કેન્દ્રીય કૃષિ અને ખેડૂત કલ્યાણ મંત્રી શ્રી શિવરાજ સિંહ ચૌહાણે મધ્યપ્રદેશના સિહોર જિલ્લામાં બે વેરહાઉસ પાસેથી લાંચ માંગી હોવાના આક્ષેપ કરતી ફરિયાદ બાદ કૃષિ મંત્રાલયના માર્કેટિંગ ઓફિસર અનુરાગને તાત્કાલિક સસ્પેન્ડ કરવાનો આદેશ આપ્યો છે.

ફરિયાદ અનુસાર, અધિકારીએ સબસિડીની રકમ મુક્ત કરવાના બદલામાં સિહોર જિલ્લામાં નિરીક્ષણ દરમિયાન કથિત રીતે નાણાંની માંગણી કરી હતી. ભૈરૂંડા તહસીલમાં શિવાય વેરહાઉસ પાસેથી કથિત રીતે રૂ. 1 લાખની માંગણી કરવામાં આવી હતી, જ્યારે રેહટી વિસ્તારના બેહેરાખેડી ગામમાં શ્રી ક્રિષ્ના વેરહાઉસ પાસેથી કથિત રીતે રૂ. 60,000 માંગવામાં આવ્યા હતા.

આ ફરિયાદ કેન્દ્રીય કૃષિ મંત્રી શ્રી શિવરાજ સિંહ ચૌહાણના ધ્યાન પર લાવવામાં આવી હતી. આક્ષેપોને ગંભીરતાથી લેતાં, મંત્રીએ આ બાબતે તાત્કાલિક કાર્યવાહી કરવાનો નિર્દેશ આપ્યો હતો. નિર્દેશોને પગલે, માર્કેટિંગ ઓફિસર અનુરાગને તાત્કાલિક અસરથી સસ્પેન્ડ કરવામાં આવ્યા હતા. આ કાર્યવાહી મંત્રાલયના એ વલણને પણ રેખાંકિત કરે છે કે ખેડૂતો અને વેરહાઉસ ઓપરેટરોને લગતી સરકારી પ્રક્રિયાઓમાં અનિયમિતતા કે લાંચ રુશ્વતની ફરિયાદોને ગંભીરતાથી લેવામાં આવશે અને તેના પર કાર્યવાહી કરવામાં આવશે.

SM/BS/JD