শেল-থুম মন্ত্রালয়
দি.আর.আই.না 'ওপরেসন দীপ মেনিফেস্ত'কী মখাদা পকিস্তানদগী হৌরকপা দ্রাই দেতস এম.তি. ৩৬২দগী হেন্না ফাগৎখ্রে
থাগৎখিবা:
14 SEP 2026 12:23PM by PIB Imphal
পকিস্তানদগী পোৎলমশিং পুশিল্লকপদা ভারতনা থম্লিবা অথিংববু লান্থোক্নবা হোৎনরকপা থৌওংগী মায়োক্তা অচৌবা খোঙথাং অমা ওইনা, দিরেক্তোরেত ওফ রেভেন্যু ইন্তেলিজেন্স (DRI)না পকিস্তানদগী হৌরকপা দ্রাই দেতস মেত্রিক তন ৩৬২দগী হেন্না ফাগৎখ্রে।
অকক্নবা পাউদা য়ুম্ফম ওইরগা, দি.আর.আই.গী ওফিসারশিংনা নাসিক্কী সি.এফ.এস. অম্বাদতা মুম্বাইগী কম্পেনী অমনা পুশিল্লকপা দ্রাই দেতসকী কন্তেনর ১৩ ফাগৎখ্রে। পোৎলমশিং অসি য়ু.এ.ই.গী জেবেল অলিদগী লাকপনি, মসিদা ইম্পোর্তকী চেরোলশিংদা পোৎলমশিং অসি য়ু.এ.ই.দগী হৌরকপনি হায়না লাউথোক্লম্মি।
অহানবা থি-হুমম্বগী থবক চত্থবদা পোৎলমশিং অসি পকিস্তানদগী হৌরকপনি হায়বা লোৎশিন্নবগীদমক য়াম্না চেকশিন্না থৌরাং তৌরবা ত্রান্সশিপমেন্তকী মওং অমা উবা ফংখি। দ্রাই দেতস অসি অহানবদা পকিস্তানগী করাচি পোর্ততগী য়ু.এ.ই.গী জেবেল অলি পোর্ত্তা জহাজ অমদা কন্তেনর খরদা পুখৎলম্মি। জেবেল অলিদা, পোৎলমশিং অসি শুপ্নগী অতৈ কন্তেনরশিংদা হাপচিনখি অমসুং পকিস্তান মচাশিংনা চলায়বা কাংবুশিংগী খুত্থাংদা ভারত্তা পুশিল্লক্নবা অতৈ জহাজ অমদা পুখৎখি।
পহলগামগী তেরোরিস্তকী এতেক মতুংদা, ভারত লৈঙাক্না লৈবাক্কী সেক্যুরিতীগীদমক, ২০২৫কী মে ২দগী চৎনবা হৌগদবা ২০২৫কী মে ২গী দি.জি.এফ.তি. নোতিফিকেসন নম্বর ০৬/২০২৫-২৬ কী মখাদা পকিস্তানদগী হৌরকপা নত্রগা মফম অদুদগী এক্সপোর্ত তৌরকপা পোৎলমশিং দাইরেক্ত নত্রগা ইন্দাইরেক্ত ওইনা পুশিল্লকপা নত্রগা পুত্থোক-পুশিন তৌবদা মপুং ফানা অথিংবা থমখি। মসিগী পাউখুম ওইনা, দি.আর.আই.না "ওপরেসন দীপ মেনিফেস্ত" কী মখাদা অতোপ্পা লৈবাক অমগী লম্বীদা ভারত্তা পুশিল্লক্নবা হোৎনরকপা পকিস্তানগী পোৎলমশিং লেপ্তনা মশক খঙদোকপা, থিংবা অমসুং ফাবগী থবকশিং তৌদুনা লাক্লি।
ফাগৎপা অসিনা লৈবাক্কী সেক্যুরিতী ঙাক-শেনবা অমসুং সপ্লাই চেন অসি চুমথোক্নবা, চেরোলশিং অচুম-অরান শেম্বা, ত্রান্সশিপমেন্ত অমসুং অরানবা মওংদা লাউথোকপগী খুত্থাংদা ললোন-ইতিক্কী অথিংবশিং লান্থোক্নবা হোৎনরিবা নেতৱার্কশিংবু মশক খঙদোক্নবা, থিংনবা অমসুং মুত্থৎনবা দি.আর.আই.গী অচেৎপা ফিরেপ অদুবু তাক্লি।
*****
(রিলিজ আই.দি.: 2310161)
ভিজিতর কাউন্তর : 11