પ્રધાનમંત્રીનું કાર્યાલય
પ્રધાનમંત્રી શ્રી નરેન્દ્ર મોદીને UAEના રાષ્ટ્રપતિનો ટેલિફોન કોલ આવ્યો
UAEના રાષ્ટ્રપતિએ પ્રધાનમંત્રીને જન્મદિવસની શુભેચ્છાઓ પાઠવી
નેતાઓએ ભારત-યુએઈ વ્યાપક વ્યૂહાત્મક ભાગીદારીને વધુ ગાઢ બનાવવાના પગલાં પર ચર્ચા કરી
UAEના રાષ્ટ્રપતિએ ભારતની સફળ BRICS અધ્યક્ષતા બદલ પ્રધાનમંત્રીને અભિનંદન આપ્યા
નેતાઓએ પશ્ચિમ એશિયામાં શાંતિ, સુરક્ષા અને સ્થિરતાને પ્રોત્સાહન આપવા માટેની પ્રતિબદ્ધતાનો પુનરોચ્ચાર કર્યો
પોસ્ટેડ ઓન:
18 SEP 2026 4:32PM by PIB Ahmedabad
પ્રધાનમંત્રી શ્રી નરેન્દ્ર મોદીને યુનાઇટેડ આરબ અમીરાત (UAE) ના રાષ્ટ્રપતિ મહામહિમ શેખ મોહમ્મદ બિન ઝાયેદ અલ નાહયાનનો ટેલિફોન કોલ આવ્યો હતો.
UAEના રાષ્ટ્રપતિએ પ્રધાનમંત્રીને તેમના જન્મદિવસ પર ઉષ્માભરી શુભેચ્છાઓ પાઠવી હતી.
બંને નેતાઓએ ઊર્જા, સંરક્ષણ, ટેકનોલોજી, રોકાણ અને આરોગ્ય ક્ષેત્રો સહિત ભારત-યુએઈ વ્યાપક વ્યૂહાત્મક ભાગીદારીને વધુ મજબૂત બનાવવાના નવા પગલાં અંગે ચર્ચા કરી હતી.
UAEના રાષ્ટ્રપતિએ ભારતની સફળ BRICS અધ્યક્ષતા બદલ પ્રધાનમંત્રીને અભિનંદન પાઠવ્યા હતા. પ્રધાનમંત્રીએ બ્રિક્સ સમિટમાં મહામહિમ ક્રાઉન પ્રિન્સ શેખ ખાલેદની ભાગીદારી અને ભારતની અધ્યક્ષતા હેઠળ નોંધપાત્ર પરિણામો પ્રાપ્ત કરવામાં યુએઈના સહયોગ અને ભાગીદારીની પ્રશંસા કરી હતી.
બંને નેતાઓએ પશ્ચિમ એશિયાના ઘટનાક્રમ પર વિચારોનું આદાન-પ્રદાન કર્યું હતું. તેઓએ પ્રાદેશિક શાંતિ, સુરક્ષા અને સ્થિરતાને પ્રોત્સાહન આપવાના પ્રયાસોમાં સતત સહયોગ અને સંકલન માટેની તેમની પ્રતિબદ્ધતાનો પુનરોચ્ચાર કર્યો હતો.
SM/BS/JD
(રીલીઝ આઈડી: 2312097)
મુલાકાતી સંખ્યા : 6