ভারতকি উপ-রাস্ত্রপতি শ্রী সি.পি.রাধাকৃষ্ণননা ঙসি নই দিল্লিগী ভারত মন্দপমদা ৯শুবা ইন্দিয়া ইন্তর্নেস্নেল ৱাতর ৱিক (আই.আই.দবল্যু.দবল্যু.) ২০২৬ শঙ্গাখ্রে। জল শক্তি মন্ত্রালয়না সেপ্তেম্বর ২২দগী ২৬ ফাওবা পাঙথোক্কদৌরিবা নুমিৎ মঙানিগী থৌরম অসি “ক্লাইমেৎ রেজিলিয়েন্ত ৱাতর মেনেজমেন্ত” হায়বা থিম অসিদা য়ুম্ফম  ওইবনি।

মীয়াম তিনখিবা অদুদা ৱা ঙাংলদুনা উপ-রাস্ত্রপতিনা হায়খি মদুদি ইশিং অসি পুন্সী অমসুং সিভিলাইজেসনশিংগী য়ুমফমনি, মসিবু চুম্না শিজিন্নবা, কঞ্জরবেসন অমসুং ইফেক্তিব মেনেজমেন্তকি মথৌ তাবা অদুদা অকনবা ৱাফম থমখি।

তমিল নাদুদা মহাক্কী অঙাং ওইরিঙৈগী এক্শপরিয়েন্শশিং নিংশিংলদুনা শ্রী সি.পি.রাধাকৃষ্ণন্না হায়খি মদুদি মহাক্না মশামক্না ইশিং ৱাত্‍পা উখি অমসুং মিওইবদা থক্নবা ইশিং য়ৌহনবগী মরুওইবা অদু নিংশিংখি। মহাক্না হায়খি, “ইশিং কনবা অসি মিওইবা জাতি অমসুং মালেমগী ওইনা খ্বাইদগী মরুওইবনি।”

উপ রাস্ত্রপতিনা নিংশিংখি মদুদি দিকেদ অনি হেন্না মমাঙদা মহাক্না তামিল নাদু শিনবা থুংনা কিলোমিতর ১৯,০০০ শাংবা রথ য়াত্রা অমা পাঙথোকখি, মসিগী পান্দমশিংগী মনুংদা অমদি তুরেলশিংগা মরি লৈনবা, ইশিং য়োকশিনবা অমসুং ইশিংগী রিসোর্সশিং মতিক চানা শেন্নবগী মতাঙদা এৱেয়রনেশ পিবনি। মহাক্না হায়খি তুরেল ইনতরলিঙ্কিংনা লমদম খরদা ইশিং ইচাও থেংনরকপা অদুগা অতোপ্পাা খরনা লমহাংদা খোঙহামদবা ফিভমশিং থেংনবদা মতেং পাংবা ঙমগনি।

তুরেলশিংগা ভারতকি সিভিলাইজেসন কনেক্তাতা অকনবা ৱাফম থম্লদুনা উপ রাস্ত্রপতিনা হায়খি ভারতকি কম্যুনিতিশিংনা চহি লিশিং কয়াগী মমাঙদগী ইশিং য়োকশিনবা, য়েন্থোকপা অমসুং শেন্নবগী ইনাক খুললবা চৎনবিশিং অমসুং চৎনবিশিং শেমগত্‍‌লে। মহাক্না হায়খি, “ঐখোয়গী চৎনবিগী লৌশিং অসিনা ঙসিগী ইশিংগী শিংনবশিং অসি কোকহন্নবা মমল য়াম্লবা লৌশিং পিরি।”

উপ রাস্ত্রপতিনা থোইদোক্না ফোংদোকখি মদুদি ভারতনা মালেমগী লমগী চাদা ২.৪ অমসুং মসিগী মিশিংগী চাদা ১৮ ওইরি, অদুগা মালেমগী ফ্রেশ ৱাতর রিসোর্সকি চাওরাক্না চাদা ৪ খক্তমক লৈরি। মহাক্না অকনবা ৱাফম থমখি মদুদি ভারতকি ইশিং শিজিন্নবগী মথৌ তাবশিং অসি ইশিং হেননা ফংবা অমসুং মিশিং য়াম্না লৈবা লৈবাকশিংগা চাংদম্নবা য়ারোই।

