"ಆರೋಗ್ಯಕರ ನಾಳೆಗಾಗಿ ಆಯುರ್ವೇದ" ಎಂಬ ವಿಷಯದೊಂದಿಗೆ ಸೆಪ್ಟೆಂಬರ್ 23 ರಂದು ಭಾರತದಾದ್ಯಂತ ಮತ್ತು ಜಾಗತಿಕವಾಗಿ ಆಚರಿಸಲಾದ 11ನೇ ಆಯುರ್ವೇದ ದಿನವು ವ್ಯಾಪಕ ಸಾರ್ವಜನಿಕ ಭಾಗವಹಿಸುವಿಕೆಗೆ ಸಾಕ್ಷಿಯಾಯಿತು. ಅಧಿಕೃತ ಆಯುರ್ವೇದ ದಿನದ ಜಾಲತಾಣದ ಮೂಲಕ 22,000ಕ್ಕೂ ಹೆಚ್ಚು ಚಟುವಟಿಕೆಗಳು ವರದಿಯಾಗಿವೆ.

ದೇಶಾದ್ಯಂತ ನಡೆದ ಆಚರಣೆಯ ಭಾಗವಾಗಿ ಒಟ್ಟು 13,10,690 ಮಂದಿ ನೋಂದಾಯಿಸಿಕೊಂಡಿದ್ದಾರೆ, ಹಾಗೂ 1,32,47,311 ನಾಗರಿಕರು ಅಧಿಕೃತ ಆಯುರ್ವೇದ ದಿನದ ಡಿಜಿಟಲ್ ವೇದಿಕೆ ಮೂಲಕ ಆಯುರ್ವೇದಕ್ಕೆ ತಮ್ಮ ಬೆಂಬಲವನ್ನು ನೀಡಿದ್ದಾರೆ. ಆಚರಣೆಯ ಸಮಯದಲ್ಲಿ ನಡೆದ ಚಟುವಟಿಕೆಗಳು ಮತ್ತು ಸಾರ್ವಜನಿಕ ಭಾಗವಹಿಸುವಿಕೆಯನ್ನು ದಾಖಲಿಸುವ 90,000ಕ್ಕೂ ಹೆಚ್ಚು ಚಿತ್ರಗಳನ್ನು ಸಲ್ಲಿಸಲಾಗಿದೆ.

ಆಯುರ್ವೇದ ದಿನ 2026 (ayurvedaday.org.in) ಡಿಜಿಟಲ್ ವೇದಿಕೆಯಲ್ಲಿ ನಾಗರಿಕರು, ಸಂಸ್ಥೆಗಳು, ಸಮುದಾಯಗಳು ಮತ್ತು ಸಂಘಟನೆಗಳಿಗೆ ಆಚರಣೆಯ ಭಾಗವಾಗಿ ತಮ್ಮ ಭಾಗವಹಿಸುವಿಕೆಯನ್ನು ನೋಂದಾಯಿಸಲು ಮತ್ತು ಕೈಗೊಂಡ ಚಟುವಟಿಕೆಗಳನ್ನು  ವರದಿ ಮಾಡಲು ಸಾಮಾನ್ಯ ವೇದಿಕೆಯನ್ನು ಒದಗಿಸಿಕೊಟ್ಟಿತು.

ಮಹಾರಾಷ್ಟ್ರ, ಒಡಿಶಾ ಮತ್ತು ಉತ್ತರ ಪ್ರದೇಶ ಸೇರಿದಂತೆ ವಿವಿಧ ರಾಜ್ಯಗಳು ವ್ಯಾಪಕ ಭಾಗವಹಿಸುವಿಕೆಯನ್ನು ದಾಖಲಿಸಿವೆ. ಆಯುರ್ವೇದದ ಜಾಗೃತಿ ಮತ್ತು ತಿಳುವಳಿಕೆಯನ್ನು ಉತ್ತೇಜಿಸಲು ಸಮುದಾಯಗಳು ಮತ್ತು ಸಂಸ್ಥೆಗಳಾದ್ಯಂತ ಚಟುವಟಿಕೆಗಳನ್ನು ಆಯೋಜಿಸಲಾಗಿತ್ತು.

