ભારતના ઉપરાષ્ટ્રપતિ, શ્રી સી. પી. રાધાકૃષ્ણન, 6 થી 9 સપ્ટેમ્બર, 2026 દરમિયાન આસામ, મેઘાલય, મણિપુર અને અરુણાચલ પ્રદેશની 4 દિવસીય મુલાકાતે જશે.

તેમની મુલાકાત દરમિયાન, ઉપરાષ્ટ્રપતિ ઐતિહાસિક, સામાજિક અને રાષ્ટ્રીય મહત્વ ધરાવતી સંસ્થાઓની મુલાકાત લેવા ઉપરાંત શૈક્ષણિક, સાંસ્કૃતિક અને જાહેર કાર્યક્રમોની શ્રેણીમાં ભાગ લેશે.

6 સપ્ટેમ્બરના રોજ, ઉપરાષ્ટ્રપતિ ગુવાહાટી, આસામ પહોંચશે. તેઓ અગાઉ કન્યા મહાવિદ્યાલય તરીકે ઓળખાતી ગીતાનગર કોલેજના સુવર્ણ જયંતી ઉજવણીમાં હાજરી આપશે. તેઓ પાછળથી શ્રીમંત શંકરદેવ યુનિવર્સિટી ઓફ હેલ્થ સાયન્સિસ (SSUHS), ગુવાહાટીના પદવીદાન સમારોહમાં હાજરી આપશે.

7 સપ્ટેમ્બરના રોજ, ઉપરાષ્ટ્રપતિ ગૌહાટી યુનિવર્સિટી ખાતે ખાતમુહૂર્ત કાર્યક્રમમાં હાજરી આપશે, ત્યારબાદ યુનિવર્સિટીના કન્વેન્શન સેન્ટર ખાતે વિદ્યાર્થીઓ, ફેકલ્ટી સભ્યો અને અગ્રણી નાગરિકો સાથે સંવાદ કરશે. ત્યારપછી તેઓ શિલોંગ, મેઘાલય જશે, જ્યાં તેઓ સોસો થામ ઓડિટોરિયમ ખાતે જાહેર સન્માન અને સાંસ્કૃતિક કાર્યક્રમમાં હાજરી આપશે.

8 સપ્ટેમ્બરના રોજ, ઉપરાષ્ટ્રપતિ ઈમ્ફાલ, મણિપુરની મુલાકાત લેશે. તેઓ મોઇરાંગ ખાતેના INA મ્યુઝિયમ અને વોર મેમોરિયલ તેમજ સૈનિક સ્કૂલ ઈમ્ફાલની મુલાકાત લેશે. ત્યારપછી તેઓ ઈટાનગર, અરુણાચલ પ્રદેશ જવા રવાના થશે.

9 સપ્ટેમ્બરના રોજ, ઉપરાષ્ટ્રપતિ અરુણાચલ પ્રદેશ વિધાનસભાના એક વિશેષ સત્રમાં હાજરી આપશે અને વિધાનસભા ગેલેરી-કમ-મ્યુઝિયમની મુલાકાત લેશે. તેઓ ઈટાનગરમાં ન્યેદર નામલો, જવાહરલાલ નેહરુ સ્ટેટ મ્યુઝિયમ અને શ્રવણ અને દ્રષ્ટિહીન બાળકો માટેની ડોની પોલો મિશન સ્કૂલની પણ મુલાકાત લેશે.

SM/JD

(રીલીઝ આઈડી: 2306974) મુલાકાતી સંખ્યા : 11