প্ৰশাসনিক সংস্কাৰ আৰু ৰাজহুৱা অভিযোগ বিভাগ (ডিএআৰপিজি) ৰ দ্বাৰা আয়োজিত বিশেষ অভিযান ৬-ত সক্ৰিয়ভাৱে অংশগ্ৰহণ কৰিবলৈ গৃহ মন্ত্ৰালয় (এমএইচএ) সাজু হৈছে। এই অভিযান দুটা পৰ্যায়ত সম্পন্ন কৰা হ’বঃ

• . প্ৰস্তুতিৰ পৰ্যায়ঃ ২০২৬ বৰ্ষৰ ১৫ ছেপ্টেম্বৰৰ পৰা ৩০ ছেপ্টেম্বৰলৈ
• . ৰূপায়ণৰ পৰ্যায়ঃ ২০২৬ বৰ্ষৰ ২ অক্টোবৰৰ পৰা ৩১ অক্টোবৰলৈ

প্ৰধানমন্ত্ৰী শ্ৰী নৰেন্দ্ৰ মোদীৰ স্বচ্ছতা আনুষ্ঠানিক কৰা আৰু চৰকাৰৰ স্থগিত হৈ থকা বিষয়বোৰ হ্ৰাস কৰাৰ দৃষ্টিভংগীৰ দ্বাৰা অনুপ্ৰাণিত হৈ এই অভিযানৰ লক্ষ্য হৈছে পৰিষ্কাৰ-পৰিচ্ছন্নতাৰ প্ৰচাৰ, কাম সুচল কৰা আৰু স্থগিত থকা অভিযোগসমূহৰ সমাধান কৰা। কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহৰ তত্বাৱধানত জনসাধাৰণৰ সৈতে পোনপটীয়াকৈ সংযোগ স্থাপন কৰা ক্ষেত্ৰ তথা বাহিৰৰ কাৰ্যালয়সমূহৰ ওপৰত বিশেষ গুৰুত্ব দিয়া হ’ব।

গৃহ পৰিক্ৰমা মন্ত্ৰালয়ৰ বিশেষ প্ৰচাৰ অভিযান ৬ -এ বহনক্ষম আৰু পৰিৱেশ অনুকূল কৰ্মক্ষেত্ৰ সৃষ্টিৰ ওপৰত গুৰুত্ব আৰোপ কৰিব, লগতে একে সময়তে বিভিন্ন শ্ৰেণীৰ প্ৰসংগ আৰু বিষয়ত স্থগিত হৈ থকা বিষয়বোৰ সমাধান কৰিব। ইয়াৰ ভিতৰত আছে সংসদৰ সদস্যসকলৰ প্ৰসংগ, ৰাজ্য চৰকাৰসমূহৰ প্ৰসংগ, সংসদৰ আশ্বাস, আন্তঃমন্ত্রালয় পৰামৰ্শ, ৰাজহুৱা অভিযোগ আৰু আপীলৰ লগতে উন্নত ৰেকৰ্ড ব্যৱস্থাপনা।

মন্ত্ৰালয়ৰ সৰ্বোচ্চ পৰ্যায়ত বিশেষ অভিযান -৬ ৰ ৰূপায়ণ নিৰীক্ষণ কৰা হৈছে। কেন্দ্ৰীয় সশস্ত্ৰ আৰক্ষী বাহিনী (চি এ পি এফ) আৰু কেন্দ্ৰীয় আৰক্ষী সংগঠনসমূহ (চি পি অ') ক এই অভিযানৰ গুৰুত্ব সম্পৰ্কে সংবেদনশীল কৰি তোলা হৈছে আৰু এই অভিযানৰ অধীনত চিনাক্ত কৰা উদ্দেশ্য তথা লক্ষ্যসমূহ প্ৰাপ্ত কৰিবলৈ সমন্বিত প্ৰচেষ্টা আৰু অতিৰিক্ত পৰ্য্যায়লৈ যাবলৈ উৎসাহিত কৰা হৈছে।

