) ২০২১ চনত অমীমাংসিত বিষয়সমূহৰ নিষ্পত্তিৰ বাবে এক বিশেষ অভিযান আৰম্ভ কৰিছিল। অভিযানৰ সফলতাৰ ওপৰত ভিত্তি কৰি, ডিএআৰপিজিয়ে ২০২২, ২০২৩, ২০২৪, ২০২৫ আৰু ২০২৬ চনত এই অভিযান অব্যাহত ৰখাৰ সিদ্ধান্ত লয়। সেই অনুসৰি, মন্ত্ৰালয়/বিভাগসমূহৰ দ্বাৰা ৰাজহুৱা অভিযোগ, সংসদ সদস্য, ৰাজ্য চৰকাৰ, আন্তঃ-মন্ত্ৰী পৰামৰ্শ আৰু সংসদীয় আশ্বাসৰ সময়োপযোগী আৰু ফলপ্ৰসূ নিষ্পত্তি নিশ্চিত কৰাৰ লক্ষ্যৰে ২০২৫ চনৰ নৱেম্বৰৰ পৰা ২০২৬ চনৰ আগষ্টলৈকে বিশেষ অভিযান ৫.০ আৰম্ভ কৰা হৈছিল।

নিটি আয়োগ আৰু ইয়াৰ লগত জড়িত কাৰ্যালয়সমূহ, উন্নয়ন নিৰীক্ষণ আৰু মূল্যায়ন কাৰ্যালয় (ডি এম ই অ'), নীটি ভৱনত অৱস্থিত অটল উদ্ভাৱন মিছন (এ আই এম) আৰু ইয়াৰ স্বায়ত্তশাসিত প্ৰতিষ্ঠান নতুন দিল্লীৰ নাৰেলাত অৱস্থিত ৰাষ্ট্ৰীয় শ্ৰম অৰ্থনীতি গৱেষণা আৰু উন্নয়ন প্ৰতিষ্ঠান (এনআইএলইআৰডি)ৰ দ্বাৰা অমীমাংসিত বিষয়সমূহৰ নিষ্পত্তি আৰু স্বচ্ছতাৰ বাবে বিশেষ অভিযান ৫.০ হাতত লোৱা হৈছিল।

অভিযানৰ সময়ত, ৰাজহুৱা অভিযোগ, সংসদীয় আশ্বাস আৰু প্ৰধানমন্ত্ৰী কাৰ্যালয়ৰ প্ৰসংগসমূহৰ নিষ্পত্তিৰ গতি বৃদ্ধি পাইছে। নীটি আয়োগে ৪,১০৫ টা ৰাজহুৱা অভিযোগ, ১২৭ টা প্ৰধানমন্ত্ৰী কাৰ্যালয়ৰ প্ৰসংগ, ৩৪ টা ৰাজহুৱা অভিযোগ আবেদন আৰু ০৫ টা সংসদীয় আশ্বাস নিষ্পত্তি কৰিছিল। ইয়াৰ উপৰি, ফাইলসমূহৰ নিষ্পত্তি আৰু কাৰ্যালয়ৰ স্থানৰ অনুকূলকৰণৰ জৰিয়তে প্ৰায় ৯০ বৰ্গফুট স্থান মুক্ত কৰা হৈছিল। স্ক্রেপ নিষ্কাশনৰ জৰিয়তে মুঠ ১,৯৬,৯০৫/- টকাৰ ৰাজহ সংগ্ৰহ কৰা হৈছিল।

পূৰ্বৱৰ্তী বছৰবোৰৰ সফলতাৰ সৈতে সংগতি ৰাখি, নীটি আয়োগে স্বচ্ছতা আনুষ্ঠানিক ৰূপ দিয়া আৰু সচিবালয়ৰ লগতে সংলগ্ন/অধীনস্থ কাৰ্যালয়সমূহত স্থগিত হৈ থকা অৱসাধন হ্ৰাস কৰাৰ উদ্দেশ্যৰে বিশেষ অভিযান ৬.০ ৰ প্ৰস্তুতি চলাইছে। অভিযানৰ এই সংস্কৰণত সাংসদৰ প্ৰসংগ, ৰাজ্য চৰকাৰৰ প্ৰসংগ, আন্তঃমন্ত্রিস্ত্ৰীয় প্ৰসংগ, সংসদীয় আশ্বাস, প্ৰধানমন্ত্ৰী কাৰ্যালয়ৰ প্ৰসংগ, ৰাজহুৱা অভিযোগ আৰু পি জি আপীল তথা অপ্ৰয়োজনীয় ফাইল আৰু নথিপত্ৰসমূহৰ আঁতৰ কৰাৰ ওপৰত গুৰুত্ব দিয়া হ’ব। ইয়াৰ উপৰি, স্থান ব্যৱস্থাপনা আৰু ক্ষেত্ৰ কাৰ্যালয়সমূহৰ কৰ্মক্ষেত্ৰৰ অভিজ্ঞতা বৃদ্ধিৰ ওপৰত গুৰুত্ব দি কাৰ্যালয়সমূহৰ সামগ্ৰিক পৰিষ্কাৰ-পৰিচ্ছন্নতা উন্নত কৰাৰ ওপৰত বিশেষ গুৰুত্ব দিয়া হ’ব।

 

***

MJPS/PRK/MK

(ৰিলিজ আই ডি : 2316063) অতিথি কক্ষ : 5