লমচৎ-শাজৎ হোংদোক্নবা হায়রদুনা মহাক্না নাগরিকশিংদা মখোয়গী নুংতিগী পুন্সীদা ইচম চম্বা ইশিং কনবা থৌওংশিং লৌখৎনবা তকশিনখি। মহাক্না হায়খি, “ঐখোয়না বালতিন অনি নতৎরগা বালতিন ২০ শিজিন্নদুনা লু-নানবা য়াই। চয়েৎনবা অসি ঐখোয়গীনি।ঐখোয়না ঐখোয়গী হাকচাং শেংদোকপা মতমদা তেপ অসি থিংজিনবা য়াই।মসিশিং অসি অপিকপা ৱাফমশিং ওইনা উবা য়াই, অদুবু অপিকপা থবকশিং অসিগী মনুংদা মিওইবা জাতি অমসুং মালেমগী ইনঢ়েস্ত্ লৈরি।”

উপ-রাস্ত্রপতিনা হায়খি ক্লাইমেৎ চেঞ্জ, খোঙজেল য়াংনা অরবানাইজেসন অমসুং মিশিং হেনগত্‍‌লকপনা ইশিং য়োকশিনবা অসি হেননা কম্প্লেক্শ ওইহল্লি। রিভর-বেশিন মেনেজমেন্ত, গ্রাওন্দৱাতর রিচার্জ, রেনৱাতর হারভেস্তিং অমসুং ইফিসিয়েন্ত ইরিগেসন য়াওবা অপুনবা এপ্রোচ অমগী মথৌ তাবা অদু মহাক্না ফোঙদোকখি।

উপ-রাস্ত্রপতিনা ইশিং পীথোক-পীশিন তৌনবগী হিরমশিং থেংনবদা রাজ্যশিংগী মরক্তা তেংবাং পিনবগী মরুওইবা অদু ফোঙদোকখি। প্রধান মন্ত্রি শ্রী নরেন্দ্র মোদীগী লুচিংবশিংবু থাগত্‍‌পা ফোঙদোক্লদুনা মহাক্না পনখি মদুদি ইশিং য়েন্থোক্নবগীদমক ইন্তর-স্তেত ১০ গী এম.ও.য়ু. অমা খুৎয়েক পীনখি হায়না থোইদোক্না ফোংদোকখি৷ কোওপরেতিব সোলুসনশিং প্রমোত তৌবদা কেন্দ্র সরকার, জল শক্তি মন্ত্রালয় অমদি শরুক য়ারিবা রাজ্যশিংনা হোত্‍‌নরিবশিং অদু মহাক্না থাগত্‍‌পা ফোঙদোকখি। মরুওইনা রাজ্য ৬কি মরক্তা কিশাও মল্তিপরপোজ প্রোজেক্ত এগ্রীমেন্ত অসি ইন্তর-স্তেত কোওপরেসনগী মরুওইবা খুদম অমা ওইনা ফোঙদোকখি।

শ্রী সি. পি. রাধাকৃষ্ণন্না হায়খি মদুদি ২০৪৭ ফাঔবদা ভারতনা চাউখৎপা শেন্মীৎলোনগী মায়কৈরোমদা চংশিল্লকপা অসিদা মঙম লৈবা অমসুং তুং কোইবা ৱাতর মেনেজমেন্ত অসি ক্রিতিকেল ওইগনি৷ মহাক্না প্রধান মন্ত্রি শ্রী নরেন্দ্র মোদীনা “জল সিঞ্চাই জন ভাগীদারি” হায়না কৌখিবা অদু নিংশিংখি অমসুং নাগরিকশিংদা ইশিং য়োকশিনবা অসি মিয়ামগী খোঙজং অমা ওইহন্নবা তকশিনখি।