11ನೇ ಆಯುರ್ವೇದ ದಿನವು ಅಂತರರಾಷ್ಟ್ರೀಯ ಮಟ್ಟದಲ್ಲೂ ಗಮನಾರ್ಹ ಭಾಗವಹಿಸುವಿಕೆಗೆ ಸಾಕ್ಷಿಯಾಯಿತು. 38ಕ್ಕೂ ಹೆಚ್ಚು ದೇಶಗಳಿಂದ ಆಯುರ್ವೇದ ದಿನದ ಚಟುವಟಿಕೆಗಳು ವರದಿಯಾಗಿವೆ. ಚಟುವಟಿಕೆಗಳನ್ನು ವರದಿ ಮಾಡಿದ ದೇಶಗಳಲ್ಲಿ ಯುನೈಟೆಡ್ ಕಿಂಗ್ಡಮ್, ಅಮೆರಿಕ, ಚೀನಾ, ಜಪಾನ್, ಫಿನ್ ಲ್ಯಾಂಡ್, ಅಫ್ಘಾನಿಸ್ತಾನ್, ಘಾನಾ, ನ್ಯೂಜಿಲ್ಯಾಂಡ್, ರಷ್ಯಾ, ಜಾರ್ಜಿಯಾ ಮತ್ತು ಅಲ್ಬೇನಿಯಾ ಸೇರಿದಂತೆ ಇತರ ದೇಶಗಳು ಸೇರಿವೆ. ಈ ಭಾಗವಹಿಸುವಿಕೆಯು ಆಯುರ್ವೇದ ದಿನದ ವಿಸ್ತರಿಸುತ್ತಿರುವ ಜಾಗತಿಕ ವ್ಯಾಪ್ತಿಯನ್ನು ಹಾಗೂ ಆಯುರ್ವೇದ ಜಾಗೃತಿ ಮತ್ತು ಆರೋಗ್ಯ ಕೇಂದ್ರಿತ ಚಟುವಟಿಕೆಗಳಲ್ಲಿ ವಿಶ್ವದ ವಿವಿಧ ಭಾಗಗಳ ಸಮುದಾಯಗಳು ಮತ್ತು ಸಂಸ್ಥೆಗಳ ತೊಡಗಿಸಿಕೊಳ್ಳುವಿಕೆಯನ್ನು ಉಲ್ಲೇಖಿಸುತ್ತದೆ.

ಆಚರಣೆಯಲ್ಲಿ ಆಯುರ್ವೇದ ಜಾಗೃತಿ ಕಾರ್ಯಕ್ರಮಗಳು, ಆರೋಗ್ಯ ಮತ್ತು ಕ್ಷೇಮದ ಶಿಬಿರಗಳು, ಸಾರ್ವಜನಿಕ ಸಂಪರ್ಕ ಉಪಕ್ರಮಗಳು, ಶೈಕ್ಷಣಿಕ ಕಾರ್ಯಕ್ರಮಗಳು, ಔಷಧೀಯ ಸಸ್ಯಗಳ ನೆಡುವಿಕೆ ಮತ್ತು ಸಂರಕ್ಷಣಾ ಅಭಿಯಾನಗಳು, ಆಯುರ್ವೇದ ಆಹಾರ ಮತ್ತು ಆರೋಗ್ಯಕರ ಆಹಾರ ಪದ್ಧತಿಗಳು ಹಾಗೂ ನಾಗರಿಕ ತೊಡಗಿಸಿಕೊಳ್ಳುವಿಕೆಯ ಪ್ರಚಾರಗಳು ಸೇರಿದಂತೆ ವ್ಯಾಪಕ ಶ್ರೇಣಿಯ ಚಟುವಟಿಕೆಗಳನ್ನು ಹಮ್ಮಿಕೊಳ್ಳಲಾಗಿತ್ತು.

11ನೇ ಆಯುರ್ವೇದ ದಿನಾಚರಣೆಯಲ್ಲಿ ದೇಶವ್ಯಾಪಿ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಂಡುಬಂದ ಭಾಗವಹಿಸುವಿಕೆಯು, ಆಯುರ್ವೇದದೊಂದಿಗೆ ಸಾರ್ವಜನಿಕರ ತೊಡಗಿಸಿಕೊಳ್ಳುವಿಕೆಯು ಹೆಚ್ಚುತ್ತಿರುವುದನ್ನು ಹಾಗೂ ಆರೋಗ್ಯಕರ ನಾಳೆಗಾಗಿ ಆಯುರ್ವೇದ ಜಾಗೃತಿಯನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಸಂಸ್ಥೆಗಳು, ಸಂಘಟನೆಗಳು ಮತ್ತು ನಾಗರಿಕರ ಸಾಮೂಹಿಕ ಪ್ರಯತ್ನವನ್ನು ಪ್ರತಿಬಿಂಬಿಸುತ್ತದೆ.

 

*****

(ಪ್ರಕಟಣೆ ಐ.ಡಿ.: 2314851) ವಿಸಿಟರ್ ಕೌಂಟರ್ : 8