ভাৰতীয় অনন্য পৰিচয় প্ৰাধিকৰণে (ইউ আই ডি এ আই) বুধবাৰে গ্ল’বেল ফিনটেক ফেষ্ট ২০২৬ -ত আধাৰ মুখ প্ৰমাণীকৰণ এছ ডি কে (ছফ্টৱেৰ ডেভেলপমেণ্ট কিট) আৰু আধাৰ মুখ প্ৰমাণীকৰণ চেণ্ডবক্স মুকলি কৰে, যাৰ ফলত পৰিৱেশতন্ত্ৰৰ অংশীদাৰসকলে তেওঁলোকৰ ডিজিটেল এপ্লিকেচনৰ ভিতৰত আধাৰ মুখ প্ৰমাণীকৰণক অধিক নিৰবিচ্ছিন্নভাৱে একত্ৰিত, পৰীক্ষা আৰু প্ৰয়োগ কৰিবলৈ সক্ষম হয়।

আধাৰ মুখ প্ৰমাণীকৰণ এছডিকে ইউআইডিএআইৰ মুখ প্ৰমাণীকৰণ ক্ষমতা পোনপটীয়াকৈ স্থানীয় এণ্ড্ৰইড আৰু আইঅ’এছ এপ্লিকেচনলৈ কঢ়িয়াই আনে। ই ব্যৱহাৰকাৰীসকলৰ এপ্লিকেচনসমূহৰ মাজত চুইচ কৰাৰ প্ৰয়োজনীয়তা আঁতৰ কৰে, যাৰ ফলত এক মসৃণ, একক-এপ প্ৰমাণীকৰণ অভিজ্ঞতা সক্ষম হয়।

ব্যৱহাৰৰ বাবে সাজু এছডিকে এআই/এমএল-আধাৰিত জীৱন্ততা আৰু এন্টি-স্পুফিং ক্ষমতা অন্তৰ্ভুক্ত কৰাৰ সময়ত পৰিৱেশতন্ত্ৰৰ অংশীদাৰসকলৰ বাবে একত্ৰীকৰণ সৰল কৰে। ই প্ৰমাণীকৰণ তথ্যৰ সুৰক্ষিত পৰিচালনা আৰু এনক্ৰিপশ্যনকো সমৰ্থন কৰে আৰু গ্ৰাহকৰ স্মাৰ্টফোনসমূহত কাম কৰাৰ বাবে ডিজাইন কৰা হৈছে। এছডিকে চৰকাৰী বিভাগ, বেংক, ফিনটেক আৰু অন্যান্য সংস্থাসমূহক মুখৰ প্ৰমাণীকৰণ-সক্ষম সেৱাসমূহ অধিক কাৰ্য্যকৰীভাৱে প্ৰয়োগ কৰাত সহায় কৰিব বুলি আশা কৰা হৈছে।

এছ ডি কে-ৰ লগতে, ইউ আই ডি এ আই-য়ে আধাৰ মুখ প্ৰমাণীকৰণ চেণ্ডবক্সো মুকলি কৰে, যি হৈছে এক সুৰক্ষিত আৰু নিয়ন্ত্ৰিত পৰিৱেশ যিয়ে সংগঠনসমূহক উৎপাদন অনবোৰ্ডিংৰ পূৰ্বে সম্পূৰ্ণ মুখ প্ৰমাণীকৰণ যাত্ৰাক একত্ৰিত, পৰীক্ষা আৰু বৈধতা প্ৰদান কৰিবলৈ অনুমতি দিয়ে।

চেণ্ডবক্সে ডেভেলপাৰ আৰু গুণগত নিশ্চয়তা দলসমূহক বাহ্যিক বায়োমেট্রিক হাৰ্ডৱেৰৰ প্ৰয়োজন নোহোৱাকৈ ব্যৱহাৰকাৰীৰ ব্যৱস্থা আৰু সন্মতি, মুখ বন্দী কৰা, জীৱিত থকাৰ পৰীক্ষা, প্ৰমাণীকৰণ, ত্ৰুটি নিয়ন্ত্ৰণ আৰু সঁহাৰি বৈধকৰণকে ধৰি মূল পৰ্যায়সমূহ পৰীক্ষা কৰিবলৈ সক্ষম কৰে। ই অবৈধ ডিজিটেল স্বাক্ষৰ, নেটৱৰ্ক বিঘিনি, টাইমআউট আৰু প্ৰৱঞ্চনাৰ প্ৰচেষ্টাৰ দৰে বিফলতাৰ পৰিস্থিতি পৰীক্ষা কৰাৰ অনুমতি দিয়ে।

