“হকচাং ফবা হয়েং অমগীদমক অয়ুর্বেদ” হায়বা থিমগী মখাদা সেপ্তেম্বর ২৩ দা ভারত অমসুং মালেম শীনবা থুংনা ১১শুবা অয়ুর্বেদ নুমিৎ পাংথোকখ্রে, ওফিসিএল অয়ুর্বেদ দে ৱেবসাইত্ত থবক ২২,০০০ হেন্না পাংথোকপগী পাউ ফংবগা লোয়ননা, মীয়াম পাক-শন্না শরুক য়াবা উবা ফংলে।

লৈবাক শীনবা থুংনা পাংথোকপা থৌরমশিংগী শরুক অমা ওইনা, অপুনবা মীওই ১৩,১০,৬৯০ রেজিষ্টার তৌখি, লোয়ননা ওফিসিএল অয়ুর্বেদ দে দিজিতেল প্লেতফোর্মগী খুৎথাংদা মীওই ১,৩২,৪৭,৩১১ না শৌগৎখি। থৌরম মনুংদা মীয়াম্না শরুক য়াবগী ফোতো ৯০,০০০ হেন্না পীশিল্লকখি।

মীয়াম, ইন্সতিতুৎশিং, অমসুং লুপশিং শরুক য়ানবা মিং চন্নবা অমসুং থৌরমগী শরুক অমা ওইনা থবকশিংগী পাউদম পীরক্নবা অয়ুর্বেদ দে ২০২৬ (ayurvedaday.org.in) দিজিতেল প্লেতফোর্মনা মীয়ামদা খুদোংচাবা অমা পীরে।

মহারাষ্ট্রা, উরিসা অমসুং উত্তর প্রদেস য়াওনা রাজ্যশিংদা মীয়াম পাক-শন্না শরুক য়াখি, লোয়ননা অয়ুর্বেদগী মরমদা মীয়াম খঙবা হেনগৎহন্নবা থৌরম কয়া পাংথোকখি।

মালেমগী লৈবাক কয়া ১১শুবা অয়ুর্বেদ নুমিৎ শরুক য়াবা উবা ফংখি লোয়ননা লৈবাক ৩৮ হেনবদগী অয়ুর্বেদ নুমিৎকী থৌরমশিং পাংথোকপগী পাউ লাকখি। থৌরমশিং পাংথোকখিবা লৈবাকশিংগী মনুংদা য়ু.কে, য়ু.এস.এ, চাইনা, জপান, ফিনলেন্দ, অফগানিস্তান, ঘনা, ন্যু জিলেন্দ, রুসিয়া, জর্জিয়া অমসুং অলবানিয়া য়াওখি। মালেম শীনবা থুংনা অয়ুর্বেদ নুমিৎ পাংথোকপা হেনগৎহন্নবা অমসুং অয়ুর্বেদ অমসুং হকচাং ফবগী মতাংদা মালেমগী তোঙান তোঙানবা মফমশিংদা মীয়াম অমসুং লুপশিং শরুক য়াদুনা থবকশিং পাংথোক্নবা থৌরম শরুক য়াখিবশিংনা ফোঙদোক্নখি।

থৌরমশিংগী মনুংদা অয়ুর্বেদগী মরমদা মীয়াম খঙহন্নবা থৌরমশিং, হেল্থ কেম্পশিং, মীয়ামগা শম্নবা থবকশিং, লাইরিক-লাইশুগী থৌরমশিং, হিদাক ওইনা শীজিন্নবা পাম্বীশিং থাবা অমসুং ঙাক-শেনবগী থবকশিং, অয়ুর্বেদ অহারা অমসুং হকচাং ফবা চীঞ্জাক চানবা থবকশিং অমসুং মীয়াম শরুক য়াবা খোঙজংশিং য়াওখি।

হকচাং ফবা হয়েং অমগীদমক অয়ুর্বেদগী মরমদা খঙবা হেনগৎহন্নবা লুপশিং অমসুং মীয়ামগী অপুনবা থবকশিং অমসুং অয়ুর্বেদগীদমক মীয়াম থবক পায়খৎপা হেনগৎলকপগী মমি লৈবাক শীনবা থুংনা অমসুং মালেমগী লৈবাকশিং শরুক য়াদুনা পাংথোকখিবা ১১শুবা অয়ুর্বেদ নুমিত্ত তারে।

***