نئی دہلی کے انتظامی اصلاحات اور عوامی شکایات کے محکمہ کو سرکاری زبان کے نفاذ کے شعبے میں بہترین کام اور مسلسل عمدہ کارکردگی کے لئے سال 2026-2025 کے لئے وزارت داخلہ کے محکمہ سرکاری زبان کی جانب سے‘راج بھاشا اتکرشٹتا سمان’ سے نوازا گیا۔

یہ اعزاز 14 ستمبر 2026 کو ہندی دیوس کے موقع پر مہاراشٹر کے نوی ممبئی میں واقع سڈکو ایگزیبیشن سینٹر میں منعقد چھٹی آل انڈیا راج بھاشا کانفرنس کے دوران عزت مآب مرکزی وزیر داخلہ جناب امت شاہ کے ہاتھوں انتظامی اصلاحات اور عوامی شکایات کے محکمہ کی سکریٹری محترمہ نِویدیتا شکلا ورما کو پیش کیا گیا۔

قابل ذکر ہے کہ محکمہ کو سال 2024-2023 اور سال 2025-2024 کے لئے مسلسل دو مرتبہ محکمہ سرکاری زبان کی جانب سے راج بھاشا کیرتی پرسکار (اول) سے نوازا گیاہے۔

 

محکمہ انتظامی اصلاحات اور عوامی شکایات، نئی دہلی نے بھی اس سال سرکاری زبان کے نفاذ میں شاندار کارکردگی کے لیے پہلی پوزیشن کا ایوارڈ حاصل کیا ہے۔

قواعد کے مطابق، ایک وزارت/محکمہ جو لگاتار دو بار پہلا انعام حاصل کرتا ہے اسے اگلے سال ایوارڈ نہیں دیا جاتاہے۔

تاہم، انتظامی اصلاحات اور عوامی شکایات کا محکمہ، نئی دہلی کئی برس سے سرکاری زبان کے میدان میں مسلسل شاندار کام انجام دے رہا ہے۔ لہذا، دفتری زبان کے نفاذ میں اس کی مسلسل شاندار کارکردگی کے لئے، محکمہ کو خصوصی ‘راج بھاشا اتکرشٹتا سمان’ سے نوازا گیا ہے۔

***

ش ح۔ ک ا۔ ن ع

U.NO. 3436

(ریلیز آئی ڈی: 2310196) وزیٹر کاؤنٹر : 8