মহাক্না মরুওইনা লৌউ-শিংউদগী ইশিংগী চাওনা দিমান্দ অমসুং ইন্দস্ত্রিগী মথৌ তাবশিং হেনগত্‍‌লকপা অসি য়েংলগা হেননা হেন্না ইশিং শিজিন্নবগী ইফিসিএন্শি, রিসাইকল তৌবা অমসুং অমুক হন্না শিজিন্নবগী মথৌ তাবা অদুদা অকনবা ৱাফম থমখি। মহাক্না রিএক্তিবতগী প্রদিক্তিব অমসুং তেক্নোলোজি-ইনেবল ওইবা ৱাতর মেনেজমেন্ততা হোংদোক্নবা হায়খি।

মল্তি-স্তেকহোলদর অমসুং মল্তি-দাইমেনস্নেল এপ্রোচ অমা পিনবা হায়দুনা শ্রী সি.পি.রাধাকৃষ্ণন্না হায়খি ইশিংগী শিংনবশিং অসি ইন্সতিত্যুসন অমত্তনা, সেক্তর অমত্তনা নত্রগা রাজ্য অমত্তনা কোকহনবা ঙমদে। মহাক্না থাজবা ফোঙদোকখি মদুদি ইন্দিয়া ইন্তর্নেস্নেল ৱাতর ৱিক-২০২৬তা খন্ন-নৈনবশিং অসিনা ক্লাইমেৎ-রেজিলিয়েন্ত অমসুং ইন্তিগ্রেতেদ ৱাতর মেনেজমেন্তকিদমক অনৌবা তেক্নোলোজি, পোলিসি, সোসিও-ইকোনোমিক অমসুং এনভাইরনমেন্তকি এপ্রোচশিং শেমগত্‍‌লগনি।

শরুক য়ারিবশিং খুদিংমকপু লৌশিং পীথোক-পীশিন তৌনবা, পার্ত্নরসিপ শেমগৎনবা অমসুং ইশিং কনবা অমসুং কঞ্জরবেসন তৌনবা মখোয় মশাবু কমিৎমেন্ত তৌনবা তকশিল্লদুনা উপ-রাস্ত্রপতিনা হায়খি, “জল সুরক্ষানা জন সুরক্ষা অমসুং রাস্ত্র সুরক্ষাদা পুরগানি।”

থৌরম অসিদা উপ-রাস্ত্রপতিনা সস্তেনেবল অরবান রিভর মেনেজমেন্ত (এস.য়ু.আর.এম.) ফ্রেমৱার্ক অমসুং এ.আই./এম.এল.না থৌবা ইন্তিগ্রেতেদ রিজরবর সেদিমেন্ত মেনেজমেন্ত হৌদোকখি, মসিনা তেক্নোলোজি-ইনেবল অমসুং ক্লাইমেৎ-রেজিলিয়েন্ত ৱাতর মেনেজমেন্তকি মায়কৈদা মরুওইবা খোঙথাংশিং মশক তাকখি।

জল শক্তিগী কেন্দ্রগী মন্ত্রি শ্রী সি.আর.পাতিল, জল শক্তিগী রাজ্য মন্ত্রি শ্রী ভি. সোমন্না অমসুং শ্রী রাজ ভুসন চৌধরি, জল শক্তি মন্ত্রালয়গী সেক্রেতরী শ্রীমতি শ্রীমতি. অর্চনা বর্মা অমসুং সেন্ত্রেল ৱাতর কম্মিসনগী চেয়রমেন শ্রী অশোক মীনা, শ্রী অনুপম প্রশাদ অমসুং ভারত অমসুং মপান লৈবাকশিংগী দেলিগেতশিং অমসুং এক্সপর্তশিংনা থৌরম অদুদা শরুক য়াখি।

*****