জৱাহর নবোদয়া বিদ্যালয়শিংগী ২৭শুবা নেস্নেল য়ুথ পার্লিয়ামেন্ত কম্পিতিসন, ২০২৫-২৬ কী মনা য়েন্থোকপগী থৌরম ঙসি,  ২০২৬কী সেপ্তেম্বর ১০দা নই দিল্লীগী পার্লিয়ামেন্ত হাউস কমপ্লেক্সকী পার্লিয়ামেন্ত লাইব্রেরী বিল্দিংগী জি.এম.সি. বালায়োগী ওদিতোরিয়মদা পাংথোকখ্রে।

কেন্দ্রগী পার্লিয়ামেন্তরী এফিয়র্স অমসুং মাইনোরিতী এফিয়র্সকী মন্ত্রী, শ্রী কিরেন রিজিজুনা থৌরম অসিগী ময়াই তাংবল লৌখি অমসুং কম্পিতিসন অদুদা মাইপাক্লবা জৱাহর নবোদয়া বিদ্যালয়শিংগী তীমশিংদা মখোয়গী শিংথানীংঙাই ওইরবা পর্ফোর্মেন্সশিং অদুগীদমক্তা শীল্দ অমসুং মনাশিং য়েন্থোকখি। মন্ত্রীনা জে.এন.ভি. উখ্রুল-১, মনিপুরগী নেস্নেল ৱিন্নর তীম অমসুং অতোপ্পা লমদমগী (রিজনেল) ৱিন্নর ৭তা নুংঙাইবা ফোংদোকখি।

মন্ত্রীনা মহৈরোয়শিংদা দেমোক্রেসীগী খুদম অমা ওইনা পার্লিয়ামেন্তকী মরুওইবগী মতাংদা লমজিংখি অমসুং পার্লিয়ামেন্তরী দেমোক্রেসী সীস্তেম অসি ভারতকী খ্বাইদগী চুনবা অমনি হায়না ফোংদোকখি, মফম অসিদা মীয়াম্না মখোয়না খনগৎলবা মীহুৎশিংগী খুত্থাংদা মশা-মশাবু লৈঙাকচৈ। মহাক্না পার্লিয়ামেন্তরী ফোর্ম ওফ দেমোক্রেসীবু মালেমদা লৈঙাকপগী খ্বাইদগী ফবা মওংনি হায়না শন্দোক্না তাকখি। মহাক্না মহৈরোয়শিংগী লমচৎ-শাজৎপু অচুম্বা লম্বীদা শেমগৎলিবা জৱাহর নবোদয়া বিদ্যালয়শিংগী ৱার্ক কলচরবু থাগৎখি।

সেক্রেতরী, পার্লিয়ামেন্তরী এফিয়র্স মন্ত্রালয়, শ্রী নিকুঞ্জ বিহারি ধলনা মীয়ামদা ৱা ঙাংখি অমসুং মাইপাক্লবা তীমশিংদা নুংঙাইবা ফোংদোকপগা লোয়ননা, পার্লিয়ামেন্তরী এফিয়র্স মন্ত্রালয় অমসুং প্রোগ্রাম অসিগী অতৈ স্তেকহোল্দরশিংনা হোৎনরিবা শিংথানীংঙাই ওইরবা থবকশিংবু থাগৎখি। মহাক্না মখাতানা হায়খি মদুদি অসিগুম্বা প্রোগ্রামশিংনা মহৈরোয়শিংদা মখোয়গী পর্সোনেলিতি, ক্রিতিকেল থিংকিং অমসুং তীম ৱার্ক্কী স্পিরিৎ চাউখৎহন্নবা হেন্না ফবা খুদোংচাবা অমা পীরি।

চীফ গেস্ত অমসুং অতৈ গেস্ত পুম্নমকপু তরাম্না ওকপগা লোয়ননা, দা. সত্যা প্রকাশ, এদিস্নেল সেক্রেতরী, পার্লিয়ামেন্তরী এফিয়র্স মন্ত্রালয়না ২০৪৭ ফাওবগী মনুংদা ভারতপু চাউখৎহনবদা য়াম্না মরুওইবা অরিবা গুরু-সিস্যা পরমপরাদা য়ুম্ফম ওইবা প্রিন্সিপলশিং / ওজাশিং অমসুং মহৈরোয়শিংগী থৌদাং অদুবু থমখি।

