نائب صدر جمہوریہ ہند جناب سی پی رادھا کرشنن 6 سے 9 ستمبر 2026 تک آسام ، میگھالیہ ، منی پور اور اروناچل پردیش کا چار روزہ دورہ کریں گے ۔

اپنے دورے کے دوران ، نائب صدر تاریخی ، سماجی اور قومی اہمیت کے حامل اداروں کا دورہ کرنے کے علاوہ تعلیمی ، ثقافتی اور عوامی پروگراموں میں شرکت کریں گے ۔

مورخہ6ستمبر کو نائب صدر آسام کے گوہاٹی پہنچیں گے ۔  وہ گیتانگر کالج ، جسے پہلے کنیا مہاودیالیہ کے نام سے جانا جاتا تھا ، اس کی گولڈن جوبلی تقریبات میں شرکت کریں گے ۔  بعد میں وہ سریمنتا شنکر دیوا یونیورسٹی آف ہیلتھ سائنسز (ایس ایس یو ایچ ایس) گوہاٹی کی جلسہ تقسیم اسناد  تقریب میں شرکت کریں گے ۔

مورخہ7ستمبر کو نائب صدر گوہاٹی یونیورسٹی میں سنگ بنیاد رکھنے کے پروگرام میں شرکت کریں گے ، جس کے بعد یونیورسٹی کے کنونشن سینٹر میں طلباء ، فیکلٹی ممبران اور سرکردہ شہریوں کے ساتھ بات چیت کریں گے ۔  اس کے بعد وہ شیلانگ ، میگھالیہ روانہ ہوں گے ، جہاں وہ سوسو تھم آڈیٹوریم میں ایک عوامی استقبالیہ اور ثقافتی پروگرام میں شرکت کریں گے ۔

مورخہ8ستمبر کو نائب صدر امپھال ، منی پور کا دورہ کریں گے ۔  وہ مویرنگ میں آئی این اے میوزیم اور وار میموریل اور سینک اسکول امپھال کا دورہ کریں گے ۔  اس کے بعد وہ اروناچل پردیش کے ایٹا نگر جائیں گے ۔

مورخہ9 ستمبر کو نائب صدر اروناچل پردیش قانون ساز اسمبلی کے خصوصی اجلاس میں شرکت کریں گے اور اسمبلی گیلری-کم-میوزیم کا دورہ کریں گے ۔  وہ سماعت اور بصارت سے محروم افراد کے لیے نیدار نملو ، ایٹا نگر میں جواہر لال نہرو اسٹیٹ میوزیم اور ڈونی پولو مشن اسکول کا بھی دورہ کریں گے ۔

********

ش ح-ا ع خ    ۔ر  ا

U-No- 3056

(ریلیز آئی ڈی: 2306959) وزیٹر کاؤنٹر : 5