બિન-અનુપાલન કરતી સંસ્થાઓ પર કાર્યવાહીના ભાગરૂપે, ફાઇનાન્શિયલ ઇન્ટેલિજન્સ યુનિટ-ઇન્ડિયા (FIU-IND)ના ડિરેક્ટરે નીચેના પંદર (15) વર્ચ્યુઅલ ડિજિટલ એસેટ્સ સર્વિસ પ્રોવાઇડર્સ (VDA SPs) ને પ્રિવેન્શન ઓફ મની લોન્ડરિંગ એક્ટ, 2002 (PMLA)ની કલમ 13 હેઠળ પાલન ન કરવા બદલ નોટિસ જારી કરી છે:

વધુમાં, ડાયરેક્ટર, FIU-IND, જેઓ માહિતી પ્રોદ્યોગિકી (ઇન્ફર્મેશન ટેકનોલોજી) અધિનિયમ, 2000ની કલમ 79(3)(b) અને માહિતી પ્રોદ્યોગિકી (મધ્યસ્થી માર્ગદર્શિકા અને ડિજિટલ મીડિયા આચારસંહિતા) સુધારા નિયમો, 2025ના નિયમ 3(1)(d) હેઠળ નોડલ અધિકારી છે, તેમણે ભારતમાં PMLAની સંબંધિત જોગવાઈઓનું પાલન કર્યા વિના ગેરકાયદેસર રીતે કાર્યરત હોવાનું જણાયેલી ઉપરોક્ત એન્ટિટીઓ સંબંધિત જાહેર ઍક્સેસ માટેની એપ્લિકેશન/URLs ને હટાવી દેવા માટે (takedown) નોટિસો પણ જારી કરી છે.

વર્ચ્યુઅલ ડિજિટલ એસેટ્સ સર્વિસ પ્રોવાઇડર્સ (VDA SPs)ને માર્ચ 2023માં પ્રિવેન્શન ઓફ મની લોન્ડરિંગ એક્ટ, 2002ની જોગવાઈઓ હેઠળ એન્ટી મની લોન્ડરિંગ/કાઉન્ટર ફાઇનાન્સિંગ ઓફ ટેરરિઝમ (AML/CFT)ના માળખાના દાયરામાં લાવવામાં આવ્યા હતા.

ભારતમાં કાર્યરત VDA SPs (પછી ભલે તે ઓફશોર હોય કે ઓનશોર) અને વર્ચ્યુઅલ ડિજિટલ એસેટ્સ અને ફિયાટ કરન્સી વચ્ચે વિનિમય, વર્ચ્યુઅલ ડિજિટલ એસેટ્સનું ટ્રાન્સફર, વર્ચ્યુઅલ ડિજિટલ એસેટ્સ અથવા વર્ચ્યુઅલ ડિજિટલ એસેટ્સ પર નિયંત્રણ સક્ષમ કરતા સાધનોની સેફકીપિંગ અથવા વહીવટ વગેરે જેવી પ્રવૃત્તિઓમાં રોકાયેલા હોય તેમણે FIU-IND પાસે રિપોર્ટિંગ એન્ટિટી તરીકે નોંધાયેલા થવું અને પ્રિવેન્શન ઓફ મની લોન્ડરિંગ એક્ટ, 2002 (PMLA) અને તેના હેઠળ ઘડવામાં આવેલા નિયમો હેઠળ ફરજિયાત કરવામાં આવેલી જવાબદારીઓનો સમૂહ પાળવો આવશ્યક છે. આ જવાબદારીઓ પ્રવૃત્તિ-આધારિત છે અને ભારતમાં એન્ટિટીની ભૌતિક ઉપસ્થિતિ પર નિર્ભર નથી. આ નિયમન PML એક્ટ હેઠળ VDA SPs પર રિપોર્ટિંગ, રેકોર્ડ રાખવા અને અન્ય જવાબદારીઓ નાખે છે જેમાં FIU-IND સાથેની નોંધણીનો પણ સમાવેશ થાય છે.

સામાન્ય જનતાની સુરક્ષા અને જાગરૂકતા માટે ઉલ્લેખ કરવો પ્રસ્તુત છે કે ક્રિપ્ટો પ્રોડક્ટ્સ અને NFTs નિયંત્રિત નથી અને તે ખૂબ જ જોખમી હોઈ શકે છે. આવા વ્યવહારોથી થતા કોઈપણ નુકસાન માટે કોઈ નિયમનકારી ન્યાયિક ઉપાય ઉપલબ્ધ ન હોઈ શકે.

SM/JY/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad