ওফিসিয়েল লেঙ্গুৱেজ চৎনহনবদা থোইদোক-হেন্দোকপা থবক অমসুং লেপ্তনা ফজরবা পর্ফোর্মেন্স উৎখিবগীদমক, মিনিস্ত্রী ওফ হোম এফেয়র্সকী দিপার্তমেন্ত ওফ ওফিসিয়েল লেঙ্গুৱেজনা নই দিল্লিগী দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রিভান্সেসপু ২০২৫-২৬ চহিগীদমক ‘রাজভাসা উৎকৃস্ততা সম্মান’ পীখ্রে।

সম্মান অসি ২০২৬কী সেপ্তেম্বর ১৪দা হিন্দী দিবস্কী থৌরমদা মহারাস্ত্রগী নৱি মুম্বাইদা লৈবা সিদকো (CIDCO) একজিবিসন সেন্তরদা পাংথোকপা ৬শুবা ওল ইন্দিয়া ওফিসিয়েল লেঙ্গুৱেজ কনফরেন্সকী মনুংদা ইকায়খুম্নরবা য়ুনিয়ন হোম মিনিস্তর, শ্রী অমিত শাহনা দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রিভান্সেসকী সেক্রেতরী, শ্রীমতি নিবেদিতা শুক্লা ভর্মাদা পীখি।

দিপার্তমেন্ত অসি মথং-মনাও ওইনা চহি অনি—২০২৩-২৪ অমসুং ২০২৪-২৫গীদমক দিপার্তমেন্ত ওফ ওফিসিয়েল লেঙ্গুৱেজনা রাজভাসা কীর্তি পুরস্কার (অহানবা) মনা পীখ্রে হায়বা অসি পনবা য়াই।

চহি অসিদসু, নই দিল্লীগী দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রিভান্সেসনা ওফিসিয়েল লেঙ্গুৱেজ চৎনহনবদা মখোয়গী ফজরবা পর্ফোর্মেন্সকীদমক অহানবা মফম কনখি।

কাংলোনশিংগী মতুং ইন্না, করিগুম্বা মিনিস্ত্রী/দিপার্তমেন্ত অমনা মথং-মনাও ওইনা চহি অনি অহানবা মনা ফংলবদি, মসিগী মথংগী চহিদা মনা (পুরস্কার) অদু পীদে।

অদুম ওইনমক, দিপার্তমেন্ত ওফ এদমিনিস্ত্রেতিব রিফোর্মস এন্দ পব্লিক গ্রিভান্সেসনা চহি কয়াগী মনুংদা ওফিসিয়েল লেঙ্গুৱেজকী লমদা লেপ্তনা থোইদোক-হেন্দোকপা থবক তৌদুনা লাক্লি। মরম অদুনা, ওফিসিয়েল লেঙ্গুৱেজ চৎনহনবদা মসিগী লেপ্তনা উৎলিবা ফজরবা থৌওং অদুবু মশক খঙনবা, দিপার্তমেন্ত অসিদা অখন্নবা ‘রাজভাসা উৎকৃস্ততা সম্মান’ পীখ্রে।

***