প্রধানমন্ত্রীগী লোইশঙ
প্রধান মন্ত্রীনা নই দিল্লীদা ব্রিক্স সম্মিতকী নাকলদা আফ্রিকান য়ুনিয়নগী চিয়রপার্সন অমসুং বুরুন্দি রিপব্লিক্কী রাস্ত্রপতিগা উনখ্রে
থাগৎখিবা:
13 SEP 2026 6:20PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি নই দিল্লীদা পাংথোকপা ১৮শুবা ব্রিক্স সম্মিতকী নাকলদা আফ্রিকান য়ুনিয়নগী চিয়রপার্সন অমসুং বুরুন্দি রিপব্লিক্কী রাস্ত্রপতি, ঐচ.ই. ইভারিস্তে নদাইশিমিয়েগা নাকল অনিগী ওইবা মীফম অমা পাংথোকখ্রে।
লুচিংবা অনিনা ২০২৩দা ভারতনা প্রেসিদেন্সী ওইরিঙৈদা অফ্রিকান য়ুনিয়নবু জি-২০গী মনুংদা পুরকপদা ভারতনা লৌখিবা থৌদাং অদু নীংশিংখি। ভারত-অফ্রিকা য়ুনিয়নগী পার্তনরশিপ অসি গ্লোবল সাউথকী মনুংদা মতেং পীনবগী মরুওইবা য়ুম্বী অমনি হায়না মখোয়না ফোংদোকখি। নাকল অনিমক্না খুদোংচাগদবা তাং অমদা মরিশুবা ইন্দিয়া-অফ্রিকা ফোরম সম্মিত (আই.এ.এফ.এস.-IV) অথুবা মতমদা পাংথোক্নবা মখোয়না খন্নখি।
প্রধান মন্ত্রীনা ইবোলা লাইচৎ অসি মায়পাক্না লান্থেংনবগীদমক এ.য়ু.গী লুচিংবশিংবু থাগৎপা ফোংদোকখি। এ.য়ু.গী চেয়রমেননা লাইচৎ অসি লাকশিন্নবা ভারতনা অফ্রিকা সি.দি.সি.দা তেংবাং পীরকপগী থাগৎপা ফোংদোকখি।
লুচিংবা অনিমক্না ভারত-বুরুন্দিগী মরীগী মতাংদা খন্ন-নৈনখি। মরী অসি নুংশি-চান্নবা, অমত্তা ওইবগী ৱাখল্লোন অমসুং চাউখৎপগী অপাম্বদা শরুক য়ামিন্নবা অসিনা মশক তাক্লি। লুচিংবা অনিমক্না ইকোনোমিক কোওপরেসন, দিবেলপমেন্ত পার্তনরশিপ, এগ্রিকলচর মোদর্নাইজেসন, হেল্থকেয়র অমসুং কেপাসিতী বিল্দিং ইনিসিয়েতিবশিংগী লমশিংদা নাকল অনিগী ওইবা মরীশিং য়েংশিনখি।
*****
(রিলিজ আই.দি.: 2309918)
ভিজিতর কাউন্তর : 3