মন্ত্ৰালয়ে পৰিষ্কাৰ-পৰিচ্ছন্নতা, দক্ষ ৰেকৰ্ড ব্যৱস্থাপনা, স্থগিত হৈ থকা বিষয়সমূহৰ সময়মতে নিষ্পত্তি আৰু পৰিষ্কাৰ, সেউজীয়া তথা অধিক উৎপাদনশীল কৰ্মক্ষেত্ৰ সৃষ্টিৰ দিশত ধাৰাবাহিক প্ৰচেষ্টাৰ জৰিয়তে বিশেষ অভিযানৰ লাভসমূহক প্ৰতিষ্ঠানিক কৰি তুলিবলৈ প্ৰতিশ্ৰুতিবদ্ধ হৈ আছে।

গৃহ পৰিক্ৰমা মন্ত্ৰালয় আৰু ইয়াৰ লগত জড়িত/অধীনস্থ সংস্থাসমূহে অমীমাংসিত বিষয হ্ৰাস কৰা আৰু পৰিষ্কাৰ-পৰিচ্ছন্নতা তথা দক্ষ ৰেকৰ্ড ব্যৱস্থাপনাৰ প্ৰচাৰৰ বাবে বিশেষ অভিযানত সক্ৰিয়ভাৱে অংশগ্ৰহণ কৰি আহিছে। ২০২৫ চনৰ নৱেম্বৰৰ পৰা ২০২৬ চনৰ আগষ্টলৈকে মন্ত্ৰালয় আৰু ইয়াৰ ক্ষেত্ৰ/আউটষ্টেচন কাৰ্যালয়সমূহে স্থগিত হৈ থকা বিষয়সমূহৰ নিষ্পত্তৰ লগতে এক পৰিষ্কাৰ আৰু অধিক দক্ষ কৰ্মক্ষেত্ৰ সৃষ্টিৰ ক্ষেত্ৰত গুৰুত্বপূৰ্ণ অগ্ৰগতি লাভ কৰিছিল।

এই সময়ছোৱাত মুখ্য সাফল্যসমূহ তলত উল্লেখ কৰা হ’লঃ

• মন্ত্ৰালয়ে ইয়াৰ ক্ষেত্ৰ আৰু আউটষ্টেচন কাৰ্যালয়কে ধৰি বিভিন্ন স্থানত ৭৬১ টা স্বচ্ছতা অভিযান চলাইছিল।
• সংসদৰ সদস্যসকলৰ পৰা ২৯৯ টা প্ৰসংগ, ৰাজ্য চৰকাৰৰ পৰা ৩৩৬ টা প্ৰসংগ আৰু ৭ টা প্ৰধানমন্ত্ৰী কাৰ্যালয়ৰ প্ৰসংগ নিষ্পত্তি কৰা হৈছিল।
• এই সময়ছোৱাত মুঠ ৫২,০৫০  ৰাজহুৱা অভিযোগ আৰু ৭,৪১০ ৰাজহুৱা অভিযোগ আবেদন মন্ত্ৰালয়ে নিষ্পত্তি কৰিছিল।
• গৃহ পৰিক্ৰমা মন্ত্ৰালয় আৰু কেন্দ্ৰীয় সশস্ত্ৰ আৰক্ষী বাহিনীৰ (চি এ পি এফ) কাৰ্যালয়ত ১,০২,০৮৪ বৰ্গফুট কাৰ্যালয়ৰ স্থান মুকলি কৰি দিয়া হৈছিল।

তথ্যৰ মসৃণ সংগ্ৰহৰ সুবিধা আৰু ইয়াৰ সঠিকতা নিশ্চিত কৰিবলৈ, গৃহ মন্ত্ৰালয়ে এক আন্তঃ-মন্ত্ৰালয় পৰ্টেল ব্যৱহাৰ কৰি আহিছে যাৰ জৰিয়তে মন্ত্ৰালয়ৰ সকলো বিভাগৰ লগতে কেন্দ্ৰীয় শাসিত অঞ্চল আৰু দিল্লী আৰক্ষীয়ে প্ৰচাৰ-সম্পৰ্কীয় তথ্য আপলোড কৰে। প'ৰ্টেলে বিভিন্ন বিভাগ আৰু কাৰ্যালয়ৰ সৈতে ফলপ্ৰসূ সমন্বয় সাধন কৰিছে আৰু সঠিক তথ্য সময়মতে সংগ্ৰহৰ লগতে একত্ৰীকৰণৰ সুবিধা প্ৰদান কৰিছে।

*****

RK/RR/RKB/PR/PS/MK