থৌরম অসিদা, জৱাহর নবোদয়া বিদ্যালয়শিংগী ২৭শুবা নেস্নেল য়ুথ পার্লিয়ামেন্ত কম্পিতিসন, ২০২৫–২৬ তা নেস্নেল লেভেলদা অহানবা ওইখিবা পি.এম. শ্রী জৱাহর নবোদয়া বিদ্যালয়, উখ্রুল-১, মনিপুর (শিলোং রিজন) গী মহৈরোয়শিংনা "য়ুথ পার্লিয়ামেন্ত" কী পার্ফোর্মেন্স অমা অমুক হন্না উৎখি।

পার্লিয়ামেন্তরী এফিয়র্স মন্ত্রালয়না মমাংগী চহি ৩০দগী জৱাহর নবোদয়া বিদ্যালয়শিংগীদমক য়ুথ পার্লিয়ামেন্ত কম্পিতিসনশিং পাংথোক্লক্লি। জৱাহর নবোদয়া বিদ্যালয়শিংগী নেস্নেল য়ুথ পার্লিয়ামেন্ত কম্পিতিসনগী স্কিমগী মখাদা, ২০২৫-২৬ কী মনুংদা ভারত শিনবা থুংনা লৈবা নবোদয়া বিদ্যালয় সমিতিগী রিজন ৮দা শন্দোক্না লৈবা বিদ্যালয় ১০০গী মরক্তা ২৭শুবা কম্পিতিসন অসি পাংথোকখি।

য়ুথ পার্লিয়ামেন্ত স্কিম অসিনা লৈবাক শিনবা থুংবদা লৈবা জৱাহর নবোদয়া বিদ্যালয়শিংগী নহা ওইরিবা ৱাখলশিংদা পুন্সিন্নবা অমসুং মখোয়গী ফজরবা ৱা ঙাংবগী মওং, কুপ্না খন্থবা, অমসুং লুচিংবগী হৈশিংবশিং উৎনবা ফম্পাক অমা পীরি। মসিগী মথক্তা, স্কিম অসিনা মহৈরোয়শিংদা পার্লিয়ামেন্তকী চৎন-পথাপশিং অমসুং থৌওং-থৌরাংশিং, খন্ন-নৈনবা অমসুং দিবেতকী তেকনিকশিং খঙহল্লি, অমসুং মখোয়গী মশাদা থাজজবা, লুচিংবগী মগুনশিং, অমসুং খ্বাইদগী হেন্না ফবা মওংদা ৱা ঙাংবগি কলা অমসুং হৈশিংবা শেমগৎপদা মতেং পাংলি। মমিং লৈরবা থৌরম অসিনা জৱাহর নবোদয়া বিদ্যালয়শিংগী খ্বাইদগী হৈশিংবা অমসুং ৱা ঙাংবা ফবা মহৈরোয় খরবু লৈবাক অমসুং মালেমগী মরুওইবা ৱাফমশিংদা ইচং থৌরবা দিবেতশিংদা শরুক য়ানবা পুক্নিং থৌগৎলি।

থৌরম অদুদা, নেস্নেল লেভেলদা অহানবা ওইবগীদমক "পন্দিত জৱাহর লাল নেহরু রন্নিং পার্লিয়ামেন্তরী শীল্দ" অমসুং ত্রোফী পি.এম. শ্রী জৱাহর নবোদয়া বিদ্যালয়, উখ্রুল-১, মনিপুর (শিলোং রিজন)দা খুদোল তমখি।

মসিগী মথক্তা, মখোয়গী মশাগী রিজনশিংদা অহানবা ওইরকপা মখাগী জৱাহর নবোদয়া বিদ্যালয় ৭ অসি মন্ত্রীদগী ত্রোফী অমসুং মনাশিং ফংখি:

শ্রী অনিল কুমার, দেপ্যুতী সেক্রেতরী, পার্লিয়ামেন্তরী এফিয়র্স মন্ত্রালয়না ভোত ওফ থেঙ্কস পীখি। মহাক্না মশক নাইরবা গেস্তশিং, শরুক য়ারিবা মহৈরোয়শিং, ওজাশিং, মন্ত্রালয়গী ওফিসিয়েলশিং অমসুং অতৈ স্তেকহোল্দর পুম্নমক্না কম্পিতিসন অসি মাইপাক্না পাংথোকপদা মমল য়াম্লবা থৌদাং লৌখিবগীদমক থাগৎপা ফোংদোকখি।

***