প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদীনা য়ু.এ.ই.গী রাস্ত্রপতিগা তেলিফোনদা ৱারী শানখ্রে
য়ু.এ.ই.গী রাস্ত্রপতিনা প্রধান মন্ত্রীগী মপোক নুমীৎকী য়াইফ-পাউজেল পীখ্রে
লুচিংবশিংনা ভারত-য়ু.এ.ই. কমপ্রিহেন্সিব স্ত্রেতেজিক পার্তনরশিপপু হেন্না মপাঙ্গল কনখৎহন্নবগী খোঙথাংশিংগী মতাংদা খন্নখ্রে
য়ু.এ.ই.গী প্রসিদেন্তনা ভারতকী মাইপাকপা ব্রিক্স প্রসিদেন্সীগীদমক প্রধান মন্ত্রীদা নুংঙাইবা ফোংদোকখ্রে
লুচিংবশিংনা নোংচুপ এসিয়াদা শান্তি, সেক্যুরিতী অমসুং স্তেবিলিতী শৌগৎনবা ফিরেপ অদু অমুক হন্না থমখ্রে
থাগৎখিবা:
18 SEP 2026 4:32PM by PIB Imphal
প্রধান মন্ত্রী, শ্রী নরেন্দ্র মোদীনা য়ুনাইতেদ অরাব ইমিরেতস (UAE)কী রাস্ত্রপতি, হিজ হাইনেস শেখ মোহমেদ বিন জায়েদ অল নাহয়ানগা তেলিফোনদা ৱারি শানখ্রে।
য়ু.এ.ই.গী রাস্ত্রপতিনা প্রধান মন্ত্রীগী মপোক নুমীত্তা তরাম্না য়াইফ-পাউজেল পীখ্রে।
লুচিংবা অনিনা ইনর্জী, দিফেন্স, তেক্নোলোজী, ইনভেস্তমেন্ত অমসুং হকশেলগী লমশিং য়াওনা ভারত-য়ু.এ.ই. কমপ্রিহেন্সিব স্ত্রেতেজিক পার্তনরশিপপু হেন্না মপাঙ্গল কনখৎহন্নবগীদমক অনৌবা খোঙথাংশিংগী মতাংদা খন্নখি।
য়ু.এ.ই.গী রাস্ত্রপতিনা ভারতকী মাইপাকপা ব্রিক্স প্রসিদেন্সীগীদমক প্রধান মন্ত্রীদা নুংঙাইবা ফোংদোকখি। প্রধান মন্ত্রীনা ব্রিক্স সম্মিত্তা হিজ হাইনেস ক্রাউন প্রিন্স শেখ খালেদনা শরুক য়াখিবা অমসুং ভারতকী প্রসিদেন্সীগী মখাদা মরুওইবা ফলশিং ফংবদা য়ু.এ.ই.গী তেংবাং অমসুং পার্তনরশিপকীদমক থাগৎপা ফোংদোকখি।
লুচিংবা অনিনা নোংচুপ এসিয়াদা থোক্লিবা থৌদোকশিংগী মতাংদা ৱাখল্লোনশিং লান্নোক্নখি। মখোয়না লমদম অদুগী শান্তি, সেক্যুরিতী অমসুং স্তেবিলিতী শৌগৎনবা খোঙথাংশিংদা লেপ্তনা তেংবাংনবা অমসুং চুশিন্ননা চৎমিন্ননবা মখোয়গী ফিরেপ অদু অমুক হন্না থমখি।
***
(রিলিজ আই.দি.: 2312176)
ভিজিতর কাউন্তর : 14