કૃષિ અને ખેડૂત કલ્યાણ વિભાગ, કૃષિ અને ખેડૂત કલ્યાણ મંત્રાલય, ભારત સરકાર દ્વારા 28–29 સપ્ટેમ્બર 2026ના રોજ ભારત રત્ન સી. સુબ્રમણ્યમ ઓડિટોરિયમ, NASC કોમ્પ્લેક્સ, પૂસા, નવી દિલ્હી ખાતે રવિ ઝુંબેશ 2026 માટે કૃષિ પર રાષ્ટ્રીય પરિષદનું આયોજન કરવામાં આવશે. આ પરિષદનું ઉદ્ઘાટન કેન્દ્રીય કૃષિ અને ખેડૂત કલ્યાણ મંત્રી શ્રી શિવરાજ સિંહ ચૌહાણ દ્વારા કરવામાં આવશે, અને તે રાજ્યના કૃષિ મંત્રીઓ, કેન્દ્ર અને રાજ્ય સરકારોના વરિષ્ઠ અધિકારીઓ, ICAR અને અન્ય હિતધારકોને આગામી રવિ સીઝન માટેની મુખ્ય પ્રાથમિકતાઓ અને સજ્જતા પર વિચાર-વિમર્શ કરવા માટે એકસાથે લાવશે.

બે-દિવસીય પરિષદ કેન્દ્ર-રાજ્ય સમન્વયને મજબૂત કરવા અને કૃષિ ઉત્પાદન, ઉત્પાદકતા, સસ્ટેનેબિલિટી અને ખેડૂતોની આવકમાં વધારો કરવા માટે એક સમન્વયિત, પરિણામ-લક્ષી રણનીતિ વિકસાવવા પર ધ્યાન કેન્દ્રિત કરશે. આ વિચાર-વિમર્શ તાજેતરમાં યોજાયેલી કૃષિ પરની ઝોનલ પરિષદોના મુખ્ય શિક્ષણ અને પરિણામો પર પણ આધારિત હશે.

પ્રથમ દિવસે ત્રણ વ્યાપક ક્ષેત્રોને આવરી લેતી સમાંતર વિષયગત જૂથ ચર્ચાઓના ત્રણ તબક્કાઓ સમાવિષ્ટ હશે: આત્મનિર્ભરતા, ડાઇવર્સિફિકેશન અને ઉત્પાદન વૃદ્ધિ; ટકાઉપણું અને ક્લાઇમેટ-રેસિલિઅન્ટ કૃષિ; અને ડિજિટલ કૃષિ, ઇન્ફ્રાસ્ટ્રક્ચર, ફાઇનાન્સિંગ અને જોખમ વ્યવસ્થાપન. વિચાર-વિમર્શ કરવા માટેના મુખ્ય મુદ્દાઓમાં કઠોળ, તેલીબિયાં અને ઓઇલ પામમાં આત્મનિર્ભરતા માટેનું મિશન, બાગાયત, કપાસ, બિયારણની ઉપલબ્ધતા અને બિયારણ મૂલ્ય શ્રૃંખલામાં સુધારા, પ્રાકૃતિક ખેતી, જમીનનું સ્વાસ્થ્ય, કૃષિ યાંત્રિકીકરણ, FPO ફાઇનાન્સિંગ અને ઇન્ફ્રાસ્ટ્રક્ચર, માર્કેટિંગ સુધારા, PM ધન-ધાન્ય કૃષિ યોજના, કિસાન ક્રેડિટ કાર્ડ કવરેજ, ડિજિટલ કૃષિ, PM ફસલ બીમા યોજના, વનસ્પતિ સંરક્ષણ અને કૃષિ આંકડાઓનો સમાવેશ થશે.

વિષયગત ચર્ચાઓનો હેતુ મુખ્ય અમલીકરણ પડકારો, રાજ્ય-વિશિષ્ટ પ્રાથમિકતાઓ અને રવિ સીઝન માટે કાર્યક્ષમ રણનીતિઓની ઓળખ કરવાનો છે, જેમાં યોજનાઓ વચ્ચેના અભિસરણ (કન્વર્જન્સ)ને સુધારવા, વિતરણ પદ્ધતિઓને મજબૂત કરવા અને ક્ષેત્ર સ્તરે અસરકારક પરિણામો સુનિશ્ચિત કરવા પર વિશેષ ભાર મૂકવામાં આવશે.

બીજો દિવસ ઝોનલ પરિષદોમાંથી મેળવેલી મુખ્ય શીખ અને પ્રથમ દિવસે યોજાયેલી વિષયગત ચર્ચાઓના પરિણામો પર ધ્યાન કેન્દ્રિત કરશે. એજન્ડામાં રવિ સીઝનના હવામાનનું પૂર્વાનુમાન, ખાતરની ઉપલબ્ધતા અને ખાતરોનો સંતુલિત ઉપયોગ, ડિજિટલ એગ્રીકલ્ચર મિશન, ફાર્મર રજિસ્ટ્રી, ડિજિટલ ક્રોપ સર્વે અને એગ્રીસ્ટેક, કઠોળમાં આત્મનિર્ભરતા માટેનું મિશન, ખાદ્ય તેલ પરનું રાષ્ટ્રીય મિશન, પાક અને બિયારણની સ્થિતિ, જાતોનો અંગીકાર (વેરાઇટલ એડોપ્શન), PM ધન-ધાન્ય કૃષિ યોજના, માર્કેટિંગ સુધારા અને ATMA અને KVKs દ્વારા કૃષિ યોજનાઓની તૈયારીનો સમાવેશ થશે.

આ પરિષદ રાજ્યના કૃષિ મંત્રીઓને કૃષિ વિકાસ અને રવિ સીઝનની સજ્જતા માટે તેમના વિચારો/અનુભવો, રાજ્યની પ્રાથમિકતાઓ અને સૂચનો શેર કરવાની તક પણ પૂરી પાડશે. રાજ્યોના ઇનપુટ્સ, વિષયગત વિચાર-વિમર્શના પરિણામો સાથે, રવિ ઝુંબેશ 2026 માટે એક સમન્વયિત અને પરિણામ-લક્ષી રણનીતિમાં યોગદાન આપશે તેવી અપેક્ષા છે.

સમાપન સત્ર વિચાર-વિમર્શનો સારાંશ આપવા અને રવિ પાકોના પાક ઉત્પાદનને વધારવા માટે એક મજબૂત રોડમેપ તૈયાર કરવા તેમજ ખાદ્ય અને પોષણ સુરક્ષા સુનિશ્ચિત કરીને 'આત્મનિર્ભર અને વિકસિત ભારત'ના વિઝનને પૂર્ણ કરવા ખેડૂતોને સક્ષમ બનાવવા પર ધ્યાન કેન્દ્રિત કરશે.

SM/NK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad