প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ৱেস্ব বেঙ্গলদা অন্নপুর্ন য়োজনাগী মখাদা ইন্সতোল্মেন্ত য়েন্থোকপদা তিনখিবা মীয়ামগী মফমদা ৱা ঙাঙখ্রে
অন্নপুর্ন য়োজনা অসি ৱেস্ত বেঙ্গলগী নুপীশিংগী মপাঙ্গল চাউনা হাপ্লিবা থৌরাং অমনি: প্রধান মন্ত্রী
ইলিজিবল ওইরবা নুপী অমত্তা অন্নপুর্ন য়োজনাগী কান্নবা ফংদবা তৌহল্লোইদবনি হায়বসি ঐখোয়গী লৈঙাক্কী পান্দম্নি: প্রধান মন্ত্রী
ভিক্সিত ভারত অমগী মপাঙ্গলগা লোয়ননা ভিক্সিত ভারত অমগী ফিরেপ হেন্না চেৎশিল্লক্কনি: প্রধান মন্ত্রী
থাগৎখিবা:
17 SEP 2026 2:26PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা ৱেস্ত বেঙ্গলদা অন্নপূর্ন যোজনাগী মখাদা ইন্সতোলমেন্ত থাদোকপগী থৌরমদা তিনখিবা মীয়ামগী মফমদা ৱা ৱা ঙাঙখি। অখন্নবা থৌরম অমদা মীয়ামগা লোয়ননা শম্নবা ফংবদা থোইদোক হেন্দোক্না নুংঙাইবা ফাওই হায়রদুনা, প্রধান মন্ত্রীনা বেঙ্গলগী ইমা অমসুং ইচে-ইচলশিংগী মফমদা ইকাই খুম্নবা উৎখি। মখোয়গী চপ চাবা থাজবা অমসুং মীনুংশিনা মহাক্কী মপাঙ্গল হাপ্নবা পাম্বৈ অমা ওইরি হায়না মহাক্না ফোঙদোকখি। "অদোমগী থাজবনা ঐগী পাঙ্গলনি!" হায়না শ্রী মোদীনা ফোঙদোকখি।
নুমিৎ অসিগী নাৎকী ওইবা মরু ওইবা অদুবু শকখঙবগা লোয়ননা, প্রধান মন্ত্রীনা শেম-শাবা অমসুং খুৎহৈবা শিনফমগীদমক কৎথোক্লবা শেংলবা কুহ্মৈ অমা পাংথোকপগীদমক মীৎকুপ অমা কাইথোকখি। অখন্নবা থৌরম অসি ইকাই খুম্নবা উৎলিবা মীয়াম পুম্নমক্তা মহাক্না থম্মোয় শেংবা য়াইফ-পাউজেল পীখি। "বিশ্বকর্মা পুজাদা ময়াম পুম্নমক্তা ঐহাক্না থম্মোয় শেংনা য়াইফ-পাউজেল পীজরি," হায়না শ্রী মোদীনা ফোঙদোকখি।
স্তেত অসিদা অওনবা পুরকপগী মতম অমা হৌরকপগী মতাঙদা পল্লদুনা, প্রধান মন্ত্রীনা অন্নপূর্ন যোজনাগী খুত্থাঙদা লমদমসিগী নুপীশিংশিংদা মপাঙ্গল হাপ্নবগীদমক শেম্বা অনৌবা মচৎ অমগী শৈহৌ থৌরম সেলেব্রেত তৌখি। অনৌবা তৌবা ঙম্বগী পন্দুপ অসিদা খোঙ থাংজিল্লক্লিবা নুপী খুদিংমক্কী মফমদা মহাক্না থম্মোয় শেংনা নুংঙাইবা ফোঙদোকখি অমসুং য়াইফ-পাউজেল পীখি। "ঙসিদি, বেঙ্গলগী ইমা অমসুং ইচে-ইচলশিংদা অনৌবা তৌবা ঙম্বগী মতিংশিং হাপচিনখ্রে," হায়না শ্রী মোদীনা ফোঙদোকখি।
নুপীশিংনা পুরিবা চাউরবা ইমুংগী থৌদাংগী মতাঙদা পল্লদুনা, প্রধান মন্ত্রীনা মখোয়না মশিং থিঙমদ্রবা নুংতিগী ফিরেপ কয়াগা লোয়ননা ইমুং মনুংবু য়াম্না হৈ শিংনা পুরিববু শিংথাখি। মখোয়না মথৌ তাবা শেঞ্জংগী মতাঙদা লৈরিবা অৱাবা কয়া হন্থহনবনা মখোয় মশাবু থাজজবা হেনগৎহল্লি হায়না মহাক্না ফোঙদোকখি। "মখোয়দা মথৌ তাবা শেঞ্জঙগী মরমদা অৱাবা য়াম্না লৈত্রবা মতমদা মখোয় মশাবু থাজজবগী চাংসু হেনগৎলকই," হায়না শ্রী মোদীনা ফোঙদোকখি।
অন্নপূরন য়োজনা অসি নুপীশিংগী মশাবু থাজজবা হেনগৎহন্নবগীদমক য়াম্না মরু ওইবা পাম্বৈ অমনি হায়না ফোঙদোক্লদুনা, থা খুদিংগী শোয়দবা শেলগী দিপোজিৎ অমনা পুন্সিগী অচৌবা তেংবাং ওইরি হায়বগী মতাঙদা প্রধান মন্ত্রীনা মরীক চুম্না ফোঙদোকখি। কনাদসু হংনরুবা তৌদনা অকক্নবা শেনফম অসি ফংবনা নুপীশিংদা শেল-থুমগী ইকায় খুম্নবা পীরি হায়না মহাক্না পনখি। "মসি মখোয়গী পুন্সিগী অচৌবা তেংবাং অমনি। মসি অচৌবা মতেং অমনি!" হায়না শ্রী মোদীনা ফোঙদোকখি।
থৌশিল অসিগী মশক থোকপা ইথিলগী মতাঙদা ফোঙদোক্লদুনা, প্রধান মন্ত্রীনা ইচে-ইচল করোর ১.৫ হেনবা গী বেঙ্ক একাউন্ততা লুপা ৩,০০০ গী মরিশুবা ইন্সতোলমেন্ত অসি মায় পাক্না য়ৌরে হায়না লাউথোকখি। চাং নাইনা ফংলিবা শেলগী মতেং অসিনা হিদাক লাংথক, ইমুংগী মথৌ তাবশিং লৈনবা নত্রগা অঙাং অমগী মহৈ মশিং তম্বদা থাদনবা মরুওইবা পুন্সিগী লম্বী অমনি হায়না মহাক্না হায়খি। "ইচল অমগী ওইনদি, মসি হিদাক লাংথক নত্রগা ইমুংগী মথৌ তাবগী পোৎলমশিং লৈনবগী তেংবাং অমা ওইবা য়াই," হায়না শ্রী মোদীনা পনখি।
শেলগী তেংবাং অসিগী মখাদা লৈবা হেন্না পাক চাউবা মঙলানগী মতাঙদা ফোঙদোক্লদুনা, প্রধান মন্ত্রীনা নুপীশিংদা ৱারেপ লৌনবা অচৌবা মপাঙ্গল অমসুং মাঙলোমদা চঙশিন্নবা থৌনা ফংহনবদা চাউনা থাজবা লৈ হায়না ফোঙদোকখি। মহাক্না কান্নবা ফংলিবশিংগী মফমদা নুংঙাইবা ফোংদোকখি অমসুং মপাঙ্গল হাপ্নবগী থৌরাংশিং অসিদা অন্নপুর্ন স্কীম্না মরু ওইবা থৌদাং লৌরি হায়না অমুক হন্না ফোঙদোকখি। "বেঙ্গলগী নুপীশিংসিদসু ৱারেপ লৌনবা মপাঙ্গল অমসুং মাঙলোমদা চঙশিন্নবা থৌনা লৈগদবনি," হায়না শ্রী মোদীনা হায়খি।
প্রধান মন্ত্রীগা স্তেত অসিগী নুপী ওইবীশিংগী মফমদা অৱাবা কয়া খাঙলুরবা মতুংদা রাজনিতীগী অহোংবা অমা পুরকপদা মখোয়না লৌরিবা খ্বায়দগী মরুওইবা থৌদাংশিংগীদমক শিংথাখি। ‘ৱা য়াম্না হায়দনা, থবক য়াম্না তৌবা’ হায়বা লাইৱা অসি মতিক চানা চত্থদুনা মখোয়গী পুন্সি মহিং ফগৎহনবা হায়বসিনা অনৌবা লৈঙাক অসিগী মরু ওইবা পান্দম্নি হায়না মহাক্না হায়খি। "ঐখোয়গী অনৌবা লৈঙাক অসিগী মাঙদা তাদুনা লৈরিবা অহানবা চাংয়েংদি বেঙ্গলগী নুপীশিংগী পুন্সি মহিং ফগৎহনবনি," হায়না শ্রী মোদীনা ফোঙদোকখি।
য়াইফ-থৌরাংশিং খোঙলৈ থুনা পায়খৎপগী মতাঙদা পল্লদুনা, প্রধান মন্ত্রীনা অন্নপুর্ন য়োজনা অসি অনৌবা লৈঙাক অসিনা থবক পায়বা হৌবগা নুমিৎ খরনিগী মনুংদা থবক পাঙথোকপা হৌখিবনি হায়খি। নুপী করোর কয়াগী মফমদা শেঞ্জা থুমজা অমত্তা লৈহন্দনা, অপনবা লৈতনা, হকথেংননা মখোয় মখোয়গী বেঙ্ক একাউন্ততা শেনফম থাদোকপগী য়ৌহনখিবদা মহাক্না নুংঙাইবা ফোঙদোকখি। লৈঙাক অসিনা মপুং ফানা পুম্নমকপু কোনশিন্নবা লেপ্লিবা ফিরেপ্পু নৌহৌননা ফোঙদোক্লদুনা, প্রধান মন্ত্রীনা স্তেত শিনবা থুংনা পুম্নমক কোনশিন্নবা থৌরাং খোঙলৈ য়াঙনা পায়খৎলি হায়খি। “ইলিজিবল ওইনা নুপী অমত্তা অন্নপুর্ন যোজনাগী কান্নবা অসি ফংদবা তৌহন্দবা হায়বসিনা ঐখোয়গী লৈঙাক্কী পান্দমসু ওইরি,” হায়না শ্রী মোদীনা ফোঙদোকখি।
নুপীশিংগী মপাঙ্গল হাপ্নবগী মপুং ফাবা পরম অমগী মতাঙদা ফোঙদোক্লদুনা, প্রধান মন্ত্রীনা মীরোনবী নুপীশিংগীদমক মাত্রু বন্দনা য়োজনাদগী হৌরগা বেতী বচাও - বেতী পরাও খোঙজং ফাওবগী অহেনবা মীৎয়েং থম্বা খোঙথাং কয়াগী মতাঙদা থমখি। স্কুল তোইলেত করোর কয়া শাববা, সাইনিক স্কুলশিং নুপীমচাশিংগীদমক হাংদোকপা, মুদ্রা লোন ফংহনবা, মেতর্নিতী লীভ হেনগৎহনবা, উজ্জ্বলা গ্যাস অমসুং হর ঘর জল ঈশিং ফংহনবা, আয়ুস্মান কার্দ য়েন্থোকপা, অমসুং পি.এম. আৱাসকী মখাদা পুন্না লন-থুমগী হক ফংহনবা য়াওনা অচৌবা খোঙথাংশিং অদু মশক তাক্লদুনা নুপীশিংনা অঙাং ওইরিঙৈদগী হৌরগা মমা ওইরকপা ফাওবদা থেংনরিবা অৱাবা খুদিংমক মপুং ফানা কোকহন্নবা থৌরাংশিং পনখি। "ইমা, ইচে-ইচল অমসুং ইচানুপীশিংগী পুন্সিগী তাঙ্কক্কা মরী লৈনবা খুদোংচাদবা খুদিংমক কোকহনবা হায়বসি খ্বাইদগী অহেনবা মীৎয়েং থমফম ওইদুনা লাক্লি,” হায়না শ্রী মোদীনা ফোঙদোকখি।
হৌখিবা মতমদা পন্দুনা লৈরম্বা প্রোজেক্তশিং অদু মতম চানা মীয়ামদা ফংহন্ননবগীদমক হৌজিক লৈরিবা লৈঙাক অসিনা খোঙজেল য়াঙনা চঙশিল্লি হায়না প্রধান মন্ত্রীনা মীয়ামদা থাজবা পীখি। “হৌজিক, হৌজিক লৈরিবা লৈঙাক অসিগী মখাদা, পন্দুনা লৈরম্বা প্রোজেক্তশিং অসিগী খোঙজেল য়াঙশিল্লে,” হায়না শ্রী মোদীনা পনখি।
পি.এম. আৱাস য়োজনা অসি অনৌবা ইনোৎকী অচৌবা খুদম অমনি হায়না পল্লদুনা, স্তেত অসিদা নৌনা শকখঙলবা লায়রবা ইমুং লাখ ৫০ হেনবনা অথুবদা পি.এম. বিশ্বকর্মা য়োজনাগী মখাদা য়ুম অমমম ফংলগনি হায়না প্রধান মন্ত্রীনা লাউথোকখি। মহাক্না লোইশিন্দনা লৈরম্বা প্রোজেক্তশিং অসিবু অমুক হন্না হিঙ্গৎহল্লক্লিবা অসি লমদমসিগী নুপীশিংগী য়াম্লবা থৌজাল অমসুং মতেংননি হায়রদুনা, স্তেত অসিগী তুংলমচৎকীদমক পুন্না চৎমিন্ননবগী মঙলান অমসু মসিনা উৎলি হায়খি। “ঐখোয় পুম্নমক্না অনৌবা বেঙ্গল অমা শেমগৎমিন্নগনি,” হায়না শ্রী মোদীনা ফোঙদোকখি।
রিজনেল প্রোগ্রেসপু লৈবাক্কী পান্দমগা শম্নহল্লদুনা, প্রধান মন্ত্রীনা লমদম অসিগী নুপীশিংনা ভিক্সিত ভারতকী মায়কৈদা চঙশিল্লিবা চাওখৎপগী খোঙচৎ অসিবু মখা তানা হেন্না য়াংখৎহনগনি হায়বগী মপুং ফাবা থাজবা লৈ হায়না ফোঙদোকখি। মহাক্না চাওখৎলবা স্তেত অমগী মপাঙ্গল অসিনা লৈবাক অসিগী অচৌবা পান্দমবু ময়েক শেংনা মপাঙ্গল কনখৎহল্লি হায়না অকনবা ৱাফম থমখি। “ভিক্সিত বেঙ্গলগী মপাঙ্গলগা লোয়ননা, ভিক্সিত ভারতকী পান্দম অসি হেন্না মপাঙ্গল কনখৎলক্কনি," হায়না শ্রী মোদীনা ফোঙদোকখি।
থম্মোয় শেংনা তৌবিমল খঙবা উৎপগা লোয়ননা মহাক্কী ৱারোল লোইশিল্লদুনা, প্রধান মন্ত্রীনা মীয়ামগী লোইনাইদ্রবা মীনুংশি অমসুং থৌজালনা মীয়ামগী থৌগল তৌনবগীদমক লোইনাইদ্রবা ইনোৎ হাপ্লি হায়নাহায়খি। মহাক্না নুমিৎ অসিবু মরম অনিগীদমক নুংঙাইবা ফোঙদোকপগী অরোয়বা য়াইফ-পাউজেল পীখি। "অমুক হন্না, অন্নপুর্ন দিবসগীদমক ময়াম পুম্নমক্কী মফমদা নুংঙাইবা ফোঙদোকচরি," হায়না শ্রী মোদীনা ফোঙদোকখি।
***
(রিলিজ আই.দি.: 2312173)
ভিজিতর কাউন্তর : 8
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Assamese
,
Bengali
,
Bengali-TR
,
Punjabi
,
Gujarati
,
Tamil
,
Telugu
,
Kannada
,
Malayalam