এছডিকে আৰু চেণ্ডবক্স মুকলি কৰাটোৱে ব্যৱহাৰকাৰী বেংক/ফিনটেক সংস্থাৰ মোবাইল এপ্লিকেচনৰ ভিতৰৰ পৰা এক নিৰবিচ্ছিন্ন আৰু সুৰক্ষিত ব্যৱহাৰকাৰী অনবৰ্ডিং যাত্ৰা গঢ়ি তুলিবলৈ ফিনটেক তথা বেংকিং পৰিৱেশতন্ত্ৰৰ দীৰ্ঘদিনীয়া দাবী পূৰণ কৰে।

ই যাত্ৰাটো সৰল কৰি তোলে। ব্যৱহাৰকাৰীয়ে কেৱল এটা এপ ডাউনলোড কৰে, যেনে এটা বেংকিং/বীমা/ব্ৰকিং এপ আৰু এপটোৰ ভিতৰৰ পৰা আধাৰ প্ৰমাণীকৰণ কৰে। ইয়াৰ পূৰ্বে একেধৰণৰ অভিজ্ঞতাৰ বাবে ফেছআৰডি এপ নামৰ এটা বেকগ্রাউণ্ড এপৰ প্ৰয়োজন হৈছিল। ইয়াৰ ফলত ব্যৱহাৰকাৰীৰ অনবোৰ্ডিং যাত্ৰা দীঘলীয়া হৈ পৰিছিল আৰু আধাৰ ফেছআৰডি এপৰ উপস্থিতিৰ ওপৰত নিৰ্ভৰশীল হৈ পৰিছিল। এই মুকলিৰ সৈতে, ই আধাৰ মুখৰ প্ৰমাণীকৰণৰ বাবে একাধিক এপৰ প্ৰয়োজনীয়তা হ্ৰাস কৰে।

২০২১ চনত আৰম্ভ কৰা ইউ আই ডি এ আই-ৰ স্বদেশী অভিযান্ত্ৰিক এ আই/এম এল-চালিত মুখ প্ৰমাণীকৰণ সমাধানত ৫০০ কোটিৰো অধিক লেনদেন প্ৰক্ৰিয়া কৰা হৈছে আৰু কেন্দ্ৰীয় চৰকাৰৰ মন্ত্ৰালয় আৰু বিভাগ, ৰাজ্য চৰকাৰ, বেংক, এন বি এফ চি, টেলিকম অপাৰেটৰ, দালালী প্ৰতিষ্ঠান আৰু প্ৰমাণীকৰণ কৰ্তৃপক্ষকে ধৰি প্ৰায় ২০০ টা সংস্থাই ইয়াক গ্ৰহণ কৰিছে। এই প্ৰযুক্তিয়ে উদ্ভাৱন শ্ৰেণীৰ অধীনত ২০২৩ চনত ৰাজহুৱা প্ৰশাসনত উৎকৃষ্টতাৰ বাবে প্ৰধানমন্ত্ৰীৰ বঁটা লাভ কৰিছিল।

পেনশ্যনধাৰীসকলৰ দ্বাৰা ডিজিটেল জীৱন প্ৰমাণপত্ৰ (জীৱন প্ৰমাণ) দাখিল কৰা, আয়ুষ্মান ভাৰতৰ হিতাধিকাৰী অনবৰ্ডিং, ডিবিটি আঁচনি, আধাৰ-সক্ষম পেমেণ্ট, ই-কে ৱাই চিৰ জৰিয়তে ছিম সক্ৰিয়তা, পিএম ই-ড্ৰাইভ, পিএম আৱাস যোজনা আৰু পিএম কিষাণ আদি আঁচনিৰ বাবে হিতাধিকাৰীৰ প্ৰমাণীকৰণৰ দৰে সেৱাসমূহত মুখৰ প্ৰমাণীকৰণ ব্যাপকভাৱে ব্যৱহাৰ কৰা হয়।

ইউ আই ডি এ. আই.-এ লগতে ‘প্লেবুক অন ইজ অৱ অনবৰ্ডিং’ উন্মোচন কৰে যি বি এফ এছ আই সংস্থাসমূহক ইয়াৰ গ্ৰাহক, কৰ্মচাৰী আৰু অন্যান্য ব্যৱসায়িক অংশীদাৰসকলৰ আই ডি প্ৰমাণীকৰণৰ বাবে ইউ আই ডি এ আই প্ৰমাণীকৰণ পৰিস্থিতিতন্ত্ৰত অন্তৰ্ভুক্ত হ’বলৈ পথ প্ৰদৰ্শক হিচাপে কাম কৰিব।

****

Vinod Kumar / Kanishk Sharma/MK